JESAYA 48:8 - BIBEL JAMITA NA DENGGAN

⁸ Nada ditangihon ho sanga diboto ho, jana pinggolmu pe nada tarbuka sian najolo; tapi Huboto do, bahaso na durako do ho, jana didok halak do ho pangalaosi mulai sian bortian.

JESAYA 48:8 Referans Kwoze

MASMUR 58:3

Na lilu do halak parjahat mamungka sian bortian, na manipu do halahi mamungka sorang.

MALEAKI 2:11

Dilaosi Juda parjanjian ni halahi dohot Debata, jana dibaen halahi pangalaho na jorbut di Jerusalem dohot di sude luat i. Dipahodar halahi do Inganan Na Badia na nihaholonganNia i. Dibuat halahi do angka boru na marsomba tu angka debata ni bangso sileban.

HOSEA 5:7

Nada unduk halahi tu Tuhan, angke madung disorangkon halahi angka dakdanak gampang. Hara ni i, nada sadia honok nari abiskonon noma halahi dohot angka ladang ni halahi.

JEREMIA 6:10

Tu ise ma lakna mangkobari jana marsaksi anso diparate-atehon halahi? Satutuna, nada marsunat pinggol ni halahi, jadi nada marbinege! Satutuna, gabe incak-incak do hataNia di halahi, jana nada dihagioti halahi!

EPESUS 2:3

Anggo najolo sarupa hian do hita sudena dohot halahi; mangolu do hita paolo-oloi bako ni hajolmaonta harana sanga aha na pasonangkon pamatangta dohot pikiranta na jahat i, i do na tabaen. Anggo hatiha i, hita pe halak na hona rimas ni Debata muse do, laing songon halak na asing i.

JEREMIA 5:11

Tutu situtu do na dung mangalayasi halak Israel dohot Juda tu Au. Au Tuhan, madung mandok songon i.

JEREMIA 3:20

Hape songon ripe na so setia, ho pe na so setia do tu Au. Au Tuhan, madung mandok songon i.”

JESAYA 50:5

Madung dibuka Tuhan Debata pinggolku, jana nada mangalo au, nada marbalik tu pudi.

JESAYA 48:4

Huboto do ho sijogal roha, kapala batu, pir songon bosi.

JESAYA 46:8

O hamu angka pardosa, ingot jana pahusor di bagasan rohamu.

JESAYA 26:11

Ale Tuhan, di paherbang Ho do tanganMu, tapi nada diida halahi i; padiar ma maila halahi mida holong ni rohaMu di bangsoMi. Padiar ma marhancit halahi hara ni na hona uhum na niparadeMu di halahi.

JESAYA 21:2

Madung dipatuduhon tu au taringot tu na jorbut na giot masa, halumbaan taringot tu hajahatan dohot hasesegona. Maju ma hamu parangan ni Elam, roro ma! O hamu parangan ni Madai, hobuk hamu ma angka kota i! Na giot paujungonKu noma sude pardangolan na nibaenan ni Babel.

MASMUR 51:5

Olo tutu do na jahat au mamungka sorang, dirajai dosa do au mamungka sian bortian.

MASMUR 40:6

Haul sipanganon na niparade nada por rohaMu disi haul hasesaan ni dosa nada diigil rohaMu i. Hape madung dilehen Ho simanangingku na tarbaen umbege soraMu.

HOSEA 6:7

Tapi songon si Adam, digagai hamu do janjimunu dohot Au.

JEREMIA 5:21

“Hamu halak na bodo dohot na so marpikiran tangihon hamu! Adong do matamunu tapi nada marnida, marpinggol do nian tapi nada marbinege!

JESAYA 33:1

Marjaya ma angka musunta! Manyamun do halahi jana manyegoi haru pe nian na hona samun halahi sanga disegoi. Tapi nada dapot halahi be hatiha laho mambaen songon i, halahi sandiri noma na hona samun dohot na dihianati.

JESAYA 42:25

Jadi gabe disombabkon Ia ma rimas ni rohaNia tu hita, jana dipamasa Ia porang na mambaen hita susa. Marsigorgor do murukNia pangabiskon halahi, hape nada i taboto jana nada marsiajar hita sian na tarjadi.

JESAYA 47:11

Tondongon ni parmaraan ma ho, nada margogo ajimetmi pasidingkonsa. Ro ma parmaraan tu ho, nada bisa so simbilkononmu i marhite manyombahon haul. Ompot ma ro hamamate tu ho, songon na so diambang rohamu.

JESAYA 48:7

Saonnari Hupadiar i tarjadi; di hatiha na salpu nada adong dope na songon i. Sugari adong, pasti dokkononmu, ‘Madung sudena i huboto.’

JESAYA 57:4

Ise do na nipartataanmunu? Ise do na niincahanmunu, hamu angka pargabus dohot pangalo?

HOSEA 7:9

Hape na so pamotoan ni halahi, mago do hagogoan ni halahi hara ni hasadaan ni tahi ni halahi dohot angka bangso-bangso i. Donok noma ajal ni halahi, hape nada diboto halahi.

PANGARATAION 31:16

Didok Tuhan ma tu si Musa, “Nada pola sadia lolot nari marujung ma ngolumu. Dung salpu hamamatemu, nada setia be bangso Israel tu Au jana gagaan ni halahi ma parjanjian na Hubaen i dohot halahi. Tadingkonon ni halahi ma Au laho mamele tu angka debata na asing na nisomba ni angka na maringanan di tano na so sadia lolot nari be masuhanmunu.

PANGARATAION 31:18

Nada ra Au mangurupi halahi anggo di hatiha i, dibaen madung mambaen na jahat halahi jana marsomba tu angka debata na asing.