JESAYA 49:4 - BIBEL JAMITA NA DENGGAN

⁴ Ningku ma, “Magopo do halolojangku, parcuma do hupuntial gogongku!” Tapi haru songon i pe, pos do rohangku ampinan ni Tuhan do au, balosonNia do di au marguru tu pambaenanku.

JESAYA 49:4 Referans Kwoze

JESAYA 35:4

Dok ma tu halak na enek roha, “Ulang ho mabiar, papir ma rohamu. Ro do Debata, paluaonNa ma ho, jana tu angka musumu dabuonNa uhum.”

GALATIA 4:11

Songon na gamang do au, betak na parcuma do halolojangki dibaen hamu!

2 KORINTUS 12:15

Jadi hara ni i sudena, sian jop ni rohangku ra do au mangalehen sasudena hara ni hamu, haru diringku sandiri pe ra do au pasahatkon i tu hamu. Muda songon i ma holong ni rohangku tu hamu, tama dope he laing hurang holong ni rohamunu mida au?

2 KORINTUS 2:15

Dibaen songon uap na huskus ni Kristus do hami adop Debata di tonga-tonga ni angka na dapotan haluaan, bope di tonga-tonga ni angka na giot kehe tu hamagoan i.

MATEUS 23:37

“Jerusalem, Jerusalem! Dibunu ho do angka panurirang, didangguri ho do dohot batu angka na nisuru ni Debata tu ho! Ma pola piga noli dihalungunkon rohangKu laho manghaol sude halak na mangingani ho songon pambaen ni inang ni manuk manggobak angka anakna di toru ni habongna, hape nada ra hamu!

MATEUS 17:17

Dialusi Jesus ma, “O hamu angka angkatan na so porsaya jana na lilu, angkon sadia honok Au rap dohot hamu? Angkon sadia honok nari Au sobar paida-ida hamu? Oban ma tuson dakdanak i!”

JEHESKIEL 3:19

Muda dipaingot ho halak na jahat i hape nada ra ia mantak mambaen na jahat, mate do ia nian songon halak pardosa, tapi anggo ho sandiri mangolu do.

JESAYA 65:23

Manjadi do sude na nikarejohon ni halahi, jana angka dakdanak ni halahi pe nada hona mara. PasupasuonKu ma halahi dohot pomparan ni halahi ro di salolot-lolotna.

JESAYA 62:11

Lopus tu sandok ujung ni portibi on dilehen Tuhan tona on, “Dok ma tu boru Sion, ‘Ligi da, ro ma disadu Tuhan sipalua. Dohot Ia laing dohot muse do da angka halak na nipaluaNia.’ ”

JESAYA 40:10

Ro do Tuhan Debata mardongan kuaso laho mamarenta mamake sahala. Ligi da, dohot do dioban Ia, angka halak na nipaluaNia.

IBRANI 12:2

Tu Jesus ma tatatap, na manogu-nogu hita di bagasan haporsayaan, jana na maroban haporsayaanta i tu hasanggaman. Ditaonkon Ia do mate di hayu parsilang gonti ni jop ni roha na dung diparade diSia, jana juguk do Ia nuaeng di siamun ni habangsa ni Debata.

SURAT NI SI PAULUS TU PARLAGUTAN ROM 10:21

Tapi anggo taringot tu halak Israel didok ia do, “Songon on ma pandok ni Debata, ‘Husurduhon do tanganKu sasadari tu sada bangso sijogal roha jana na tangkang.’ ”

JOHANNES 1:11

Ro ma Ia tu luatNia sandiri, hape nada dijagit bangsoNia i Ia.

LUKAS 24:26

Na he angkon taonon ni Kristus i do sudena parkancitan i, laho masuk tu hamuliaanNia i?”

JESAYA 65:2

Tongtong do Au hobas laho manjaluangi bangsongKi haru pe mardongan jogal ni rohana mambaen na jahat halahi jana manondong dalan lomo ni rohana sandiri.

HAMALIMON 26:20

Sude halojaonmu nada adong gunana, angke tanomunu nada marsuha, jana suan-suananmu nada marbatu.

PODA 29:26

Bahat do halak marpor ni roha anso dihalomohon parkuaso, tapi na mangalehen hatigoran hum Tuhan do.

JESAYA 25:1

Ale Tuhan, Ho do Debatangku, giot hupasangap jana hupuji do goarMu. Madung dipatupa Ho angka karejo na pahomang roha. Sian denggan ni rohaMu do i dibaen Ho sudena, na nijanjihonMu mamungka sian narobi.

JESAYA 40:27

Antong ale Israel, biasi sai humolos, sai songon na so diboto Tuhan ho na susa? Sai songon na so parduli Ia, muda manaon na so tigor ho?

JESAYA 57:21

Nada adong hasonangan ni roha ni pardosa,” ninna Debatangku.

JESAYA 59:18

UhumanNia noma angka musuNia marguru tu pambaenan ni halahi, salang angka bangso na dao-dao pe nada malua sian uhumanNia.

JESAYA 61:10

“Jop ma rohangku hara ni Tuhan, hara ni Debata, tondingku marhamogaan. Songon pangoli di ari parbagasonna mamake pakean na sumurung jegesna, madung dipapakehon Tuhan tu au baju haluaan dohot hamonanganku.

1 RAJA-RAJA 19:10

Dialusi si Elia ma, “Tuhan Debata Na Markuaso! Sai na matua markarejo tu Ho sandiri sajo do au. Hape dilaosi halak Israel do parjanjian ni halahi dohot Ho. Dirorak halahi do angka langgatanMu jana dibunu angka panurirangMu. Hum sasada au sajo noma na tinggal, jana saonnari giot bunuon ni halahi muse ma au!”