JESAYA 64:1 - BIBEL JAMITA NA DENGGAN

¹ Sibakkon ma langit, jana mijur ma Ho ale Tuhan, baen ma angka dolok humutur hara ni biarna,

JESAYA 64:1 Referans Kwoze

MARKUS 1:10

Disi haruar Jesus sian batang aek i, diida Ia ma mungkap langit i. Dung i mijur ma Tondi Parbadia tuSia songon sada darapati.

HALUMBAAN 20:11

Dung i huida ma sada habangsa na godang, jana na bontar. Huida muse do Ia na juguk di habangsa i. Mago ma langit dohot tano sian joloNia lopus nada haidaan.

MASMUR 68:8

humutur do tano on, diduruskon langit i do udan; di joloMu ale Debata; humutur do Sinai di jolo ni Debata, Debata ni Israel.

AMOS 9:13

Didok Tuhan ma, “Dapot do i hatihana, simbur sajo partubu ni gandum, gabe nada mantak hatiha ni sabion. Ompot sajo ma martumbur bona ni anggur lopus gabe torus-torusan halak mambaen aek ni anggur. Manetehi ma aek ni anggur na imbaru sian angka dolok jana mardalan ma i tu angka tor.

JESAYA 63:15

Ale Tuhan, tatap ma hami sian banua ginjang, sian ingananMu na badia jana marmulia. Di dia do pangiburuMu dohot hagogoonMu? Di dia do holong dohot ibo ni rohaMu? Di dia do diparrohahon Ho hami? Ulang ma nian manghohom Ho tu hami.

HARURUAR 3:8

Jadi hara ni i, madung mijur Au laho palua halahi sian tangan ni halak Mesir, bope maroban halahi haruar sian luat i, tu sada luat na bidang jana na napu, tano inganan ni susu dohot aer ni loba, jana saonnari diingani halak Het, Amori, Peris, Hewi dohot Jebus.

MASMUR 46:6

Mangaronggur Debata, gabe malantuk ma portibi on, gaor ma angka bangso, mardabuan ma angka harajaon.

HARURUAR 19:11

Haduan, angkon hobas ma halahi sude. Di ari i ma Au mijur di ginjang ni Dolok Sinai, anso disi tarbaen halahi sude marnida Au.

AMOS 9:5

Humutur tano jana marsak ma halak pangisina, hara ni na nigoit ni Tuhan, Debata Na Markuaso. Songon Batang aek Nil na manaek ma halahi, jana surut songon Batang aek Mesir; songon i ma halahi manaek lalu madabu.

JESAYA 41:15

Hubaen do ho gabe songon rapan-rapan, papan pardege na margarigi na tajoman. Dirabi ho angka dolok jana diluntak ho, angka tor gabe guapak dibaen ho.

JESAYA 63:19

Songon dia ma na so bangsoMu be hami songon na so mamarenta be Ho tu hami.

ZAKARIA 14:4

Jongjong ma Ia di ari i di Dolok Zetun, sabola Habincaran ni Jerusalem. Jadi gabe mabola ma Dolok Zetun i mamungka sian Habincaran lalu tu Hasundutan baenon ni holbung na bidang. Manggulot sabola Utara ma satonga sian dolok i, jana satonga nari tu Selatan.

MASMUR 79:10

Ulang paloas bangso na asing manyapai salaho tu hami, “Di dia ma Debata ni halahi?” Patidahon ma tu hami pamalosonMu maradopkon angka bangso na mamatehon angka naposoMu.