JOHANNES 12:6 - BIBEL JAMITA NA DENGGAN

⁶ Didok si Judas pe songon i nada na mangarohahon halak na pogos ia, tapi hara ni na panangko do ia. Madung somal ia mambuati hepeng sian hepeng ni halak na dipasimpankon disia.)

JOHANNES 12:6 Referans Kwoze

JOHANNES 13:29

Adong deba na marpikir, na disuru Jesus do si Judas manobusi na porlu tu pesta i sanga betak na nisuru ni Jesus si Judas mangalehen hepeng saotik tu angka na pogos – harana si Judas do sitiop hepeng kas ni halahi.

JAKOBUS 2:6

Hape anggo hamu, mur dipabile hamu do halak na pogos haru pe nian angka halak na mora i do mamisat hamu dohot na manyarat hamu tu paruhuman!

JAKOBUS 2:2

Angke muda adong sada halak na martintin sere dohot na marpakean na jeges ro tu parpunguanmunu, dung i ro muse ma sada halak na pogos na mamake pakean na mardungkap,

1 TESSALONIKA 5:22

Mandao ma hamu sian sandok hajahatan.

GALATIA 2:10

Hum on sajo ma i pangidoan ni halahi: Anso hami parrohahon halak na pogos. Jana pangalaho na songon i muse ma jop ni rohangku.

1 KORINTUS 6:10

angka panangko, na mangkaut tu diri dohot parmabuk, angka na sai ra manilakoi halak, dohot angka na mambuat sian halak na so bagianna – sude halak sisongon i nada dapotan bagian di Harajaan Ni Debata.

JOHANNES 10:13

Marlojong do parkarejo na niupaan i, angke hara ni na niupaan do ia antong umbaen na karejo; nada dipardulihon ia anggo biri-biri i.

MATEUS 21:13

Didok Ia ma tu halahi, “Adong do tarsurat songon on, ‘Angkon bagas partangiangan do goaron BagasKon.’ Hape gabe bagas ni panyamunan do dibaen hamu bagas on.”

JEHESKIEL 33:31

Ro do halahi marbahat-bahat songon bangsongKu, tangihonon ni halahi do angka hata na nidokmu, tapi anggo na niparentahonmu nada diterge halahi. Hata holong ni roha do dipajojor bibir ni halahi, tapi anggo rohana di bagasan hum mamikiri untung sajo do.

PODA 29:7

Diboto halak na burju do hak ni halak na gale, tapi anggo halak na jahat nada diastuisa be.

MASMUR 14:1

Didok halak na oto di bagasan rohana, “Nada adong Debata.” Karejo ni halahi hodar jana hagigian nada adong na mambaen hadengganan.

LUKAS 8:3

dohot si Johanna daboru ni si Khusa, bendahara ni Raja Herodes; si Susanna, bahat dope tehe daboru na asing. Halahi sandiri do na pasingkop na hasaya di Jesus rap dohot angka siseanNia i.

JOHANNES 12:5

“Biasi ma he inda nigadis miak na huskus i, arga tolu ratus hepeng perak jana nilehen hepengna i tu halak na pogos?” (