JESAYA 5:16 - BIBEL JAMITA NA DENGGAN

¹⁶ Tapi patuduhonon ni Tuhan Na Markuaso i ma hagodanganNia markite-hite na patuluskon sanga aha na tigor, jana Debata Na Sun Badia angkon patidahon habadiaanNa di bagasan hasintonganNa.

JESAYA 5:16 Referans Kwoze

MASMUR 46:10

Didok Ia, “Boto hamu ma, Au do Debata, ulang be pupu na marporang. Di tonga-tonga ni angka bangso, godang do Au, godang di sude tano on.”

JESAYA 12:4

Dapot do i hatihana marendei angka halak, “Mandok tarimakasi ma da tu Tuhan, pio ma goarNia mangido tolongan. Paboa ma tu angka bangso, hagodangan dohot sude pambaenanNia.

1 JUJUR TAON 29:11

Tutu do Ho na godang, jana na markuaso. Marmulia do Ho, manongtong jana na godang. Ho do nampuna sasude na adong di langit dohot na di tano on. Raja na bonggal do Ho, na mangarajai sandok na adong.

1 PETRUS 2:15

Anggo giot ni Debata, huntam hamu ma pamangan ni halak na oto pangkataina markite-hite angka pambaenanmunu na denggan i.

JEHESKIEL 36:23

PatuduhononKu ma godang ni goarKu na badia i, goar na nipahodarmunu di tonga-tonga ni angka bangso, jadi botoon ni halahi ma bahaso Au do Tuhan. Au Tuhan Debata madung mandok songon i. Pakeonku ma hamu laho pataridahon tu angka bangso paboa na badia do Au Tuhan.

JESAYA 29:23

Muda diida hamu angka dakdanak na Hulehen tu hamu, gabe okuonmunu ma, Au do Debata Na Badia ni Israel. Pasangaponmunu ma Au, jana mabiar mida Au.

HALUMBAAN 3:7

“Tu surusuruan ni parlagutan na di Piladelpia, songon on ma suratkon: On ma barita sian Na Badia jana Na Tigor i. I ma sitiop kunci ni si Daud; muda dibuka Ia, nada adong sahalak pe na tarbaen manutupsa, jana muda ditutup Ia nada tarbuka sanga ise be i.

JESAYA 33:5

Sangap situtu ma da antong Tuhan! Angke Ia do na mangarajai. BaenonNia ma hasintongan dohot hatigoran manggohi Jerusalem

JESAYA 8:13

Ingot ma, anggo Au Tuhan Na Markuaso, na badia do. Hum Au sajo do angkon sihabiaranmu.

JEHESKIEL 38:23

Songon i ma dalanna baenonKu laho patuduhon tu ganop bangso paboa na badia jana na godang do Au. Jadi botoon ni halahi ma bahaso Au do Tuhan.”

JESAYA 57:15

Angke songon on do pandok ni Na Gumincat jana Na Marmulia na marhabangsa salolotna jana Na Sun Badia goarNa: “Di inganan na gincat jana badia do habangsangKu, tapi rap muse do dohot halak na magopu jana na toruk rohana, laho pangoluhon arop ni roha ni halak na toruk roha dohot laho pangoluhon roha ni halak na magopu.

JESAYA 2:17

Patutoruon ma halak na gakgak, jana papatuon ma halak na ginjang roha. Mago noma angka gana-ganaan sian sisik ni tano on. Anggo di ari i hum sasada Tuhan noma sipasangapon.

HALUMBAAN 4:8

Mahluk na opat i, onom be habongna jana sap sudena dohot mata. Nada mantak mahluk na opat i marende arian na borngin, “Na badia, na badia, na badia do Tuhan Debata Parkuaso Na Sumurung i; na adong, na dung adong, jana na giot ro!”

JESAYA 61:8

Angke Tuhan do Au, “Huhaholongi do hatigoran jana magigi do Au mida na kejam dohot hajahatan. TumbasonKu bangso on marhite hadengganan, Hupudun janji na hot dohot halahi.

JESAYA 28:17

Hatigoran do tali panyuhat ni ojahan i jana hajujuron do tali pandodona.” Paison ni ambolas ma ias sude gabus na gabe sitioponmunu i. Ayupon ni aek magodang ma inganan parlindunganmunu i.

JESAYA 6:3

Marsipioan ma halahi: “Na badia, na badia, na badia ma da Tuhan Na Markuaso i. Digohi hamuliaonNia do portibi on.”

MASMUR 21:13

Hami puji do Ho Tuhan, hara godang ni kuasoMu, marende do hami mamuji hagogoanMu.

JESAYA 30:18

Haru pe songon i, laing dipainte Tuhan dope hatihana laho patuduhon tu hamu ibo ni rohaNia. Rade do Ia laho maribo ni roha tu hamu, angke Tuhan i do Debata na tigor. Martua do na marpos ni roha tuSia.

JESAYA 2:11

Dapot ma hatihana parenjepon halak na gakgak, halak siginjang roha patunduhon, jana Tuhan i sandiri noma sipasangapon. Anggo di ari i patutoruon ni Tuhan noma sude sanga ise na markuaso, na ginjang roha dohot halak na gakgak.

MASMUR 9:16

Dipatidahon Tuhan do diriNa na tigor di bagasan putusanNia. Halak na jahat dabuhononNa hara ni parkarejoanNa.

HAMALIMON 10:3

Didok si Musa ma tu si Harun, “On ma pikiran ni Tuhan i di na nidokNia, ‘Sude halak na giot mangoloi Au angkon pasangaponna do Au angke sasada Au do Debata. Giot patuduhononKu hamuliaonKu tu bangsongKu.’ ” Tapi hohom do si Harun.

1 PETRUS 1:16

Di Buku Na Badia i tarsurat do, “Angkon badia do hamu, angke Au pe na badia do.”

SURAT NI SI PAULUS TU PARLAGUTAN ROM 2:5

Tapi hara ni jogal ni rohamu na so ra muba, ditamba ho do rimas tu dirimu sandiri di ari haririmas dohot hapataran ni uhuman ni Debata na tigor i.

JEHESKIEL 28:22

Palalu ma tu halak kota i, Au Tuhan Debata mandok tu halahi, ‘Musumu do Au, ale Sidon. Pujion ni halak ma Au hara ni pambaenanKu tu ho. Di na Huuhumi halak na mangingani ho, botoon ni halahi ma Au do Tuhan Na Badia jana na magigi tu sude na jahat.

1 PETRUS 3:15

Tapi di bagasan rohamunu, parbadia i hamu ma Kristus songon Tuhan! Jana angkon singkop do hamu tongtong laho mangalusi sanga ise na manyapai hamu taringot tu pos ni rohamunu di angka na niarop ni rohamunu sian Tuhan.

JESAYA 33:10

Didok Tuhan tu angka bangso i, “Saonnari martindak noma Au. PatuduhononKu ma sanga songon dia godang ni kuasongKu.

JEHESKIEL 20:41

Dung Huoban hamu haruar sian angka luat inganan parserahanmunu, palagutonKu ma hamu jana jagitonKu ma sude haul situtungonmunu. Jadi gabe botoon ni sandok bangso ma Au do Tuhan.

JEHESKIEL 38:16

Songon halingsungsung na manondong portibi on. Muda dung dapot hatihana, tongosonKu ma ho laho mambuat tanongKi. Marhite na Hubaen i di na Hupake ho ale Gog, botoon ni angka bangso ma sanga ise do Au, i ma Debata Na Badia.

DANIEL 4:37

Jadi au saonnari, au si Nebukadnesar mamuji, pagincatkon dohot pasangapkon Raja Ni Banua Ginjang. Tutu jana tigor do sude pambaenanNa jana bisa do Ia patorukkon halak na ginjang marroha.”

BILANGAN 20:13

Masa do i di Meriba. Di inganan i ma halak Israel marungut-ungut tu Tuhan, jana disi muse ma dipatidahon Tuhan habadiaanNia tu bangso i.

JESAYA 2:9

Angkon marbile do ganop halak jana dipaila. Ulang lehen ampunan tu halahi, ale Tuhan!

JEHESKIEL 28:25

Didok Tuhan Debata i ma, “Giot palagutonKu ma angka halak Israel sian angka luat na dao inganan na Hubaen parserahan ni halahi, jana botoon ni sude bangso ma bahaso Na Badia do Au. Maringanan di tanona sandiri noma bangso Israel, i ma tano na dung Hulehen tu naposongKu si Jakob.