JOHANNES 11:15 - BIBEL JAMITA NA DENGGAN

¹⁵ Tapi hara ni na porlu tu hamu sude, gabe jop do rohangKu nada disi Au, anso porsaya hamu. Beta ma tadapotkon si Lasarus.”

JOHANNES 11:15 Referans Kwoze

2 TIMOTEUS 2:10

Hara ni i do umbaen na huhasobarkon mananggung sudena i pasari-sari angka dongan na dung nipili ni Debata. Hutaon pe sudena i bia anso laing dohot halahi maruli haluaan na di bagasan Kristus Jesus, dohot hasangapan salolot-lolotna.

JOHANNES 17:19

Hupasahat do diringKu tu Damang laho humopkop halahi, anso halahi pe gabe nampuna ni Damang di bagasan hasintongan.

JOHANNES 12:30

Dung i didok Jesus ma tu halahi, “Nada hara ni Au umbaen na tarbege sora i, tapi hara ni haporluanmunu do.

JOHANNES 11:4

Dung dibege Jesus barita i didok Ia ma, “Nada pola mate ia baenon ni nyae i. Anso marsangap do Debata umbaen na marnyae si Lasarus; anso laing dohot muse ma dipasangap Anak Ni Debata.”

JOHANNES 2:11

I ma tanda hahomangan na parjolo dibaen Jesus; i ma na nibaenNia di Kana na di Luat Galilea. Dipatuduhon Jesus ma hasangapanNia markite-hite hahomangan i. Gabe porsaya ma tuSia angka siseanNia i.

JESAYA 65:8

Songon on do pandok ni Tuhan, “Nada ambungkonon batu ni anggur na maraek dope, tapi dibaen do gabe i aek ni anggur. Songon i muse do bangsongKu, nada pasidungonKu. PaluaonKu do sanga ise na mangoloi Au.”

JESAYA 54:15

Muda adong na mangaroro tu ho, nada Au na marsuru, sanga ise na mangaroro ho, angkon talu do.

1 JOHANNES 5:13

Hubaen pe surat on tu hamu angka na mangkaporsayai Anak Ni Debata anso diboto hamunu do na dung maruli ngolu na manongtong i hamu.

2 KORINTUS 4:15

Mardomu tu na hasaya di hamu do sudena i. Angke muda mur bahat halak mandai holong ni roha ni Debata, mur bahat muse do tangiang tarimakasi na nipasahat tu Debata; jadi muda songon i, marsangap ma Debata.

MASMUR 105:14

Nada dipaloas Tuhan sanga ise pe manyosak halahi; digorahon Ia angka raja laho mangondingi halahi.

PAMUNGKAAN 39:5

Mamungka sian hatiha i, hara ni si Josep, dipasupasu Tuhan ma halak Mesir na sabagas i dohot sude sinadongannia na di bagas sanga pe na di ladang.

PAMUNGKAAN 26:24

Jadi borngin i dipataridahon Debata ma diriNa tusia mandok, “Au ma da Debata ni amangmu si Abraham. Ulang ho mabiar. Au do mandongani ho. PasupasuonKu ma ho jana lehenonKu ma tu ho bahat pomparanmu hara ni janjingKu tu naposongKu si Abraham.”

JOHANNES 11:14

Jadi torus torang ma dipaboa Jesus, “Madung mate si Lasarus.

JOHANNES 11:16

Didok si Tomas na nigoaran muse “si Linduat” ma tu angka dongannia sisean i, “Beta ma laing dohot hita anso rap mate hita dohot ia!”