JOB 10:3 - BIBEL JAMITA NA DENGGAN

³ Aha ma labona muda iba dipisat Ho songon on, jana muda diambungkon Ho suha ni karejoMon? Aha ma he na ro muda dihobuk Ho pandapot dohot tahi ni parjahat i?

JOB 10:3 Referans Kwoze

JESAYA 64:8

Tapi haru songon i pe, Ho do ale Tuhan, Amangnami, tano liat do hami, jana Ho noma manggana hami. Karejo ni tanganMu do hami sude.

MASMUR 138:8

Giot patulusonMu do sandok na nijanjihonMu. Tuhan, hot do holong ni rohaMu sapanjangna, ulang ma tadingkon na dipungka ni tanganMu.

JOB 14:15

Gabe pioonMu ma iba, jana au pe mangalusi ma; holong ma rohaMu mangulahi mida au, mahluk na nijadihonMu.

1 PETRUS 4:19

Hara ni i, muda adong sanga ise halak na manaon parkancitan hara ni hagiot ni Debata, angkon laing tigor ma ngolu ni halak na songon i jana dipasahat halahi ma diri ni halahi tu Sipanompa i. Sai patulusonNa do na nijanjihonNia.

MASMUR 69:33

Dibaen ditangihon Tuhan antong halak na lebak, nada dihalupahon Ia bangsoNia na di hurungan.

JOB 40:8

Na giot aloonmu ma he hatigoranKu, jana patigoronmu ma dirimu di na pasalahon Au?

JOB 22:18

Hape nian Debata do na mambaen maradong halahi! Nada niastuan be da parpikir ni halak na so tontu i!

JOB 21:16

Inda he hara ni gogonta sajo do, umbaen na dapot hita parsintaan dohot tujuan ni rohanta?’ Hapengani anggo au, sanga na bia pe nada satuju disi, di parpikir dohot pandapot na songon i.

JOB 9:24

Dipasahat Debata do portibi on tu na dongki, jana mapitung angka panguhum sude dipambaeni. Debata do mambaen sudena i, ise dope he i, anggo so Ia?

JOB 8:20

Hape anggo halak na setia, nada unjung ditadingkon Debata, jana muse nada jungada mangurupi tu halak na so hasaya.

JOB 10:8

Na nigana ni tanganMu do iba, songon dia do i muda iba saonnari baenonMu pusa?

JOB 16:11

Dipasahat Debata do iba tu tangan ni na so hasaya; didabu muse tu tangan ni na so marguna.

JOB 19:6

Na he diboto hamu, na niparhancitan ni Debata iba, jana ditangkup Ia iba di tirangkap na nibaenNia.

JOB 30:21

Na santak ma da pambaenMon tu iba on, dipisat Ho ma au mamake sude hagogoon.

JOB 31:15

Nada he laing Debata do na manompa au, dohot na manompa angka naposongku?

JOB 33:4

Madung ditompa Tondi Ni Debata au jana dilehen do dohot ngolungku.

MASMUR 100:3

Ingot ma anggo Tuhan i, Debata do Ia do manompa hita jana nampunaNia do hita, bangsoNia do hita, bangso na nipature-tureNia.

JOB 15:13

muruk ho tu Debata jana mangalosa.