JOB 8:3 - BIBEL JAMITA NA DENGGAN

³ Na so unjung do dipageduk Debata hatigoran; na so jungada sial pajongjong habonaran.

JOB 8:3 Referans Kwoze

2 JUJUR TAON 19:7

Angkon mabiar do hamu tu Tuhan jana jamot-jamot hamu mambaen tindakan, dibaen goyak do roha ni Tuhan mida halak na mambaen hageduhan, na martindak borat sabola sanga na manjagit sogok.”

PANGARATAION 32:4

Tuhan ma da na mangondihon ho gumogo, sude dalanNa tigor jana sanggam do. Setia do Debatamu jana ias rohaNa, na denggan dohot na patut do dibaen Ia.

PAMUNGKAAN 18:25

Pasti do na so ra Ho mamunu angka halak na so marsala i rap dohot na marsala. Inda masuk di akal! Inda mungkin ra Ho mambaen songon i. Sugari sura dibaen Ho songon i, gabe sarupama angka halak na so marsala dohot na marsala. Hape nian matua na tigor do anggo Panguhum ni sandok na adong.”

DANIEL 9:14

Madung diuhum Ho hami ale Tuhan Debatanami marhite hamamago na dung nihobasanMu humani, sai tongtong do denggan jana tigor pambaenanMu, hape nada hami tangihon soraMu.

HALUMBAAN 16:7

Hubege ma sada sora sian inganan parkaulan i. Didok sora i ma, “Sintong jana tigor do sudena haputusan na nibaenMi, ale Tuhan Debata Parkuaso Na Sumurung.”

HALUMBAAN 15:3

Jana diendehon halahi ma ende ni si Musa, naposo ni Debata i dohot ende ni Anak Ni Biri-biri i. Songon on ma ende ni halahi i, “Na godang jana hahomangan do angka pambaenanMu ale Tuhan, Debata Parkuaso Na Sumurung. Na tigor jana na sintong do sude dalanMu, ale Raja ni sude bangso.

SURAT NI SI PAULUS TU PARLAGUTAN ROM 2:5

Tapi hara ni jogal ni rohamu na so ra muba, ditamba ho do rimas tu dirimu sandiri di ari haririmas dohot hapataran ni uhuman ni Debata na tigor i.

JEHESKIEL 33:20

Tapi haru songon i pe, laing didok halak Israel do na so tigor na Hubaen i. Satutuna do, uhumanKu ma halahi ganop marguru tu pambaenanna be.”

JEHESKIEL 33:17

Tapi didok bangso i do na so tigor na Hubaen i! Hape nian na nibaen ni halahi i do na so tigor.

JEHESKIEL 18:25

Betak adong muse na mandok di bagasan rohana songon on, ‘Sala do na nibaen ni Tuhan i.’ Tangihon hamu ma ale halak Israel! Na sala dehe na Hubaen i? Hamu do na sala.

MASMUR 99:4

Raja na marsahala, dihaholongi Ho do na tutu, madung dihajongjongkon Ho do hatutuan. Uhum dohot hatigoran didalankon Ho di tonga-tonga ni pomparan ni si Jakob.

MASMUR 89:14

Hatigoran dohot hajujuron do ojahan ni harajaanMu, torang do huida holong dohot habonaron di sude na nibaenMu.

JOB 40:8

Na giot aloonmu ma he hatigoranKu, jana patigoronmu ma dirimu di na pasalahon Au?

JOB 35:13

Nada marguna halahi marsuraki sagogo-gogona; Debata Na Markuaso i nada marnida sanga umbegesa.

JOB 34:5

Ning si Job, ‘Nada adong salangku, hape nada ra Debata mangalehen hatigoran di au.

JOB 21:20

Padiar ma ditanggung pardosa, dosana sandiri, padiar ma dirasoi sandiri muruk ni Debata Na Gumincat i.

JOB 21:15

Didok roha ni halahi, ‘So adong gunana mangoloi Debata, jana martangiang pe tuSia nada adong gunana.

JOB 19:7

Mangarunta do au hara ni jorbut ni pambaenNia, hape umpe sahalak na mamarate-atehon iba. ‘Di dia dehe hatigoran,’ sai ningiba mangangguhi, hape tu iba nada adong na manangi.

JOB 10:3

Aha ma labona muda iba dipisat Ho songon on, jana muda diambungkon Ho suha ni karejoMon? Aha ma he na ro muda dihobuk Ho pandapot dohot tahi ni parjahat i?

JOB 4:17

‘Tarbaen ma he jolma na so sala anggo di adopan ni Debata? Tarbaen ma he na so martihas ia di mata ni na manompasa?

JOB 36:3

Bidang do na huboto, i do na giot pakeonku laho patandahon na tigor na Manompa au.

JOB 36:23

Ise ma he tarbaen manontuhon dalan diSia, sanga manuhas Ia sibaen sala?

JOB 37:23

Na godang ma da kuaso ni Debatanta, nada sanggup iba mandonohisa, markuaso jana tigor do Ia sapanjangna; na so jungada do dihapit hita jolma.

JOB 19:6

Na he diboto hamu, na niparhancitan ni Debata iba, jana ditangkup Ia iba di tirangkap na nibaenNia.