JESAYA 8:9 - BIBEL JAMITA NA DENGGAN

⁹ Marlagut ma hamu mardongan biar, hamu ale angka bangso! Tangihon ma ale ujung ni portibi on. Marbobat jana mabiar ma, marbobat jana mabiar ma!

JESAYA 8:9 Referans Kwoze

PODA 11:21

Halak na jahat pasti dapot uhuman; halak na denggan marhaluaan.

1 RAJA-RAJA 20:11

Dialusi Raja Ahab ma, “Dok hamu ma tu Raja Benhadad: Anggo tentara na tutu, bangga do pangkilalaanna dung sidung marporang, nada dompak so marporang.”

JESAYA 54:15

Muda adong na mangaroro tu ho, nada Au na marsuru, sanga ise na mangaroro ho, angkon talu do.

JESAYA 37:36

Laing di borngin i, ro ma Surusuruan ni Tuhan tu parundung-undungan ni halak Asur i jana dibunu ma 185.000 halak parajuritna. Ancogotna i manyogot-nyogot, marampar ma angka bangkena i.

JESAYA 28:13

Hara ni i ma da umbaen na giot ajaron ni Tuhan i hamu marhite: Angkon on do angkon i, musti on do musti i, tamba on tamba i. Jana angkon tartuktuk hamu ganop mangalangka. Angkon mabugang hamu, tarjorat jana tartangkup.

JEREMIA 42:11

Ulang be mabiar hamu tu raja ni Babel i. Di tonga-tongamunu do Au laho paluahon hamu sian kuaso ni tangannia.

JEREMIA 51:20

Didok Tuhan ma, “O Babel, na songon potuk-potuk do ho, sinjatangKu laho marporang. Hupake do ho laho manghantam angka bangso dohot angka harajaan.

JEHESKIEL 38:7

Suru ma ia anso hobas jana parentahon ma sude tentara na marsada dohot ia anso hobas mangihutkon tanda sian ia.

JOSUA 11:5

Dipasada angka raja-raja i ma tentara ni halahi jana rap ro lalu marmarkas di anak ni Batang aek Merom laho mamorangi Israel.

JEREMIA 46:3

“Marsurak ma angka perwira ni Mesir, ‘Buat ma angka parince, kehe ma ho tu parporangan!

JEREMIA 46:4

Pasang ma palano ni kudo jana juguhima! Marsibuat ingananna ma jana dipake ma kupia baja! Garut ma hujurmu! Pake ma baju bosi!’ ”

JEHESKIEL 38:8

Sanga na piga taon nari suruonKu ma ia laho mamorangi sada luat na diingani ni halak na dipalagut mangulahi sian tonga-tonga ni bahat bangso jana maringanan muse di luat i di bagasan sonang. Inganan ni si Gog ma angka dolok ni Israel na dung honok mangalungun jana gok tapor-tapor, tapi saonnari na niingani ni rayat na mangolu di bagasan dame.