JOHANNES 11:39 - BIBEL JAMITA NA DENGGAN

³⁹ “Paorot hamu ma batu i,” ninna Jesus. Dialusi si Marta iboto ni na mate i ma, “Tapi ma adong opat ari Tuhan dung ditanom ia. Ma bau i Tuhan!”

JOHANNES 11:39 Referans Kwoze

JOHANNES 11:17

Dung lalu Jesus disi, ma opat ari si Lasarus ditanom.

MARKUS 16:3

Di tonga dalan i dihatai halahi ma sama halahi, “Ise ma donganta manggulang batu panutup ni kuburan i? Harana na godangan do i.” Tapi dung lalu disi, diida halahi ma, hape ma magulang batu i.

MASMUR 49:7

Nada adong sahalak pe na tarbaen manobus hosana, sanga manggarar partobusna tu Debata.

PILIPPI 3:21

Anggo pamatangta na gale boti na ra madangke on, paubaon ni Kristus do i gabe marsangap songon pamatangNia sandiri. Tarbaen do songon i angke adong do kuasoNia laho manaluhon sasudena.

PAMUNGKAAN 3:19

Maradu loja noma ho markarejo jana hodohan laho pauli tano i anso marhasil, lopus mulak ho gabe tano angke na sian i do ho dijadihon, jana mangulahi muse ma ho gabe tano.”

BAENON NI ANGKA RASUL 2:27

angke nada dipadiar Ho au di inganan ni halak na mate jana nada dipadiar Ho na badiaMi marnida habusuhon i.

MASMUR 49:14

Ditontuhon hian do halahi mate songon biri-biri; hamatean i noma marmahan halahi. Manulus do halahi manuat tu kuburan jana maringanan di bagasan hamatean, manigor malangke ma pamatang ni halahi.

MASMUR 49:9

anso sili ia sian hamatean jana mambaen ia marhangoluan sapanjang.

PAMUNGKAAN 23:4

“Halak na ro do au di tonga-tongamunu on; loas hamu ma hutobusi tanomunu on anso tarkuburkon au dongan saripengki.”

BAENON NI ANGKA RASUL 13:36

Madung mate si Daud jana ditanom muse rap dohot angka ompunia, dung dibaen ia sanga aha na nisuruhon ni Debata baenonnia. Abis muse do sude malangke pamatang ni si Daud.

2 KORINTUS 2:16

Anggo di halak na giot kehe tu hamagoan, sarupa tu uap ni bangke na mamatehon do hami; tapi anggo di angka na nipalua, songon uap na maroban tu hangoluan do hami. Antong, ise ma na tama tu karejo on?