JOHANNES 11:34 - BIBEL JAMITA NA DENGGAN

³⁴ Dung i disapai Ia ma tu halahi, “Di dia ditanom hamu ia?” “Beta ma taligi Tuhan,” ning halahi.

JOHANNES 11:34 Referans Kwoze

JOHANNES 20:2

Dung i marlojong ma ia manjalahi si Simon Petrus dohot sisean na asing haholongan ni Jesus i, didok ia ma tu halahi, “Madung dibuat halak bangke ni Jesus; nada hami boto sanga di dia dipayakkon bangkeNa i!”

JOHANNES 1:39

“Beta ma ligi hamu,” ninna Jesus. Jadi udur ma halahi dohot Ia mangaligi sanga di dia Ia maringanan. Laing disi ma halahi dohot Ia na sadari i. (Hira-hira pukul opat andospotang ma hatiha i.)

MARKUS 16:6

Didok doli-doli i ma, “Ulang mabiar hamu! Huboto do na manjalahi Jesus halak Nasaret na diparsilangkon i do hamu. Inda dison be Ia. Madung dipangolu Ia mangulahi! Ligi hamu ma, disindi hian do bangkeNia dipayakkon.

MARKUS 15:47

Jadi anggo si Maria Magdalena dohot si Maria inang ni si Joses laing dipardimata halahi do sanga na di dia do dibaen Jesus.

MATEUS 28:6

Nada dison be Ia. Madung ngot Ia songon na nidokNia hian tu hamu. Ligi hamu ma inganan hapayahanNa.

JOHANNES 11:33

Dung diida Jesus tangis si Maria jana dohot muse ma halak Jahudi na marroan i dohot si Maria tangis muse, gabe marsak jana ibo sajo ma roha ni Jesus.

JOHANNES 11:35

Dung i tangis ma Jesus.