JOHANNES 1:51 - BIBEL JAMITA NA DENGGAN

⁵¹ Dung i ninna Jesus ma tusia, “Tutu situtu do na Hudok on tu ho, idaonmu ma mungkap langit, jana manaek mijur ma angka surusuruan ni Debata tu Anak Ni Jolma i.”

JOHANNES 1:51 Referans Kwoze

PAMUNGKAAN 28:12

Dung i marnipi ma ia, songon na niidania ma sada tangga lalu tu langit ujungna i jana manaek mijur ma angka surusuruan di tangga i.

BAENON NI ANGKA RASUL 7:56

“Ligi pe da, mungkap do huida langit i jana jongjong Anak Ni Jolma i di siamun ni Debata!”

LUKAS 22:43

Ro ma sada surusuruan tuSia margogoihon Ia.

LUKAS 2:13

Ompot muse ma ro bahat surusuruan na asing mandongani surusuruan i, mamuji Debata. Ninna halahi ma,

MARKUS 14:62

“Olo!” ninna Jesus. “Sude hamu angkon marnida Anak Ni Jolma i juguk di siamun ni Na Markuaso i. Dung i idaonmunu ma Ia ro di bagasan ombun sian langit an!”

MARKUS 1:10

Disi haruar Jesus sian batang aek i, diida Ia ma mungkap langit i. Dung i mijur ma Tondi Parbadia tuSia songon sada darapati.

MATEUS 3:16

Dung sidung dididihon, manigor ruar ma Jesus sian batang aek i. Ompot ma mungkap langit, diida Jesus ma Tondi Ni Debata mijur songon darapati, songgop tuSia.

JEHESKIEL 1:1

Di tanggal lima, bulan paopathon, taon patolupuluhon, hatiha rap au dohot angka halak buangan di topi ni Batang aek Kebar, mungkap ma langit jana maruli parnidaan ma au taringot tu Debata.

BAENON NI ANGKA RASUL 10:11

Diida ia ma mungkap langit jana disurduhon ma tu toru tarsongon abit na bidang, na gantung di suhi-suhina na opat i.

LUKAS 3:21

Dung dipandidihon sudena halahi, dipandidihon muse ma Jesus. Jadi hatiha martangiang Ia, mungkap ma langit,

MATEUS 4:11

Ujungna, ditinggalkon Sibolis i ma Jesus, marroan muse ma manigor angka surusuruan laho mangoloi Ia.

HALUMBAAN 19:11

Dung i huida ma mungkap banua ginjang, haruar ma sada kudo na bontar, jana na juguk di ginjangna i margoar, “Na Setia dohot Na Sintong,” jana markite-hite hatigoran do Ia manguhumi dohot marporang.

HALUMBAAN 4:1

Dung salpu i, huligi ma, mungkap do sada pintu di banua ginjang, jana mangkuling ma sora na dung hubege mangkatai dohot au di mulana i, songon sora ni sarune, ninna ma, “Manaek ma ho tuson jana patidahononKu ma tu ho sanga aha na giot tulus dung salpu on.”

2 TESSALONIKA 1:7

Jana tu hamu angka na manjagit sitaonon saonnari – laing songon i muse tu hami – lehenon ni Debata ma halumbangan muda dung tarida Tuhan Jesus mijur sian banua ginjang rap dohot angka surusuruanNia na markuaso i

LUKAS 2:9

Ompot ma ro surusuruan tu halahi, jana marsinondang ma hasangapan ni Tuhan manorangi halahi, gabe mabiar ma halahi.

IBRANI 1:14

Antong, aha noma satutuna angka surusuruan ni Debata i? Angka tondi na mangoloi Debata do i jana na nisuru ni Debata laho mangurupi sanga ise halak na giot manjagit haluaan na nijanjihon ni Debata.

1 TIMOTEUS 3:16

Sada halak pe nada tarbaen mansoadahon sanga na bia godang ni rahasia ni ugamonta: Dipataridahon Ia do diriNia gabe jolma, jana dipatigor di bagasan Tondi, na patidahon diriNia tu angka surusuruan. Dipatubegehon do baritaNa di tonga-tonga ni angka bangso, jana sihaposan do Ia di tano on. Saonnari madung nipanaek Ia tu banua ginjang.

JOHANNES 10:1

“Tutu situtu do na Hudok on tu hamu: Sanga ise na masuk tu bara ni biri-biri i nada sian pintu, sipanangko do i jana panyamun.

LUKAS 22:69

Tapi mamungka saonnari, juguk ma Anak Ni Jolma i di siamun ni Debata Na Markuaso i.”

MATEUS 25:31

“Muda ro Anak Ni Jolma i gabe Raja mardongan angka surusuruanNia, juguk ma Ia di habangsa ni hamuliaonNa.

JUDAS 1:14

Jungada do didok si Henokh pomparan ni si Adam na papitu sundutkon taringot tu halak sisongon on. Didok ia, “Ligi da, na giot ro do Tuhan mardongan angka surusuruanNia na marribu-ribu

2 TESSALONIKA 1:9

Uhumon ma halahi tu hamagoan na salolot-lolotna, dao sian adopan ni Tuhan i bope sian hasangapan ni hagogoanNia.

JOHANNES 14:12

Hudok ma tu ho: Satutuna sanga ise na porsaya tu Au, tarbaen ia ma mangkarejohon angka karejo songon na Hupambaeni i, salang na gumodang sian i pe tarbaensa – angke na kehe mandapotkon Ama i do Au.

JOHANNES 6:47

“Tutu do na Hudok on tu hamu: Halak na porsaya tu Au, i do na marhangoluan na so mantak.

LUKAS 24:4

Jadi di na lalap-lalap jongjong halahi disi, ompot ma jongjong dua halak na marpakean na marsirlak di lambung ni halahi.

MATEUS 26:24

Tutu nian, angkon kehe do Anak Ni Jolma i songon na dung tarsurat hian di Buku Na Badia i paboa na angkon mate Ia. Tapi marjaya ma halakna i na manghianat tu Anak Ni Jolma i! Sugari gumonan hian do indangkon sai jungada ia sorang!”

JOHANNES 21:18

Tutu do na Hudok on tu ho: Anggo dompak poso ho, dihobasi ho do dirimu jana mardalani ma ho sanga tu dia pe giotmu. Tapi muda dung matobang ho saulahon, surduhononmu ma tanganmu, jana halak na asing noma manghobasi ho jana maroban ho tu inganan na so giot ni rohamu.” (

JOHANNES 8:51

Tutu do na Hudok tu hamu; sanga ise na mangoloi na Hudok, nada mate be Ia salolot-lolotna.”

JOHANNES 6:32

Dung i didok Jesus ma tu halahi, “Satutuna Hupaboa ma di hamu: Anggo na nilehen ni si Musa i di hamu, nada sipanganon na sian banua ginjang i; anggo sipanganon na sian banua ginjang i, i ma sipanganon na satutuna lehenon ni Damang di hamu.

JOHANNES 3:5

Dialusi Jesus ma, “Tutu do na Hudok tu ho: Anggo so sorang halak sian aek dohot sian Tondi, nada tarbaen gabe parsidohot di Harajaan Ni Debata.

JOHANNES 16:20

Hudok ma tu hamu: Satutuna martangisan ma hamu jana mangandungi; tapi jop ma roha ni portibi on. Susa ma rohamunu tapi gabe muba ma hasusaanmunu i gabe hajojop ni roha.

JOHANNES 13:16

Tutu do na Hudok on tu hamu: Nada gumodang naposo sian morana; jana nada gumodang suruan sian na marsurusa.

JOHANNES 10:7

Didok Jesus ma mangulahi, “Tutu do na Hudokkon tu hamu: ‘Au do pintu di biri-biri i.

JOHANNES 6:53

Dung i didok Jesus ma tu halahi, “Tutu do na Hudok on di hamu: Anggo so dipangan hamu do pamatang ni Anak Ni Jolma i jana nada diinum hamu mudarNia, nada adong hangoluan na tutu di bagasan hamu.

JOHANNES 5:27

Madung dilehen Ia kuaso tu AnakNia laho manontuhon uhuman, harana Anak Ni Jolma i do Ia.

JOHANNES 5:19

Dialusi Jesus ma halahi songon on, “Ingot hamu ma na Hudok on: Nada dibaen Anak i sanga na aha pe mangihutkon roha-rohaNia sandiri. Sanga aha na niidaNia dibaen AmangNia, hum i sajo do dibaen Ia. Angke sanga aha na nibaen ni Ama i, laing i muse do dibaen Anak i.

JOHANNES 3:3

Dialusi Jesus ma, “Tutu do na Hudok on: Nada tarbaen sanga ise pe gabe anggota ni Harajaan Ni Debata, anggo so jolo sorang ia mangulahi.”

MATEUS 9:6

Giot patidahononKu tu hamu na markuaso do di tano on Anak Ni Jolma i laho manyesa dosa.” Dung i didok Jesus ma tu na onyangon i, “Jongjong ma ho, oban podomanmi, kehe ma ho mulak!”

MATEUS 8:20

Dialusi Jesus ma, “Marliang do sorigala, marasar do angka unggas, tapi anggo Anak Ni Jolma i, i ma suruan ni Debata, nada adong inganan hapayahan ni uluNia.”

ZAKARIA 13:7

Didok Tuhan Na Markuaso i ma, “Jongjong ma ho, ale podang, lancim ma parmahan na Husuru i! Matehon ma ia, gabe marserak ma angka biri-biri i. AloonKu ma bangsongKu.

JOHANNES 16:23

Anggo di ari i, nada sapaanmunu be sanga aha tu Au. Tutu do na Hudok on tu hamu; sanga aha na nipangidomunu sian Ama i markite-hite goarKu lehenon ni Damang ma i di hamu.

JOHANNES 13:38

Dialusi Jesus ma, “Tutu ma he na ra ho mate humopkop Au? Tutu do na Hudok on tu ho: Painte so martahuak manuk, ma pola tolu noli diporso ho Au!”

JOHANNES 8:58

Dialusi Jesus ma, “Tutu do na Hudok di hamu: Dompak so sorang dope si Abraham, madung adong hian Au.”

JOHANNES 8:34

Dialusi Jesus ma, “Tutu do na Hudok di hamu. Sude halak na mambaen dosa, i ma da hatoban ni dosa.

JOHANNES 6:26

Dialusi Jesus ma, “Satutuna do na Hudok tu hamu: Nada hara ni na dung diastui hamu angka hahomangan na Hubaen i umbaen na nijalahanmunu Au, tapi hara ni na dung butongan do hamu mangan roti i.

JOHANNES 1:50

Dung i didok Jesus ma, “Adong he hara ni na Hudok i, madung Huida ho dompak di toru ni bona ni hayu ara i dope ho umbaen na porsaya ho? Idaonmu dope angka pangalaho na gumodang sian i!”