JESAYA 49:1 - BIBEL JAMITA NA DENGGAN

¹ Tangihon ma au, ale angka pulo, parrohahon ma, ale angka bangso na dao! Hatiha sian bortian dope madung dipio Tuhan madung didok goarku hatiha dibortian ni dainang.

JESAYA 49:1 Referans Kwoze

JEREMIA 1:5

“Dompak so Hujadihon ho di bortian ni inangmu, madung Hutanda ho, jana taran so sorang dope ho madung Huparbadiai ho, madung Hutodo do ho gabe panurirang tu angka bangso.”

GALATIA 1:15

Tapi hara ni denggan ni roha ni Debata, dipili Ia do au dompak so sorang jana dipiohon Ia do au laho mangoloi Ia.

JESAYA 44:2

Songon on ma hata ni Tuhan, na manompa ho na mambaen ho hatiha di bortian jana mangurupi ho. NaposongKu do ho, ulang mabiar rohamu, ho do bangso na Huhaholongi todoan ni rohangku.

JESAYA 49:5

Saonnari songon on hata ni Tuhan, na manjadihon au mamungka sian bortian anso gabe naposoNa, laho paulakkon si Jakob tuSia, jana anso dipalagut Israel tuSia, hara ni i dipasangap ma au di jolo ni Tuhan, jana Debata ma gabe hagogoonku, didok Ia ma:

LUKAS 1:31

Denggan ma pamatangmu jana sorang ma sada anakmu, jana angkon Jesus do baenonmu goarNa.

1 PETRUS 1:20

Na dung nipili ni Debata do Kristus i dompak so ditompa dope tano on. Jana di angka ari marayak ujung ni jaman on, ro do Ia tu portibi on laho paluahon hamu.

LUKAS 1:15

Gabe halak na godang do dakdanak i mangihutkon parnidaan ni Tuhan. Nada tola ia minum anggur, sanga siinumon na koras. Mamungka di bortian dope ia, Tondi Parbadia do mangarajai ia.

IBRANI 12:25

Antong, jago ma hamu anso ulang jabat layas rohamunu tuSia na mandok hata i. Salangkan halahi na so manangihon na palalu hata ni Debata di portibi on nada tarbaen marlojong, mur ma hita on na umbege hata na nidokNia sian banua ginjang. Muda nada ra hita manangihonsa, bia dope pambaenna malua hita sian Ia!

JOHANNES 10:36

biasi didok hamu na mangincahi Debata hara ni na Hudok Au Anak Ni Debata? Hape nian na diparbadiai ni Ama i do Au jana na nisuruNia tu portibi on?

ZEPANYA 2:11

Mabiar ma halahi baenon ni Tuhan. PatoruhonNia ma sahala ni angka debata na di tano on lopus nada adong be arga ni i sude. Jadi gabe marsomba tu Tuhan noma sandok bangso, di tanona sandiri be.

JESAYA 60:9

I ma da angka kapal na marlabu sian Tartis maroban bangso ni Debata mulak sian luat na dao. Sere dohot perak laing diobansa, laho mamuji Tuhan Debata; di Debata ni Israel na umbadia, na mambaen bangsoNia dapotan sangap.

JESAYA 57:19

BaenonKu ma puji-pujian. Dame, hadameon ma di halak na dao dohot na donok. Didok Tuhan pamalumonKu do ia!

JESAYA 55:3

Tangihon ma ale bangsongKu, ro ma hamu tu Au, tangihon ma, anso mangolu hamu. Hara ni holong ni rohangKu na togu tu si Daud, naposongKi, Hupudun janji na hot dohot hamu.

JESAYA 46:3

Ale pomparan ni si Jakob, tangihon ma Au, hamu sude na malua sian tonga-tonga ni bangsongKu. Mamungka sian bortian, Hutuhuk hamu; mamungka sorang, Huhunti hamu.

JESAYA 44:24

Songon on ma didok Tuhan, Sipalua ho; na manompa ho mamungka sian bortian. “Au ma da Tuhan, na manompa sasudena, sasada Au do pahembangkon langit, na pahembangkon tano on ise dehe na mandongani Au?

EPESUS 2:17

Jadi madung ro Ia manjamitahon hasonangan markite-hite, Jamita Na Denggan i di hamu angka na dao, dohot di angka na donok.

JESAYA 51:5

Di bagasan sangkidop mata mandonok ma haluaan na sian Au, ro ne ma haluaan na Hulehen, jana markite kuaso ni tanganKu, parentaonKu ma sude angka bangso; tu Au noma pulo-pulo paintehon. Pambaenan ni tanganKu do diarop roha ni halahi.

JESAYA 45:22

O hamu sude na mangingani portibi; sasada Au do da Debata. Saonnari marbalik ma hamu tu Au, anso dipalua hamu.

JESAYA 42:12

Sai dipuji halak na maringanan di na dao ma Tuhan, pagodangkon Ia marhite logu puji-pujian.

JESAYA 41:1

“Hohom ma hamu jana tangihon ma Au, ale angka pulo-pulo, sai mandapot gogo na imbaru ma angka bangso, padiar ma mandonok halahi jana mangkobari, marsidang ma hita laho marparkaro.

JESAYA 9:6

Madung sorang di hita sada dakdanak; dibasa-basahon di hita sada anak. Ia ma na gabe pamimpinta. Digoari do Ia: “Panuturi Na Marroha”, “Debata Parkuaso”, “Ama Salolot ni lolotna”, “Raja Ni Hadameon”.

JESAYA 66:19

jana botoon ni halahi ma Au do na manguhumi halahi. Tapi adong do saotik sian halahi na giot paluaonKu. SuruonKu ma halahi mandapotkon angka bangso di luat angka na dao na so jungada dope umbege salaho tu Au sanga marnida hagodangan dohot kuasongKu: Tu Spanyol, Libia, tu Lidia mardongan angka parsior na malo, tu Tubal dohot Junani. Baritahonon ni halahi ma hagodanganKu di tonga-tonga ni angka bangso i.

JESAYA 7:14

Hara ni i Tuhan sandiri ma mangalehen sada tanda di hamu: Sasintongna, sada halak anakboru angkon mardenggan pamatang jana manubuhon sada anak, jana goaronnia ma Anak i “Immanuel”.

MASMUR 22:10

Sian na menek di tanganMu do bagianku, sian di bortian ni dainang dope au, laing Ho do Debatangku.

JESAYA 11:11

Di ari i, sanoli nari giot pakeon ni Tuhan ma kuasoNia jana obanonma bangsoNia na teba i di Asur dohot Mesir, di angka luat ni Patros, Sudan dohot Elam, di Babel, Hamat dohot di angka pulo na di laut.

JESAYA 24:15

jana halak na di Habincaran pe pujionna ma Ia. Sudena halak angka na maringanan di topi ni laut mamuji Tuhan, Debata ni Israel.

JESAYA 33:13

Padiar ma sude halak na dao dohot na donok mambege taringot tu pambaenanKu jana mangokui kuasongKu.”

JESAYA 45:3

Gabe lehenonKu ma di ho arta pusako, harta sinadongan na buni, anso diboto ho Au Tuhan Debata ni Israel, na dung marpio ho marhite goarmu.

JESAYA 49:12

Ligi ma, bahat halak na ro sian na dao, adong sian Utara dohot sian Hasundutan, jana adong sian tano Sinim.”

JESAYA 52:13

Satutuna, monang do naposongKu, pagincaton do ia, dipuji-puji jana dipasangap.