JOB 1:10 - BIBEL JAMITA NA DENGGAN

¹⁰ Sai dijagohon Ho do antong ia, pangisi ni bagasnia dohot sude sinadongannia. Dipasupasu Ho karejonia jana dilehen Ho disia bahat pahan-pahanan jabat tuk pakeon ni halak saluat.

JOB 1:10 Referans Kwoze

MASMUR 34:7

Surusuruan Ni Tuhan manogu halak na burju marugamo, jana na paluahon halahi sian bahaya.

ZAKARIA 2:5

Madung dijanjihon Tuhan bahaso na giot Ia sandiri do gabe tembok api humaliang kota i laho mangondingisa jana na giot disi noma Ia di bagasan sude kuaso dohot hagodanganNia.”

1 PETRUS 1:5

Di hamu do i sudena, hara ni na dung porsaya hamu tu Debata. Gabe dijago kuaso ni Debata ma hamu anso dohot hamu manjagit haluaan na dung singkop giot pabotohonon di hatiha parpudi.

PODA 10:22

Hara ni pasupasu ni Tuhan do jolma gabe makayo, marloja-loja markarejo nada patamba harto.

ZAKARIA 2:8

Harana songon on do hata ni Tuhan Na Markuaso, na dung marsuru au di bagasan hamuliaonNa, taringot tu angka bangso na dung manaban hamu na jolo. Angke sanga ise na manjama hamu, na manjama anak ni matana sandiri do ia disi.

JOB 31:25

sanga pe huanggarkon hamoraanku.

PAMUNGKAAN 15:1

Dung i dijagit si Abram ma sada halumbaan, jana dibege ia ma Tuhan mandok tusia, “Ulang ho mabiar Abram, Au do mangondingi ho sian parmaraan, jana lehenonKu ma tu ho upa bahat.”

MASMUR 107:38

Dibasa-basahon Tuhan di halahi bahat anak, jana pahan-pahanan ni halahi pe sai mamopari.

MASMUR 90:17

Ale Tuhan Debatanami, pasupasu ma hami, anso manjadi sude karejonami.

PANGARATAION 7:13

HaholonganNia jana pasupasuonNia ma hamu, anso mur mabahat bilanganmunu; pasupasuonNia angka ladangmunu, anso gabe haroroan ni gandum, anggur dohot miak zetun. PasupasuonNa ma hamu marhite lombu dohot biri-biri na bahat. Lehenon ni Tuhan ma sude pasupasu i tu hamu di tano na giot silehenonNia tu hamu hombar tu janjiNia dohot ompumunu.

PAMUNGKAAN 26:12

Disabur si Ishak ma same ni suan-suanan di luat i, jana di bagasan taon i dapot ia ma suhana saratus lompit sian na nisaburnia i, dibaen dipasupasu Tuhan do ia.

JESAYA 5:5

Antong, songon on noma baenonKu kobun anggurKi: AngkatonKu noma handang na humaliang kobun i, tembok na manjagohon kobun i pe rumpakkononKu noma i, padiaronKu ma angka binatang riar manjampali i lalu mandege-degesa.

JESAYA 5:2

Dipangkur ia tanona i, jana diambungkon ia angka batuna. Disuan ia anggur pilian, dipajongjong ia palas-palas inganan ni panjagona. Dihali ia sada lubang, pamoroan ni anggurna, lalu dipaintesa malamun parbatuna, hape na ancom do dapotsa.

1 SAMUEL 25:16

Arian na borngin diondihon halahi do hami salolot marmahan hambeng dohot biri-biri i hami donok tu halahi.

PANGARATAION 33:27

Sai tongtong do Debata na gabe pambelamunu; tanganNa na so ra mantak i panungkolmunu. Dipaorot Ia musu sian jolomunu, disuru Ia ho mangaropuk sude alomu.

MASMUR 71:21

Giot baenonMu dope au mur marsangap, jana diapoi Ho au mulak.

JOB 42:12

Dipasupasu Tuhan ma si Job, maradu marlobi-lobi di angka ngolunia na tinggal i, lumobi sian dompak so masa sitaononnia i. Adong do opat bolas ribu bahatna hambeng biri-biri ni si Job, onom ribu untonia, dua ribu lombu dohot saribu halode.

PAMUNGKAAN 49:25

Debata ni amangmu ma mangurupi ho, Na Gumogo i ma mamasumasu ho marhite pasupasu sian langit na di ginjang dohot pasupasu sian aek na di toru ni tano, marhite anak dohot pahan-pahanan.

PAMUNGKAAN 30:43

Jadi sian dalan na songon i gabe kayo sajo ma si Jakob. Gabe bahat ma marhulanan hambeng biri-biri ni si Jakob, untonia, halodenia dohot angka hatobannia.

PAMUNGKAAN 30:30

Dompak so ro au tuson, nada sadia dope sinadonganmu, hape saonnari madung sonang sajo, jana madung dipasupasu Tuhan ho hara ni au, hape andigan dope hatihana laho manyarihon na di au?”

MASMUR 80:12

Ale Debata, biasi dehe dirumpakkon Ho handangna i, gabe sude halak pamolus tarputiksa batuna i?

MASMUR 5:12

Angke dipasupasu Ho do sanga ise na mangoloi Ho, markite-hite holong ni rohaMu, halahi diramoti Ho.

JOB 29:6

Bahat situtu susu sian pahan-pahananku. Bahat do miak sian angka bona ni zetunku, haru pe disuan di tano na marbatu.

PANGARATAION 33:11

Tuhan, dongani ma marga on anso margogo, marhite na nibaen ni halahi, anso sonang Ho. Ropuk ma sude musu ni halahi; anso ulang be bisa halahi bangkit.”

PAMUNGKAAN 39:5

Mamungka sian hatiha i, hara ni si Josep, dipasupasu Tuhan ma halak Mesir na sabagas i dohot sude sinadongannia na di bagas sanga pe na di ladang.

JOB 1:3

Tamba ni i bahat do angka naposonia, pitu ribu biri-birinia, unto tolu ribu, lombu saribu dohot halode lima ratus. Pendek hata dohonon, ia ma na kumayo sian sude halak na maringanan di Luat Habincaran.

JOB 29:2

“Sugari bolas ma nian ngolungku mangulahi songon na salpu; hatiha diondihon Debata au.