JOHANNES 11:54 - BIBEL JAMITA NA DENGGAN

⁵⁴ Hara ni i nada be mardalani Jesus torang di jolo ni halak Jahudi. Ditadingkon Ia ma Judea, kehe ma Ia tu kota na margoar Efraim na donok tu halongonan. Disi ma Ia tinggal rap dohot angka siseanNia i.

JOHANNES 11:54 Referans Kwoze

JOHANNES 7:1

Dung i mardalani ma Jesus di Galilea. Nada ra Ia anggo tu Judea hara ni angka parkuaso ni halak Jahudi na disi, na sai manjalahi dalan giot mamunu Ia.

JOHANNES 7:4

Nada adong halak na manabunihon sanga aha na nibaennia muda giot tarbonggal goarnia. Muda baenonMu ma na songon i, angkon botoon ni na satano on ma i!” (

2 JUJUR TAON 13:19

Di na mangkojar pasukan ni si Jerobeam i si Abia, dibuat ia ma sanga na piga kota dohot angka desa na humaliangna i. I ma angka kota Betel, Jesana dohot Efron.

JOHANNES 18:20

Ninna Jesus ma mangalusi, “Tangkas do Au mandok hata di jolo ni halak na bahat. Sai mangajari do Au di angka bagas paribadatan dohot di Bagas Ni Debata di inganan ni halak Jahudi na somal marlagut. Nada unjung Hudokkon sanga aha di na buni.

JOHANNES 10:40

Mangulahi ma Jesus kehe tu ipar ni Batang aek Jordan, i ma inganan ni si Johannes na salpu i mandidihon halak, jana disi ma Ia jolo tinggal.

JOHANNES 7:13

Tapi sahalak pe nada adong na puluk sian halahi mandok hatana torus torang taringot tuSia, hara ni na mabiar mida halak Jahudi i.

JOHANNES 7:10

Dung kehe kahanggiNia tu pesta i, kehe muse ma Jesus tusi sip-sip.

2 SAMUEL 13:23

Dung dua taon mambaen pesta panggusting ni imbulu ni biri-biri ma si Absalom di Baal-Hasor, na di lambung ni kota Efraim. Jana diontang ia ma sude anak ni raja i.