JOHANNES 1:32 - BIBEL JAMITA NA DENGGAN

³² Songon on ma hasaksian na nilehen ni si Johannes taringot tuSia, “Huida ma Tondi i mijur songon darapati sian langit lalu songgop tuSia.

JOHANNES 1:32 Referans Kwoze

LUKAS 3:22

jadi mijur ma Tondi Parbadia tuSia songon darapati. Dung i tarbege ma sora sian banua ginjang na mandok, “Ho do Anak haholonganKu. Jop do rohangKu mida Ho.”

MARKUS 1:10

Disi haruar Jesus sian batang aek i, diida Ia ma mungkap langit i. Dung i mijur ma Tondi Parbadia tuSia songon sada darapati.

MATEUS 3:16

Dung sidung dididihon, manigor ruar ma Jesus sian batang aek i. Ompot ma mungkap langit, diida Jesus ma Tondi Ni Debata mijur songon darapati, songgop tuSia.

JOHANNES 1:7

Na manyaksihon taringot tu na torang i do na niharohonnia, anso sudena halak porsaya.

JOHANNES 5:32

Tapi adong do sada halak na asing mangalehen hasaksian taringot tu Au jana Huboto do bahaso na tutu hasaksianNia i.

JESAYA 11:2

Songgop ma tusia Tondi Ni Tuhan i ma tondi na mangalehen habisuhon dohot parbinotoan, tondi na mangalehen sipasingot dohot hagogoan, tondi na mangalehen panandaon dohot biar mida Tuhan.

JOHANNES 1:31

Nada hutanda hian sanga na ise Ia, tapi hara ni i do umbaen na ro au mandidihon dohot aek anso ditanda halak Israel Ia.”