JESAYA 48:11 - BIBEL JAMITA NA DENGGAN

¹¹ Hubaen on hara ni Au sandiri do, nada Hupadiar goarKu dipalayas martilako. Indangkan na ra Au mambagi hasangapanKi; nampunangKu do i, Au sandiri do nampuna i.”

JESAYA 48:11 Referans Kwoze

JESAYA 42:8

Au do Tuhan, i ma da goarKu, nada lehenonKu hamuliaonKu tu na asing. HabonggalonKu nada i pasahatonKu tu angka patung na nipambaenan.

JEHESKIEL 20:9

Tapi nada Hupalalu i anso ulang marlayas goarKu dibaen angka bangso di tano na niinganan ni halahi. Harana na dung Hupabotohon do tu bangso Israel di jolo ni angka bangso-bangso i, na giot obanonKu halahi ruar sian Mesir.

JEHESKIEL 20:14

Tapi nada tulus Hupalalu hara ni na manjago sangap ni goarKu anso ulang marlayas goarKu dibaen angka bangso-bangso na marnida Au maroban Israel ruar sian Mesir.

JESAYA 37:35

Hubela jana Huondingi do kota Jerusalem, hara ni hasangapanKu sandiri dohot hara ni parjanjianKu dohot naposongKu si Daud.’ ”

JEHESKIEL 20:22

Tapi nada Hupalalu songon i laho manjago anso ulang marlayas goarKu dibaen bangso na marnida Au maroban Israel ruar sian Mesir.

1 SAMUEL 12:22

Madung disumpahon Tuhan bahaso na so tadingkononNia hamu angke madung diputuskon Ia do laho mambaen hamu gabe bangsoNia sandiri.

JESAYA 43:25

Au, Au do na manyesa dosamu, Huampuni ho, hara ni Au sandiri. Nada ra Au manyimpan dosamu di bagasan rohangKu, hasalaanmu na salpu nada be paingot-ingotonKu.

JEREMIA 14:7

Pio-pio tu Au bangsongKu, ‘O Tuhan, dosanami tu hami manudu urupi ma hami hombar tu baga-bagaMu. Madung hami tadingkon Ho marpupu; tutu do na dung mardosa hami tu Ho.

JEHESKIEL 20:44

Jadi muda dung Hubaen tu hamu hombar tu hasangapan ni goarKu, jana nada marguru tu pangalahomunu na jat dohot tu pambaenanmunu na jahat i, botoonmunu halak Israel ma Au do Tuhan. Au Tuhan Debata madung mandok songon i.”

JEHESKIEL 20:39

Didok Tuhan Debata i ma, “Ale hamu halak Israel, saonnari saguru di hamu ma. Toruskon hamu ma mambaen dosa, marhite na marsomba gana-ganaanmunu i! Tapi ingot hamu ma, anggo dung salpu i angkon oloanmunu do Au jana ulang be pajat hamu goarKu na badia i marhite na maroban pelean tu angka gana-ganaanmunu i.

SURAT NI SI PAULUS TU PARLAGUTAN ROM 2:24

Songon na tarsurat, “Hara ni hamu do umbaen na marlayas goar ni Debata di tonga-tonga ni angka bangso na asing.”

JOHANNES 5:23

Dibaen Damang pe i anso dipasangap halak do Anak i songon na ni baen ni halak tu Damang. Halak na so pasangapkon Anak i, nada diparsangapi ia muse Ama na marsuru Anak i.

JESAYA 52:5

Tapi saonnari, aha dope urusanKu di son? BangsongKu madung dirampas songon i sajo. Halahi na markuaso tusia, madung manyombong, songon i ma didok Tuhan, jana goarKu torus dipabile halahi ganop ari.

JESAYA 48:5

Gabe sian najolo Hupaboa hian do i, dompak so tarjadi Hupabotohon humani, anso ulang didok ho: Gana-ganaanku na mangkarejohonsa, patung na hutuhil dohot patung na hutuang i na manyuruna.

MASMUR 25:11

Tuhan, songon janjiMi ampuni ma au, angke bahat situtu do dosangku.

MASMUR 106:8

Tapi hombar tu janjiMu, dipalua Ho do halahi, anso mur tangkas haidaan sahalaMi.

MASMUR 115:1

Nada hami ale Tuhan, nada hami, tapi hum Ho sajo do angkon dipuji, angke setia do Ho jana tongtong manghaholongi.

JESAYA 48:9

Hara ni goarKu, Huorom do murukKu, jana hara ni habonggalonKu Huhaholongi ho, hara ni i ma umbaen nada Hupangabis ho.

DANIEL 9:17

Ale Debata, tangihon ma tangiang dohot pangidoankon. Pasuang ma bagasMu na dung sego i; padenggan ma i anso sude halak umboto Ho do Debata.

MASMUR 25:7

Sesa ma dosa dohot hasalaan di hatiha haposoonku, ingot ma au, hombar tu holong dohot denggan ni rohaMu.

JEHESKIEL 36:22

Jadi hara ni i, palalu ma sanga aha na Hudok, Au Tuhan Debata mandok tu halak Israel, ‘Sanga aha na giot baenonKu sanoli on, nada hara ni hamu, ale angka halak Israel, tapi hara ni goarKu na badia i do, na nipahodarmu sanga na tu dia pe hamu kehe.