JESAYA 7:2 - BIBEL JAMITA NA DENGGAN

² Di na tarbege tu si Ahas raja ni Juda na masuk tentara ni Siria tu luat ni Israel, gabe sun ma biar ni rohania dohot bangsona, jabat humitir halahi songon bona ni hayu na niombus ni alogo.

JESAYA 7:2 Referans Kwoze

JESAYA 8:12

Ning Ia ma, “Ulang ho dohot marpokat dohot bangso i, jana ulang ho mabiar mida na nihabiaran ni halahi i.

JESAYA 7:13

Dung i didok si Jesaya ma, “Antong anggo songon i, tangihon ma ale pomparan ni Raja Daud! Na so tuk dope he hum jolma lojaanmu, umbaen jabat lojaanmu dope Debatangku?

JESAYA 9:9

Padiar ma sude bangso i umbotosa, i ma Efraim dohot rayat Samaria na marhite gakgak dohot ginjang ni rohana mandok,

PODA 28:1

Marlojongi do halak parjahat haru so adong na mangayak, tapi halak na tigor barani do songon singa.

MATEUS 2:3

Dung tarbege tu Raja Herodes barita i, tarsonggot situtu ma ia. Laing songon i dohot sude halak na di Jerusalem.

HOSEA 12:1

Didok Tuhan ma, “Dihuliangi Efraim do Au marhite gabus dohot sipaoto-oto; bangso Juda laing tongtong mangalo tu Au, Debata Na Badia jana na tigor.

JESAYA 37:35

Hubela jana Huondingi do kota Jerusalem, hara ni hasangapanKu sandiri dohot hara ni parjanjianKu dohot naposongKu si Daud.’ ”

JESAYA 37:27

Nada adong gogo ni angka jolma na maringanan disi; tarsonggot do halahi jana mabiar. Songon duhut na di padang-padang i do halahi sanga songon duhut na tubu di tarup, sanga gandum na malos hatiha so masak dope.

JESAYA 22:22

Gok disia ma sude kuaso di toru ni raja na sian pomparan ni si Daud. Tioponnia ma kunci ni harajaan i. Muda dibuka ia, nada adong be na tarbaen manutup, jana muda ditutup ia nada adong na tarbaen mambukasa.

JESAYA 11:13

Nada be mangiburu harajaan Israel mida Juda, jana Juda pe nada be musuanna Israel.

JESAYA 7:17

Paroon ni TUHAN ma raja ni Asur, jadi daionmu ma angka ari na gok hasusaan, ho dohot rayatmu, umjorbut sian na dung jungada dibolus hamu mamungka sian dung mabola harajaan Israel dohot Juda.

JESAYA 6:13

Salang sugari adong saparsampulu halak nari sian bangso na tading di luat i, i pe angkon dimatehon. Angkon songon hayu baringin na di taba halahi, hum tungkona noma tinggal. Sian tungko i ma muse ruar tunas, na badia.”

MASMUR 11:1

Tu Tuhan i do au maronding-onding; nada parguna adong mandok tu au, “Palua ma dirimu songon unggas na habang tu dolok adu.”

2 JUJUR TAON 28:12

Adong do opat halak na godang sian Israel na mangalo tu tindakan ni tentara na mulak i, i ma si Asarya anak ni si Johanan, si Berekia anak ni si Mesilemot, si Jehiskia anak ni si Salum, dohot si Amasa anak ni si Hadlai.

2 JUJUR TAON 25:10

Jadi hara ni i gabe dipabebas si Amasia ma angka parajurit na niongkosan i jana disuru ia mulak halahi. Jadi mulak ma halahi, santak ma muruk ni rohana.

1 RAJA-RAJA 13:2

Diparentahon Tuhan ma anso marsurak panurirang i tu langgatan i, “O langgatan, o langgatan! Songon on ma didok Tuhan, ‘Sorang ma sada anak na margoar si Josia di tonga-tonga ni horong ni si Daud. Bunuonnia ma di ginjangmon angka malim na pature langgatan ni angka debata na asing dohot na manghaulkon haul di ginjangmu. Jana laing di ginjangmon ma tutungonnia angka holi-holi ni halahi.’ ”

1 RAJA-RAJA 12:16

Disi diida rayat i na so ra raja i manangihon na nidok ni halahi, marsurak ma halahi, “Pardulinta i si Daud dohot pomparanna i! So na adong dibaen i tu hita sanga na aha. Beta, mulak hita, halak Israel on! Tapadiar ma si Rehabeam mangurus dirina sandiri!” Gabe mangalo ma halak Israel

1 RAJA-RAJA 11:32

Samarga nari laing di si Salomo, hara ni naposongKu si Daud dohot hara ni Jerusalem, i ma kota na dung Hutodo sian sude kota ni Israel gabe kotangKu.

2 SAMUEL 7:16

Angkon tongtong do adong pomparanmu, jana baenonKu harajaanmu martahan salolot-lolotna. Na so ra marujung do harajaanmu?’ ”

JESAYA 7:5

Harana madung martahi si Aram, Efraim dohot anak ni si Remalya mambaen na jat tu hamu, na mandok: