JESAYA 7:13 - BIBEL JAMITA NA DENGGAN

¹³ Dung i didok si Jesaya ma, “Antong anggo songon i, tangihon ma ale pomparan ni Raja Daud! Na so tuk dope he hum jolma lojaanmu, umbaen jabat lojaanmu dope Debatangku?

JESAYA 7:13 Referans Kwoze

JESAYA 43:24

Nada ditobusi ho pulungan na huskus di Au, nada dibuat ho rohangKu marhite tabo-tabo ni pahan-pahananmu. Mur dipasorat ho do Au tehe marhite dosamu jana dilojai ho Au marhite angka hasalaanmu.

MALEAKI 2:17

Susa do Tuhan dibaen angka hata-hatamunu. Tapi didok hamunu do, “Bia ma he hami baen pasusahon Ia?” I ma na niambangmunu: “Ganop halak na mambaen hajahatan denggan do i di mata ni Tuhan; tu halak si songon i ma jop ni rohaNia sanga muda nada, di dia ma he Debata na manguhumi i?”

JEHESKIEL 34:18

Adong do sian tonga-tongamunu na so dabu rohana muda hum mangabiskon jampalan na jumeges, tapi dohot do muse mandegei ruput na so giot panganon ni halahi! Diinum halahi aek na lan, dung i dihorui halahi aek na so giot inumon ni halahi be!

JEHESKIEL 16:47

Sombu dehe dihilala ho mangihutkon indege ni halahi dohot maniru parange ni halahi sihagigian i? Nada podo! Santongkin nari jumorbut muse dope ho sian halahi.

JESAYA 63:10

Hape manggugai do halahi mambaen roha ni Tuhan gabe marsak. Jadi gabe musuNia ma halahi jana marporang mangalo halahi.

JESAYA 7:2

Di na tarbege tu si Ahas raja ni Juda na masuk tentara ni Siria tu luat ni Israel, gabe sun ma biar ni rohania dohot bangsona, jabat humitir halahi songon bona ni hayu na niombus ni alogo.

IBRANI 3:10

I do umbaen na goyak rohangKu mida halahi jana Hudok ma, ‘Na tongtong do halahi lilu, jana losok mangoloi angka parenta na Hudok.’

AMOS 3:13

Didok Tuhan Debata, Debata Na Markuaso i ma, “Parrohahon ma saonnari jana paingot ma pomparan ni si Jakob.

JEHESKIEL 16:20

Dung salpu i dipelehon ho muse ma angka dakdanakmu, halaklahi dohot dadaboru na ditubuhonmu di Au gabe haul tu angka gana-ganaan. Na diambang ho do parkaro na menek dope parkarosuanmon?

JEREMIA 6:11

HamumurukMu pe tu halahi manginona tu au do Tuhan, borat do laho manahansa. Dung i didok Tuhan ma, “Palalu ma hamumurukKi tu angka dakdanak di angka dalan godang dohot tu angka doli-doli na marlagut-lagut. Ripe-ripe halak angkon obanon ma tu habuangan, jana halak na dung matobang pe nada malua.

JESAYA 25:1

Ale Tuhan, Ho do Debatangku, giot hupasangap jana hupuji do goarMu. Madung dipatupa Ho angka karejo na pahomang roha. Sian denggan ni rohaMu do i dibaen Ho sudena, na nijanjihonMu mamungka sian narobi.

JESAYA 1:24

Hara ni i songon on ma didok Tuhan, Tuhan Na Markuaso na mangondihon Israel, “BaloshononKu ma hosom ni rohangKu tu angka alongKu, jana baenonKu ma pamaloson tu angka musungKu.

2 JUJUR TAON 21:7

tapi nada ra Tuhan mamusa raja na sian pomparan ni si Daud hara ni na dung marjanji Ia mandok sai na tongtong do mamarenta anggo pomparan ni si Daud.

BILANGAN 16:13

Madung tuk ho maroban hami haruar sian Mesir na napu i laho mamunu hami di parhorsihan on. Saonnari ho muse dope markuaso tu hami?

BILANGAN 16:9

Ninna rohamunu pangalaho na menek dehe na dung dipili Debata ni Israel hamu sian halak Israel na asing i, anso tarbaen hamu donok tuSia laho markarejo di Bandar ParmiananNia, jana markarejo di halak Israel laho mangoloi halahi?

PAMUNGKAAN 30:15

Ning si Lea ma mangalusi, “Na so tuk dope lakna halaklahingki buatonmu? Hape mur giot buatonmu dope saonnari ubat na dapot ni anakki.” Ning si Rahel ma, “Anggo dilehen ho do ubat i na dapot ni anakmi di au, hupatola pe ho rap modom dohot si Jakob borngin on.”

BAENON NI ANGKA RASUL 7:51

O hamu na jogal rungkung, bope na marroha dohot na marpinggol songon halak na so mananda Debata! Tongtong do dialo hamu Tondi Parbadia, songon ompumunu i, laing songon i do hamu muse.

LUKAS 1:69

Dilehen Ia do di hita tanduk haluaan, di bagasan pomparan ni si Daud, naposoNia.

MASMUR 45:5

Pana ni raja i tajom do mamantik tu pusu-pusu ni musu, martungkapan angka bangso di jolo ni patmu.

JESAYA 7:12

Dialusi si Ahas ma, “Nada ra au mangido tanda. Nada ra au manguji Tuhan.”

JESAYA 22:22

Gok disia ma sude kuaso di toru ni raja na sian pomparan ni si Daud. Tioponnia ma kunci ni harajaan i. Muda dibuka ia, nada adong be na tarbaen manutup, jana muda ditutup ia nada adong na tarbaen mambukasa.

JEREMIA 44:22

Nada tahan be Tuhan paida-ida pangalaho dohot pambaenanmunu na jahat i; hara ni i do umbahen na gabe lobu tanomunu, nada adong na mangingani lopus sadari on.

JEHESKIEL 6:9

Disi, di tonga-tonga ni angka bangso, tu dia halahi na tartaban i dioban, angka halak na malua sian tonga-tongamunu angkon mangingot Au. PaulakonKu do muse roha ni halahi na markarosuan i, na dung mandao sian Au jana manundali halahi, na tongtong markarosuan mangihutkon gana-ganaan ni halahi, dung i gabe goyak ma roha ni halahi mida dirina sandiri hara ni sude hajahatan dohot hajorbutan ni halahi.