JOHANNES 11:44 - BIBEL JAMITA NA DENGGAN

⁴⁴ Dung i haruar ma bayo na dung mate i. Laing bungkus dope tanganna i dohot patna i dibaen kopenna i, jana bohina i pe laing ditutupi kopen panutup ni bohi i dope. “Buka hamu kopenna i,” ninna Jesus tu halak na disi i, “jana padalan hamu ma ia.”

JOHANNES 11:44 Referans Kwoze

JOHANNES 5:25

Tutu do na Hudok di hamu: Ro ma hatihana, jana tardok madung ro i, begeon ni halak na dung mate i ma sora ni Anak Ni Debata, jana sanga ise na umbegesa dapotan hangoluan.

JOHANNES 20:7

tapi anggo abit na nililitkon i tu ulu ni Jesus nada pungu disi. Asing do i marlompit.

PILIPPI 3:21

Anggo pamatangta na gale boti na ra madangke on, paubaon ni Kristus do i gabe marsangap songon pamatangNia sandiri. Tarbaen do songon i angke adong do kuasoNia laho manaluhon sasudena.

JOHANNES 10:30

Sada do Au dohot Damang.”

JOHANNES 5:21

Songon Damang na manyungguli halak na mate, jana dilehen Ia hangoluan tu halahi; laing songon i muse ma Anak i mangalehon ngolu tu halak, sanga ise giot ni rohaNia.

LUKAS 7:15

Ngot ma doli-doli na mate i, juguk ia mangkobari. Dung i dipasahat Jesus ma ia tu inangna i.

1 SAMUEL 2:6

Tuhan do mamatehon Ia muse do na pangoluhon. Na paijurkon jolma tu tanoman jana mangangkatsa sian i.

PAMUNGKAAN 1:3

Jadi mangkuling ma Debata, “Jadi ma na torang” gabe adong ma na torang.

HALUMBAAN 1:18

Au do Na Mangolu i! Madung mate hian Au, tapi ligi ma, na mangolu do Au salolot-lolotna. Guru di Au do hamatean dohot inganan ni angka jolma na dung mate.

JOHANNES 19:40

Dibuat halahi na dua ma bangke ni Jesus, dibaen halahi ma kopenna dohot angka ramu-ramuan i songon na nihasomalkon ni halak Jahudi laho mananom na mate.

MARKUS 5:43

Tapi gomos ma dipaingot Jesus halahi sude anso ulang dipaboa-boa pangalaho na masa i sanga na tu ise pe. Dung i disuru Ia ma anso dilehen halahi mangan dakdanak i.

HOSEA 13:14

Giot paluaonKu dehe bangso on sian kuaso ni inganan ni jolma na mate? Jo hamatean, sarsarkon ma balamu! Padalan ma karejomu na manyegohon i! Nada be ibo rohangKu mida bangso on.

MASMUR 33:9

Angke mandok hata Ia, gabe tarjadi ma sasudena dibaen Ia parenta, gabe adong ma sasudena.

JOHANNES 20:5

Dung diligi ia tu bagasan kuburan i; diida ia ma angka kopenna i disi tapi nada pola masuk ia tu bagasan.

JOHANNES 11:39

“Paorot hamu ma batu i,” ninna Jesus. Dialusi si Marta iboto ni na mate i ma, “Tapi ma adong opat ari Tuhan dung ditanom ia. Ma bau i Tuhan!”

LUKAS 19:20

Ro ma naposo na asing mandok, ‘Tuan indon ma hepengmi, hubungkus do di sapu tangan.

JOHANNES 11:43

Dung didok Jesus songon i, dipagogo Ia ma soraNia pio-pio, “Haruar ma ho Lasarus!” ning Ia.