JOHANNES 13:16 - BIBEL JAMITA NA DENGGAN

¹⁶ Tutu do na Hudok on tu hamu: Nada gumodang naposo sian morana; jana nada gumodang suruan sian na marsurusa.

JOHANNES 13:16 Referans Kwoze

LUKAS 6:40

Nada adong sisean na gumodang sian guruna. Tapi muda dung tammat marsiajar sisean i, na giot sarupa ma i dohot gurunia i.”

JOHANNES 15:20

Ingot hamu ma hata na Hudok on tu hamu, ‘Nada gumodang naposo sian morana.’ Muda diparkanciti halahi Au, hamu pe laing parkancitan ni halahi muse do. Muda diihutkon halahi pangajaranKi, laing ihutkonon ni halahi muse ma angka pangajaranmunu.

JOHANNES 3:5

Dialusi Jesus ma, “Tutu do na Hudok tu ho: Anggo so sorang halak sian aek dohot sian Tondi, nada tarbaen gabe parsidohot di Harajaan Ni Debata.

JOHANNES 3:3

Dialusi Jesus ma, “Tutu do na Hudok on: Nada tarbaen sanga ise pe gabe anggota ni Harajaan Ni Debata, anggo so jolo sorang ia mangulahi.”

2 KORINTUS 8:23

Anggo taringot tu si Titus, ale-alengku do i, donganku saparkarejoan laho mangurupi hamu. Jana taringot tu angka dongan na asing i na rap kehe dohot ia, angka utusan ni parlagutan i do halahi – gabe sada puji-pujian di Kristus i.

PILIPPI 2:25

Salaho tu donganta si Epafroditus na nisuruhonmunu mangurupi au, ninna rohangku porlu do ia husuru mangulahi tu hamu. Didongani ia do au di angka parkarejoan dohot parjuanganku.