JOEL 1:8 - BIBEL JAMITA NA DENGGAN

⁸ Tangis ma hamu, songon anak boru na marsak roha na tangis hara ni na matean tunangan haholongan ni rohana.

JOEL 1:8 Referans Kwoze

JESAYA 22:12

Suruon ni Tuhan, Tuhan Na Markuaso i ma hamu tangis dohot mangandungi, marcukur ulu dohot mamake abit goni di hatiha i.

MALEAKI 2:15

Nada he na dung dibaen Debata hamu sapamatang dohot satondi dohot dadaboru i? Ahe dehe maksud ni Tuhan disi? Nada asing sian sada maksud, i ma anso maruli dakdanak hamu na tutu situtu bangso ni Debata. Jadi, tangkas parrohahon hamu; ulang jabat adong sian hamu na manguba janji sian dadaboruna.

JAKOBUS 5:1

Hamu angka halak na mora! Tangihon hamu ma sipaingotkon. Tangis ma hamu jana mangandungi, harana manaon parkancitan ma hamu!

AMOS 8:10

PaubaonKu ma angka ari pestamunu gabe siluluton, jana angka ende-endemunu gabe andung. BaenonKu ma hamu marcukur obuk dohot mamake abit goni tanda ni arsak. Gabe songon na tobang-tobang na manangisi parmate ni anakna sisada-sada ma hamu. Marujung ma ari i di bagasan arsak na lobi godang.

JEREMIA 3:4

Saonnari didok ho tu Au, Amangmu Au, na holong do rohangKu di ho mamungka sian hamenehanmu.

JESAYA 32:11

Mabiar ma hamu ale angka dadaboru na sonang, humitir ma hamu ale angka dadaboru na dame, buka ma abitmu jana pake ma abit goni.

PODA 2:17

Dadaboru na so setia do i tu halaklahina sandiri jana madung dihalupahon ia janjina tu Debata.

ANDUNG 1:4

Muda hatiha ari pesta nada adong be na ro tu Bagas Ni Debata. Marhancit disi angka nauli bulung parende, dohot malim pe humolos be. Nada adong halak di angka pintu ni horbangan. Kota Sion sude digohi hamarsahan.