JOHANNES 1:45 - BIBEL JAMITA NA DENGGAN

⁴⁵ Dung i marsuo muse ma si Pilipus dohot si Natanael jana didok ia ma, “Madung marsuo hami dohot Ia na nidok ni si Musa di bagasan Buku Tona i, dohot na nidok ni angka panurirang, i ma Jesus anak ni si Josep halak Nasaret i.”

JOHANNES 1:45 Referans Kwoze

LUKAS 24:27

Dung i dipatorang Jesus ma tu halahi sanga aha na nidok taringot tuSia di bagasan Buku Na Badia i, mamungka sian Buku Ni si Musa lopus tu buku-buku ni angka panurirang.

MIKA 5:2

Hara ni i padiaronnia ma halahi lopus tubuan anak sada dadaboru na denggan hian pamatangna. Dung i pasadaonna ma mangulahi angka dongan sabangsona na adong di habuangan dohot bangso ni halahi.

MATEUS 2:23

Disi ma ia maringanan di sada kota na margoar Nasaret. Markite na songon i ma tulus na nidok ni angka panurirang, na mandok, “Nigoaran ma Ia halak Nasaret.”

LUKAS 24:44

Dung i mandok hata ma Ia tu halahi ning Ia ma, “Angka on ma na Hupaboa hian di hamu, dompak rap dope Au dohot hamu, angkon tarjadi do sudena sanga aha na tarsurat taringot tu Au di angka Buku Ni si Musa dohot buku ni angka panurirang dohot Masmur i.”

JESAYA 7:14

Hara ni i Tuhan sandiri ma mangalehen sada tanda di hamu: Sasintongna, sada halak anakboru angkon mardenggan pamatang jana manubuhon sada anak, jana goaronnia ma Anak i “Immanuel”.

LUKAS 4:22

Di parhatutu halahi do Ia jana homang do roha ni halahi hara ni dengganna sude hata na nidokNia i. Didok halahi ma, “Inda he anak ni si Josep on?”

ZAKARIA 9:9

Ale boru Sion, marjop ni roha ma ho! Marolop-olop ma hamu ale pangisi ni Jerusalem! Ligi ma! Ro rajamu mardongan hamonangan! Raja na tigor do Ia na maroban haluaan. Na serep roha do Ia, jana mangalombut halode, sada halode jara-jara.

JESAYA 9:6

Madung sorang di hita sada dakdanak; dibasa-basahon di hita sada anak. Ia ma na gabe pamimpinta. Digoari do Ia: “Panuturi Na Marroha”, “Debata Parkuaso”, “Ama Salolot ni lolotna”, “Raja Ni Hadameon”.

ZAKARIA 6:12

Palalu tusia na Hudok, Au Tuhan Na Markuaso mandok tusia, ‘Halak na margoar Tumbur i manjadi do karejonia sanga na di dia pe inganannia jana paulionnia ma mangulahi Bagas Ni Tuhan.

JESAYA 53:2

Songon tumbur do ia tubu di adopan ni Tuhan, jana songon tunas sian tano na mahiang. Nada adong hajegesonna jana nada adong hasangapanna, na mambaen hita mangaligi tusia: Nada adong tompana, na mambaen hita marpor ni roha.

JOHANNES 18:7

Dung i disapai Jesus ma halahi sanoli nari, “Ise na nijalahanmunu?” ning Ia. “Jesus halak Nasaret i,” ning halahi mangalusi.

JESAYA 4:2

Ro do hatiha ni i baenon ni Tuhan sandok suan-suanan dohot hayu tubu lalu magodang boti jeges di luat on. Anggo di ari i marmoga-moga ma pangkilaan ni Israel jana godang rohana hara ni suha ni tano i.

PAMUNGKAAN 22:18

Pangidoan ni sude bangso na di tano on ma tu Au anso Hupasupasu halahi – hara ni na nioloanmu parentangKu.”

MARKUS 6:3

Na he tukang hayu do Ia, i ma anak ni si Maria i? Angka si Jakobus, si Joses, si Judas dohot si Simon na he anggiNia do i? Jana nada he rap dohot hita do angka ibotoNia i?” Hara ni i ma umbaen na so ra halahi manjagit Ia.

MATEUS 21:11

“On ma ibana panurirang Jesus na sian Nasaret na di Galilea,” ninna angka na mangudurkon Jesus.

PAMUNGKAAN 49:10

Tiopon ni si Juda ma tungkot harajaon. Mamarenta ma pomparanna sapanjangna. Marroan ma angka bangso pasahat somba-sombana. Jana manungkap tanda tunduk di jolona.

PAMUNGKAAN 3:15

Marsihosoman ma ho dohot dadaboru i. Marsalisi ma torus pomparanna tu pomparanmu. Ropukkonon ni pomparannia ma ulumu jana turbingonmu ma tambihulna.”

BAENON NI ANGKA RASUL 22:8

Jadi husapai ma, ‘Ise dehe Ho, Tuhan?’ ‘Au ma da Jesus Halak Nasaret na niparkancitanmi,’ ninna mangalusi.

BAENON NI ANGKA RASUL 10:38

Diboto hamu do, na dung dipili Debata do Jesus halak Nasaret i, jana dilehen tuSia Tondi Parbadia dohot kuaso. Laing diboto hamu do, na dung mardalani Jesus i tudia-tudia mambaen na denggan; dipamalum Ia sudena halak na nitaluhon ni Sibolis, angke didongani Debata do Ia.

JOHANNES 21:2

Lagut ma hatiha i si Simon Petrus dohot si Tomas na nigoaran muse si Linduat, dohot si Natanael halak Kana na di Galilea, songon i muse angka anak ni si Zebedeus rap dohot dua halak nari sisean ni Jesus na asing.

LUKAS 2:4

Si Josep pe kehe ma sian Nasaret na di Galilea tu Betlehem na di Judea kota hasorangan ni Raja Daud. Harana pomparan ni si Daud do si Josep.

MARKUS 14:67

Jadi dung diida ia si Petrus na marsisudu di lambung api i dipamanat ia ma bohi ni si Petrus. Didok ia ma, “Na he dohot do ho dongan ni Jesus halak Nasaret i?”

MATEUS 13:55

Nada he anak ni tukang hayu i do Ia? Nada he si Maria do inangNia; dohot si Jakobus, si Josep, si Simon dohot si Judas do angka anggiNia?

BAENON NI ANGKA RASUL 26:9

Anggo nabaruon au sandiri pe marpandapot, angkon niputusan do gogoniba laho mangalo Jesus halak Nasaret i.

BAENON NI ANGKA RASUL 3:6

Tapi didok si Petrus ma tusia, “Anggo perak dohot sere nada adong di au. Tapi sanga aha na adong di au, hulehen pe di ho. Mangasahon goar ni Jesus Kristus na sian Nasaret i, mardalan ma ho!” ning ia.

BAENON NI ANGKA RASUL 2:22

“Hamu angka halak Israel, tangihon hamu ma hata on: Na humaksud i ma Jesus na sian Nasaret, na dung ditontuhon ni Debata markite-hite hagogoan dohot hahomangan dohot tanda na binaen ni Debata markite-hite Ia di tonga-tongamunu, songon na dung tangkas diboto hamu.

JOHANNES 19:19

Di hayu parsilang ni Jesus, disuru si Latus ma dibaen surat songon on, “Jesus na sian Nasaret Raja Ni halak Jahudi.”

JOHANNES 18:5

Dialusi halahi ma, “Jesus halak Nasaret i.” “Au do i,” ninna Jesus tu halahi. Laing disi do jongjong si Judas panjehe i rap dohot halahi.

JOHANNES 6:42

Didok halahi ma, “Na he Jesus anak ni si Josep i do on? Hami tanda do amangNia dohot inangNia! Biasi ma he didokkon Ia na mijur sian banua ginjang Ia?”

LUKAS 3:23

Di na baru mamungka karejoNia Jesus, marumur ma Ia tar tolu pulu taon. Anggo pandok ni halak, anak ni si Josep do ia, i ma anak ni si Eli,

MATEUS 10:3

Dung i muse si Pilipus, si Bartolomeus, si Tomas, si Mateus panjagit pajak i, dung i si Jakobus anak ni si Alfeus, si Tadeus;

LUKAS 2:48

Homang ma roha ni simatobangNia i midasa. Didok inangNia i ma tuSia, “Amang! Biasi songon on dibaen Ho tu hami? Ma jabat sak rohangku dohot amangMu manjalak-jalahi Ho!”

JOHANNES 1:44

Sian Betsaida do asal ni si Pilipus, i ma kota ni si Andreas dohot si Petrus.)

JOHANNES 6:5

Di na manaili Jesus humaliang, diida Ia ma bahat sajo halak marroan mandapotkon Ia. Dung i didok Ia ma tu si Pilipus, “Di dia ma tobusanta panganon anso tarlehen hita halak na bahat on mangan?” (

JOHANNES 6:7

Dialusi si Pilipus ma, “Roti arga dua ratus hepeng perak nada tuk di angka jolma on, harupe hum saotik be sahalak.”

JOHANNES 12:21

Ditopot halahi ma si Pilipus, ninna halahi ma, “Anggo tarbaen do sugari, por do rohanami marsuo dohot Jesus.” (Sian Betsaida na di Galilea do anggo asal ni si Pilipus.)

JOHANNES 14:8

Dung i didok si Pilipus ma tu Jesus, “Patidahon ma Ama i tu hami Tuhan, anso sombu rohanami,” ning Ia.

LUKAS 18:37

Didok halahi ma, “Mamolus Jesus, halak Nasaret i.”