JESAYA 8:13 - BIBEL JAMITA NA DENGGAN

¹³ Ingot ma, anggo Au Tuhan Na Markuaso, na badia do. Hum Au sajo do angkon sihabiaranmu.

JESAYA 8:13 Referans Kwoze

LUKAS 12:5

Denggan ma Hupatuduhon di hamu, sanga ise do na angkon sihabiaranmunu. Habiari hamu ma Debata! Angke dung mamunu Ia markuaso muse dope Ia mangambungkon tu narako! Denggan ma ingot hamu; angkon habiaranmunu do Ia!

HALUMBAAN 15:4

Ise dope he na so mabiar mida Ho, Tuhan, jana ise dope he na so ra pasangapkon goarMu? Hum Ho sajo do na badia. Marroan ma angka bangso sudena manyomba Ho dibaen madung diida sasude halak angka panguhumanMu na tigor i.”

MATEUS 10:28

Ulang pola mabiar hamu mida halahi sibunu pamatang tapi na so margogo mamunu tondi. Tapi habiari hamu ma Debata na markuaso mamunu pamatang dohot tondi di api narako.

MASMUR 76:7

Sude do halak mabiar be mida Ho, muda pola marsijongjong murukMu, ise ma he na tahan?

MALEAKI 2:5

Di bagasan parjanjian i, Hujanjihon do na giot mangolu halahi jana sonang, jana Husuru halahi pasangapkon Au. Anggo di hatiha i pasangapon ni halahi ma Au tutu jana habiaran ni halahi.

JESAYA 29:23

Muda diida hamu angka dakdanak na Hulehen tu hamu, gabe okuonmunu ma, Au do Debata Na Badia ni Israel. Pasangaponmunu ma Au, jana mabiar mida Au.

PAMUNGKAAN 31:53

Debata na nisomba ni si Abraham jana na nisomba ni damang si Nahor ma na gabe panguhum di hita.” Dung i marjanji muse ma si Jakob mangasahon goar ni Debata na nisomba ni si Ishak amangnia i jana marsumpa ma ia paboa na marsitutu do ia maniop janji i.

SURAT NI SI PAULUS TU PARLAGUTAN ROM 4:20

Laing tongtong do ia porsaya jana nada ganggu rohania di janji ni Debata i. Mur dipargogoi haporsayaannia i muse dope ia laho pasangapkon Debata.

BILANGAN 27:14

angke di Halongonan Zin dialo hamu na dua do parentangKu. Hatiha di Meriba sude rayat i marungut-ungut tu Au, nada ra hamu patorangkon tu halahi bahaso hum Au do na Markuaso.” (Meriba i ma haroroan ni aek di Kades na di Halongonan Zin.)

HAMALIMON 10:3

Didok si Musa ma tu si Harun, “On ma pikiran ni Tuhan i di na nidokNia, ‘Sude halak na giot mangoloi Au angkon pasangaponna do Au angke sasada Au do Debata. Giot patuduhononKu hamuliaonKu tu bangsongKu.’ ” Tapi hohom do si Harun.

HARURUAR 20:20

Didok si Musa ma, “Ulang mabiar hamu, na giot mancubo rohamunu sajo do dibaen na ro Debata, anso tongtong mangoloi hamu tuSia jana ulang mardosa hamu.”

PANGARATAION 14:23

Dung i kehe ma hamu tu inganan paribadatan na dung ditontuhon Tuhan Debatamunu. Di inganan i ma, di adopan ni Tuhan, angkon panganonmunu haul parsampuluan ni gandum, anggur, miak zetun maradu lombu dohot biri-birimunu na parjolo sorang. Patulus hamu ma i anso sai tongtong hamu marsiajar pasangapkon Tuhan Debatamunu.

JESAYA 5:16

Tapi patuduhonon ni Tuhan Na Markuaso i ma hagodanganNia markite-hite na patuluskon sanga aha na tigor, jana Debata Na Sun Badia angkon patidahon habadiaanNa di bagasan hasintonganNa.

JEHESKIEL 38:16

Songon halingsungsung na manondong portibi on. Muda dung dapot hatihana, tongosonKu ma ho laho mambuat tanongKi. Marhite na Hubaen i di na Hupake ho ale Gog, botoon ni angka bangso ma sanga ise do Au, i ma Debata Na Badia.

HAMALIMON 22:32

Ulang pahodar hamu goarKu na badia i. Sude halak Israel angkon mangoku na badia do Au. Au do Tuhan na pabadia hamu.

1 SAMUEL 11:7

Hara ni muruknia dibuat ia ma dua lombu lalu digotap-gotap ia marlobong-lobong. Dung i ditongoskon ia ma lobong-lobongna i tu sude tano Israel mardongan parenta songon on, “Sanga ise na so dohot marporang mangihutkon si Saul dohot si Samuel, gotap-gotapon ma lombuna laing songon on!” Mabiar ma bangso Israel betak na aha na giot baenon ni Tuhan, jadi rap dohot ma sude halak nada adong na so dohot.