JOEL 2:20 - BIBEL JAMITA NA DENGGAN

²⁰ PaorotonKu ma parangan ni siapor na sian Utara, tu padang parhorsihan Huayak deba. Tu Laut Hamatean Husosak barisan parjolona, tu Laut Tonga Huonjar parpudina. Muap bau angka bangkena, Hara ni na mamparkanciti hamu, Humatehon i sudena.

JOEL 2:20 Referans Kwoze

ZAKARIA 14:8

Di ari i, mardalan ma aek na lan sian Jerusalem; satonga sian aek i kehe tu Laut Hamatean do jana na satonga nari kehe tu Laut Tonga. Mardalan do torus aek i sasataon, bope di ari nonat sanga pe di logo ni ari.

AMOS 4:10

Hutongos tu hamu nyae masa songon na hutongos tu Mesir. Humatehon angka doli-dolimunu di bagasan parporangan, jana hurampas angka kudomu. Hugohi inganan ni bandarmunu dohot bangke na manyusuk bauna tu igung. Haru songon i pe, laing nada mulak hamu tu Au.

JESAYA 34:3

Nada kuburkonon angka bangke ni halahi tapi padiaron do i marbusuhan jana bau. Marrara ma angka dolok hara ni na marlapu mudar.

PANGARATAION 11:24

Sude tano na nidege ni patmunu i gabe hamu nampunasa. Manggistang ma tanomunu sian parhorsihan na di Selatan lopus tu Pardolohan Libanon di Utara, dohot sian Batang aek Efrat di Habincaran lopus tu Laut Tonga di Hasundutan.

JEHESKIEL 47:18

Parbatasan sabola Habincaran lalu tu Selatan, mamungka sian sada inganan antara ni luat ni Damaskus dohot luat ni Hauran. Jadi Batang aek Jordan ma batasna antara ni tano ni Israel di Hasundutanna dohot Gilead di Habincaranna, lopus tu Tamar na di topi ni Laut Hamatean.

HARURUAR 10:19

Dipahusor Tuhan ma pangombus ni haba-haba, gabe ro sian Hasundutan gogo sajo. Dung i dihabangkon haba-haba i ma siapor i lalu tu Laut Rara. Umpe sada siapor i na tading di sude tano Mesir.

2 RAJA-RAJA 8:13

“Aha ma he astuan ni naposomon,” ning si Hasael mangalusi, “Sian dia ma adong kuasongku na songon i godang!” “Madung dipatuduhon Tuhan tu au na giot ho ma gabe raja ni Siria,” ning si Elisa mangalusi.

HARURUAR 8:14

Dipalagut halak Mesir i ma bangke ni tohuk i marturpuk-turpuk, jabat bau sude luat i.

MASMUR 126:3

Olo, tutu do i, bahat do na nipatupa ni Tuhan di hita, marjop ni roha ma hita!

MALEAKI 3:11

SonggakonKu ma angka siapor na sompor, anso ulang dipangabis ia angka suha ni tanomu jana ulang jabat nada marbatu angka bona ni anggurmu, ninna Tuhan Na Markuaso.