JOHANNES 10:10 - BIBEL JAMITA NA DENGGAN

¹⁰ Anggo panangko, na giot manangko sajo do i muda ro, mamatehon dohot manyegohon. Tapi anggo Au muda ro, anso marhangoluan do halahi – i ma hangoluan na marlobi-lobi.”

JOHANNES 10:10 Referans Kwoze

LUKAS 19:10

Angke na giot manjalahi dohot paluahon angka halak na lilu do umbaen na ro Anak Ni Jolma i.”

JOHANNES 6:51

Au do roti na mijur sian banua ginjang i, i ma sipanganon na mangalehen hangoluan. Halak na mangankon sipanganon on, mangolu ma salolot-lolotna. Anggo sipanganon na giot lehenonKi, i ma pamatangKu. LehenonKu ma pamatangKon anso mangolu portibi on.”

JOHANNES 12:47

Sanga ise na manangihon pangajaranKu tapi nada diihutkon Ia nada Au na manguhumisa. Angke nada na giot manguhumi portibi on umbaen na ro Au, tapi na giot paluahon do.

JOHANNES 6:33

Angke anggo sipanganon na nilehen ni Debata, i ma na mijur sian banua ginjang jana na mangalehen ngolu na so mantak tu portibi on.”

JOHANNES 3:17

Harana nada anso manguhumi portibi on umbaen na nitongos ni Debata AnakNia i tu tano on, tapi anso gabe Sipalua ni portibi on do.”

1 TIMOTEUS 1:15

Hata na tutu do pandohan on, na patut jagiton jana sihaporsayaan – : “Ro pe Kristus Jesus tu portibi on na giot paluahon halak pardosa do.” Jana sian sude halahi, au ma na umbahat dosana.

JOHANNES 10:1

“Tutu situtu do na Hudok on tu hamu: Sanga ise na masuk tu bara ni biri-biri i nada sian pintu, sipanangko do i jana panyamun.

MATEUS 20:28

Sarupa dohot Anak Ni Jolma i muse; nada na giot paolo-oloan umbaen na ro Ia, tapi na giot mangoloi do, jana dilehen Ia dope hosaNia laho paluahon bahat halak.”

IBRANI 7:25

Jadi hara ni i sanga andigan pe tarbaen Jesus do paluahon sanga ise halak na ro tu Debata markite-hite Ia. Tarbaen Jesus pe songon i hara ni na mangolu do Ia sapanjangna laho pasahatkon tu Debata angka pangidoan ni halahi.

JESAYA 56:11

Songon anjing na songkal do halahi na so habutongan. Nada adong pikiran ni angka pamimpin i. Marsibaen roha-rohana do halahi jana marsijalahi untung tu dirina be.

2 PETRUS 1:11

Jadi muda songon i, lehenonNa ma di hamu hak na gok anso gabe anggota ni Harajaan Na Manongtong, i ma Harajaan Ni Tuhan dohot Sipalua hita, i ma Jesus Kristus na mamarenta salolot ni lolotna.

IBRANI 6:17

Anggo giot ni Debata ulang so pos sajo roha ni halak na giot manjagit na nijanjihonNia, na so ubaon ni Debata be sangkapNia i. Hara ni i ma umbaen na nitambaan ni Debata dohot sumpa tu janjiNia i.

MATEUS 23:13

“Marjaya ma hamu angka Siboto Surat dohot halak Parise! Angka pangalancap do hamu. Disundati hamu do halak na markagiot gabe rayat di Harajaan Ni Banua Ginjang. Hamu sandiri so ra gabe rayat ni Harajaan i. Muda adong halak na giot masuk tusi, hape dihalang-halangi hamu. [

SURAT NI SI PAULUS TU PARLAGUTAN ROM 2:21

Diajari hamu do halak na asing; antong biasi nada diajari hamu dirimunu sandiri? Diajari hamu do halak anso ulang manangko, hape panangko do apala hamu sandiri.

HOSEA 7:1

“Muda Hupamalum Israel, gabe tarida ma hasalaan ni Efraim dohot angka hajahatan ni Samaria; angke dikarejohon halahi do margabus, manombom panangko laho masuk jana panyamun mangarampas di luar.

MATEUS 18:10

“Ingot hamu ma, ulang dipalayas hamu sahalak sian angka na menek on. Harana Hudok ma tu hamu: Adong do surusuruan ni halahi di banua ginjang na sai mangaligi bohi ni Damang na di banua ginjang.” [

MARKUS 11:17

Dung i mangajar ma Jesus tu halak na disi i. Didok Ia ma, “Nada he tarsurat do di Buku Na Badia songon on: Didok Debata do, ‘Digoari ma BagasKu inganan partangiangan ni sude bangso?’ Hape gabe dibaen hamu do i gabe liang ni panyamun!”

JOHANNES 12:6

Didok si Judas pe songon i nada na mangarohahon halak na pogos ia, tapi hara ni na panangko do ia. Madung somal ia mambuati hepeng sian hepeng ni halak na dipasimpankon disia.)

MATEUS 21:13

Didok Ia ma tu halahi, “Adong do tarsurat songon on, ‘Angkon bagas partangiangan do goaron BagasKon.’ Hape gabe bagas ni panyamunan do dibaen hamu bagas on.”

JOHANNES 5:40

Hape nada ra hamu ro tu Au laho manjagit hangoluan na so mantak.

JOHANNES 10:11

“Au do parmahan na denggan. Rade do mate anggo parmahan na denggan manghopkop biri-birina.

MATEUS 18:11

Harana, laho paluahon halak na lilu do umbaen na ro Anak Ni Jolma i!]