JOHANNES 1:12 - BIBEL JAMITA NA DENGGAN

¹² Tapi sanga ise na manjagit Ia jana porsaya tuSia, dilehen Ia do hak gabe dakdanak ni Debata,

JOHANNES 1:12 Referans Kwoze

GALATIA 3:26

Jadi hara ni na nihaporsayaanmunu Kristus Jesus, gabe marsada ma hamu dohot Ia; jadi gabe dakdanak ni Debata muse ma hamu sude.

SURAT NI SI PAULUS TU PARLAGUTAN ROM 8:14

Sanga ise na nitogu-togu ni Tondi Ni Debata, i do dakdanak ni Debata.

1 JOHANNES 3:1

Ligi ma, sai godang do holong ni roha na nilehen ni Ama i tu hita, ma pola nigoar hita dakdanak ni Debata; jana na tutu do angka dakdanak ni Debata hita. Hara ni i nada ditanda portibi na jahat on hita, harana nada ditanda portibi on Debata.

GALATIA 4:6

Dibaen dakdanak ni Debata do hamu, disuru Debata muse ma Tondi Ni AnakNia i masuk tu bagasan rohanta, i ma Tondi na pio-pio, “Abba, ale Amang.”

JOHANNES 3:18

“Sanga ise na porsaya tuSia nada be uhuman ni Debata di adopan ni paruhuman. Tapi anggo na so porsaya madung ditoru ni uhuman ni Debata, hara ni na so porsaya ia tu Anak Ni Debata Na Sasada i.

KOLOSSE 2:6

Madung dijagit hamu Jesus Kristus gabe Tuhan. Hara ni i angkon sahangoluan ma hamu dohot Ia,

MATEUS 10:40

“Na manjagit hamu, Au do na nijagitna. Halak na manjagit Au, dijagit ia muse do na marsuru Au.

JESAYA 56:5

LehenonKu ma tu halahi di bagasan bagasKu, dohot di bagasan tembok-tembok ni ingananKu sada tanda parningotan dohot goar. Dumenggan dope i sian halaklahi dohot dadaboru. LehenonKu ma sada goar na manongtong tu halahi.”

JOHANNES 20:31

Umbaen na nisurat pe sudena na tarsurat di bagasan buku on, anso porsaya do hamu bahaso Jesus do Kristus i, i ma Anak Ni Debata; jana anso dapotan hangoluan hamu markite-hite haporsayaan di goarNia.

HOSEA 1:10

Gabe sabahat ni horsik na di topi ni laut bahat ni bangso Israel lopus nada habilangan. Saonnari didok Debata ma tu halahi, “Nada bangsongKu hamu,” tapi dapot do i hatihana dohononNia tu halahi, “Au ma da Debata na mangolu jana hamu angka dakdanakKu!”

2 PETRUS 1:4

Songon i ma dalanna dibaen Debata mangalehen tu hita angka pasupasu na godang jana na arga na dung nijanjihonNia hian. Hara ni angka pasupasu i tarbaen ma hamu malua sian angka hagiot na jat na adong di portibi on, jana maruli ma hamu di angka bako ni Debata.

MATEUS 12:21

jana mararop ni roha tuSia ma sude angka bangso.”

1 JOHANNES 3:23

Anggo na niparentahonNia tu hita, on do: Angkon tahaporsayai do AnakNia i, i ma Jesus Kristus; jana angkon marsihaholongan do hita sama hita songon na niparentahon ni Kristus tu hita.

JEREMIA 3:19

Didok Tuhan, “O ale Israel, por do rohangKu manjagit ho songon anakKu, dohot mangalehen tu ho tano hasonangan, luat na jumeges di sandok tano on. Por do rohangKu didok ho Au Amangmu, jana nada lari be ho sian Au.

BAENON NI ANGKA RASUL 3:16

Haporsayaan di goar ni Jesus madung mangalehen gogo tu jolma na niligi jana na nitandamunu on; jana haporsayaan i ma na mangalehen hamalumon tu bayo on di adopanmunu sudena.

JOHANNES 11:52

Jana nada hum hara ni halak Jahudi sajo, tapi dohot muse anso dipalagut sudena gabe sada angka dakdanak ni Debata na marserak i.

JOHANNES 1:7

Na manyaksihon taringot tu na torang i do na niharohonnia, anso sudena halak porsaya.

MATEUS 18:5

Dung i halak na manjagit dakdanak na songon on di bagasan goarKu, laing na manjagit Au do halak na songon i.”

JOHANNES 2:23

Hatiha di Jerusalem Jesus di Pesta Paskah i, bahat do halak na porsaya dung diida halahi angka hahomangan na nibaenNia.

JOHANNES 1:11

Ro ma Ia tu luatNia sandiri, hape nada dijagit bangsoNia i Ia.

SURAT NI SI PAULUS TU PARLAGUTAN ROM 8:16

Rap manyaksihon do Tondi Ni Debata dohot tondinta laho patangkaskon na tutu hita dakdanak ni Debata.

SURAT NI SI PAULUS TU PARLAGUTAN ROM 8:19

Hara ni lungunna, sasudena na nitompa i painte-intehon do sanga andigan hatihana patidahonon ni Debata hasangapan ni angka dakdanakNia i.

1 JOHANNES 3:2

Hamu angka dongan na nihaholongan! Saonnari dakdanak ni Debata do hita, tapi sanga na bia hita muse, nada dipatidahon dope i tu hita. Tapi laing toboto do, muda ro Kristus, gabe songon Ia ma hita, angke idaonta ma Ia di pangalahoNia na satutuna.

1 JOHANNES 3:10

On ma parasingan ni angka dakdanak ni Debata sian angka dakdanak ni Sibolis: Sanga ise na so patuluskon hatigoran, sanga na so manghaholongi donganna, nada dakdanak ni Debata halak na songon i.

2 SAMUEL 7:24

Dibaen Ho do bangso Israel i gabe bangsoMu sandiri sapanjangna, jana Ho ma ale Tuhan na gabe Debata ni halahi.”