JOHANNES 10:19 - BIBEL JAMITA NA DENGGAN

¹⁹ Hara ni na nidok ni Jesus songon i gabe martongkari ma halak Jahudi i.

JOHANNES 10:19 Referans Kwoze

JOHANNES 9:16

Adong ma deba sian halak Parise i na mandok, “Nada sian Debata asal ni Bayo na mambaen i, harana dilanggar Ia do tona ni ugamo taringot tu Ari Sabat.” Tapi didok halak na asing ma, “Dia ma tarbaen halak pardosa patupa angka hahomangan sisongon i?” Paasing-asing pandapot ma halahi.

1 KORINTUS 3:3

hara ni ngolumunu na laing tongtong dope mangihutkon bako ni jolma portibi. Angke muda laing mangiburui do hamu jana marbadai na sada tu na asing, i ma tandana paboa na laing mangolu mangihutkon bako ni jolma portibi dope hamu, songon angka jolma na di portibi on.

BAENON NI ANGKA RASUL 14:4

Tapi marsalisi pandapot ma halak kota i na sada tu na asing; adong na mamihak tu halak Jahudi, adong muse na mamihak tu rasul i.

1 KORINTUS 11:18

Na parjolo, muda marlagut hamu, hubege baritana di bagasan na marlagut-lagut i hamu adong na marsalisi sian hamu. Jana tutu do songon i aropku.

JOHANNES 6:52

Gabe martongkari ma halak Jahudi sama halahi hara ni hata ni Jesus nangkinan i. “Bia do pangalehen ni Bayo on di pamatangNia i tu hita gabe sipanganon?” ninna halahi.