JESAYA 48:1 - BIBEL JAMITA NA DENGGAN

¹ Tangihon ma hata on, ale pomparan ni si Jakob, na mandok dirina marhite goar ni Israel, jana na nidok pomparan ni Juda; na marsumpa mangasahon goar ni Tuhan jana na mangokui Debata ni Israel, tapi nada sasintongna jana nada sian ias ni rohana.

JESAYA 48:1 Referans Kwoze

JEREMIA 4:2

baru pe anso tola hamu marsumpa mangasahon goarKu. Jadi gabe pangidoon ni sandok bangso ma anso Hupasupasu halahi, jana pujion ni halahi ma Au.”

MASMUR 68:26

“Puji ma Debata di tonga-tonga ni parlagutan ni bangsoNa, puji ma Tuhan, o hamu pomparan ni si Jakob sudena!”

JEREMIA 5:2

Haru pe didok halahi, “Marhite Tuhan na mangolu,” tapi marsumpa pargabus do halahi.

JESAYA 65:16

Sanga ise di luat i na mangido pasupasu pangidoonna ma anso Au Debata na setia mamasumasu ia. Sanga ise na marsumpa, marsumpa ma mangasahon goarKu, Debata na setia. Marujung noma sitaonon di hatiha na salpu jana halupahonon.

PANGARATAION 6:13

Habiari ma Tuhan Debatamu jana mangoloi tuSia sajo ma ho jana janjimu pe di bagasan goarNia sajo ma baen.

PAMUNGKAAN 32:28

Didok bayo i, “Nada si Jakob be goarmu. Madung marsiranggut ho mangalo Debata dohot mangalo jolma jana monang do ho; antong si Israel noma goarmu.”

HALUMBAAN 3:9

Ligi ma! Huboan ma tu hamu angka halak sian punguan ni Sibolis, angka na manggoari dirina halak Jahudi, hape nada tutu nian, pargabus do halahi. Baenonku ma halahi marsinggang di jolo ni patmu, jana botoon ni halahi ma na holong do rohangKu mida hamu.

HALUMBAAN 2:9

Huboto do hasusaanmunu; na pogos do hamu – tapi anggo satutuna na mora do hamu! Huboto do angka adu-aduan na nituhaskon ni angka na manggoari dirina halak Jahudi, hape nian nada tutu; parlagutan ni sibolis do halahi!

1 TIMOTEUS 4:2

markite-hite lancap-lancap ni angka na manghobarkon gabus, angka na martihas di taroktokna.

SURAT NI SI PAULUS TU PARLAGUTAN ROM 9:8

Jadi sian i, anggo pomparan ni si Abraham na gabe dakdanak ni Debata, hum pomparannia na sorang hara ni janji ni Debata sajo do; jadi nada sude pomparannia i.

SURAT NI SI PAULUS TU PARLAGUTAN ROM 9:6

Tapi anggo hata ni Debata nada sundat. Angke nada sasude na topak sian Israel, tutu halak Israel.

SURAT NI SI PAULUS TU PARLAGUTAN ROM 2:17

Jadi saonnari, bia noma taringot tu hamu angka halak Jahudi on? Didok hamu, halak Jahudi hamu, na maniop Tona i jana na marjop ni roha di bagasan Debata;

JOHANNES 4:24

Tondi do anggo Debata, jana angka na giot marsomba tu Debata, angkon marsomba di bagasan Tondi dohot hasintongan.”

JOHANNES 1:47

Diida Jesus do si Natanael ro mandapotkon Ia gabe dihatai Jesus ma taringot tuSia. Ninna Jesus ma, “On ma halak Israel na tutu, na so adong lancap disia!”

MATEUS 23:13

“Marjaya ma hamu angka Siboto Surat dohot halak Parise! Angka pangalancap do hamu. Disundati hamu do halak na markagiot gabe rayat di Harajaan Ni Banua Ginjang. Hamu sandiri so ra gabe rayat ni Harajaan i. Muda adong halak na giot masuk tusi, hape dihalang-halangi hamu. [

MALEAKI 3:5

“Ro ma Au mandapotkon hamu laho manguhumi hamu. Manigor lehenonKu ma hasaksian mangalo angka pangajii, angka jolma panggampang na manyaksihon gabus, na mamogo upa ni halak pangomo, na manyosak angka na mabalu, na so marama so marina dohot halak sileban. Mangkuling ma Au laho mangalo sude halak na so pasangapkon Au, ninna Tuhan Na Markuaso i.”

ZEPANYA 1:5

Ias haisonKu sude sanga ise na manaek tu tarup laho manyomba mataniari, bulan dohot angka bintang. AbiskononKu muse dope halahi na manyomba Au jana na marsumpa mandok setia tu Au, hape marsumpa muse halahi mangasahon goar ni Debata Milkom.

JESAYA 62:8

Marhite sumpa Tuhan madung marjanji, hara ni kuasoNia pasti do manjadi: “Nada be panganon ni musumu sian gandummu, halak na asing nada be inumonna anggurmu.

JESAYA 58:2

Dijalahi halahi do Au ganop ari, jana marpor ni roha giot mananda nasa dalanKu. Songon bangso na mangkarejohon na tutu dohot na so maninggalkon aturan ni Debatana disapai halahi do Au taringot tu aturan na tigor, jop do roha ni halahi mangadop tu Debata.

JESAYA 45:23

Hara ni Au sandiri madung marsumpa Au, sian pamanganKu madung ruar hatigoran, i ma hata no so mose. Sude jolma marsinggang ma di jolongKu, jana marjanji burju mangoloi Au.

JESAYA 44:5

Okuon ni halak ma dirina, “Nampuna ni Tuhan do Au,” jana na asing muse mandok dirina marhite goar ni si Jakob, jana na patoluhon manyuratkon di tanganna: “Nampuna ni Tuhan,” jana manggoari dirina marhite goar ni Israel.

JESAYA 26:13

Ale Tuhan Debatanami! Madung bahat na unjung mangarajai hami; tapi hum Ho sajo do sioloannami.

PODA 5:16

Denggan ma he mata aermu marlobian tu duru, songon batang aek di alaman?

MASMUR 66:3

Dok ma tu Debata, “Hahomangan godang do antong pambaenanMu!” Tunduk tu Ho angka musu jabat bajoraon, hara ni godang ni kuasoMu.

MASMUR 63:11

Marjop ni roha ma raja i dibaen dilehen Debata disia hamonangan. Pujion ni halak na marsumpa mangasahon Debata ma ia, tapi anggo pargabus huntamon do pamanganna.

2 RAJA-RAJA 17:34

Lalu tu sadari on laing didalankon halahi do adat hasomalan ni halahi. Nada na marsomba tu Tuhan halahi, jana nada didalankon halahi angka uhum dohot angka parenta na nilehen ni Tuhan tu pomparan ni si Jakob, na nigoaranNia muse si Israel.

PANGARATAION 33:28

Mardame ma ngolu ni pomparan ni si Jakob i, sonang di tano na jogi gandum dohot aek ni anggur marlobi-lobian mangaehi tanona pe ombun na sian langit an.

PANGARATAION 10:20

Habiari hamu ma Tuhan Debatamunu, jana tuSia sajo ma hamu mangoloi. Sai hot ma hamu setia tuSia jana mangasahon goarNia ma baen hamu angka janjimunu.

PANGARATAION 5:28

Di na nibege ni Tuhan taringot tusi, didok Ia ma tu au, ‘Madung hubege sanga aha na nidok ni bangso on, jana tutu do na nidok ni halahini i.

BILANGAN 24:7

Manyimbur same tubu di ladang, ditombur udan, aekna nada hurang. Rajana na sangap, nada adong tudosanna, lopus tu na dao do na dirajaisa.

HAMALIMON 19:12

Ulang janjihon sanga aha pe marhite goarKu, muda so giot patulusonmu janjimi. Au do Tuhan Debatamu.

HARURUAR 23:13

Tangihon hamu ma sanga aha na Hudok tu hamu, Au sandiri Tuhan na mandok tu hamu. Ulang martangiang hamu tu angka debata na asing, hum mandok goarna pe indangkon.”

PAMUNGKAAN 35:10

Didok Debata tusia, “Nada dohonon be si Jakob goarmu, tapi si Israel noma, songon i ma dibaen Debata goarnia si Israel.”

JESAYA 46:12

Tangihon ma Au, ale angka jolma na jogal, angka halak na dao sian hasintongan:

JESAYA 64:6

Halak na hodar do hami sude, salang hadengganannami pe hodar boti dursun muse, songon bulung-bulung na malos diombuskon alogo, hara ni hajahatannami sandiri, hami pe mago.

JEREMIA 44:26

Tapi saonnari tangihon hamu ma sanga aha na Hudok tu hamu, ale halak Israel na di Mesir: Au Tuhan, Husumpahon mangasahon goarKu na godang i bahaso na so loasonKu hamu be mamake goarKu laho mambaen janji bagi aha. Nada tola dokkononmunu, ‘Marsumpa Au mangasahon Debata na mangolu i!’

ZAKARIA 5:3

Jadi didok ia ma tu au, “On ma angka bura na ro maradopkon sude luat; harana marhite hata bura i ganop panangko na adong dison gabe malua ma sian uhuman, jana ganop halak na marsumpa pargabus pe laing malua do sian uhuman.

2 RAJA-RAJA 5:20

marpikir ma si Gehasi pangurupi ni si Elisa i, “Biasi dipaloas ia kehe sajo inda manggarar? Sugari angkon jagiton ni tuanki do nian silehen-lehen ni halak Siria i! Hara ni Tuhan na mangolu i, angkon hukojar bayo i anso adong dapot au sanga na aha sian ia!”

MASMUR 68:27

Ligi ma, indi ma si Benyamin marga siampulan i, mardalan dijolo, ihut angka pamimpin ni Juda sibahat-bahat i. Mardalan ma di pudi ni halahi angka pamimpin ni Zebulon dohot Naftali.

JESAYA 51:1

“Tangihon ma Au, ale hamu na manjalahi hasintongan, ale hamu na manjalahi Tuhan, tatap ma dolok batu na marhite sian ia hamu targorga, jana tu lubang pangkuaran ni batu, na sian i hamu tarhuar.

JESAYA 51:2

Ingot ma ompumu si Abraham dohot si Sara; nada mardakdanak dope si Abraham di na Hupio ia. Jadi Hupasupasu ia jana Hubasa-basahon anak, Hulehen disia pomparan na bahat.

MIKA 2:7

Ulang diambang ho na hona bura ni Tuhan halak Israel. Nada unjung salpu sobar ni Tuhan. Nada ra Ia mambaen na songon i. Nada he burju Ia tu angka jolma na tigor pambaenanna?”