JESAYA 44:7 - BIBEL JAMITA NA DENGGAN

⁷ Ise ma he na songon Au? Suru ma ia mangoku! Padiar ma dipabotohon ia dohot dibuktihon ia tu Au. Ise do na dung maralatan tu hatiha na giot ro sian parmulaan lalu tu ujung ni sude hatiha?

JESAYA 44:7 Referans Kwoze

JESAYA 41:26

Ise sian hamu na paboa alatan sian mulana anso tardok hami, ‘Tutu do i’? Hape nada jungada adong sian hamu na paboa alatanna, sahalak pe nada adong umbege hamu mandok hata.

JESAYA 41:22

Ro ma hamu tuson jana dokkon ma tu hami, aha do na giot tarjadi. Pajojor ma na masa di hatiha na salpu, patorang ma astuanna anso binoto tontu.

JESAYA 45:21

Paboa jana patuduhon ma sidalianmu, olo, padiar ma halahi rap martahi, Ise dehe na paboahon sian na robi, jana mambaritahonsa? Nada he Au, Tuhan? Nada adong na asing, nada adong Debata asing sian Au! Debata na tigor jana Sipalua, nada adong asing sian Au!”

BAENON NI ANGKA RASUL 17:26

Sian sada jolma dibaen Ia ma sude bangso jana disuru Ia halahi mangingani tano on sudena. Laing marguru diSia do sian mulana laho manontuhon sanga andigan hatihana jana olat ni dia batasna halahi tola mangolu.

JESAYA 43:12

Au do na paboahon, paluahon dohot mangkobarkon, jana nada debata na asing na adong di tonga-tongamunu: “Hamu do na gabe saksingKu jana Au do Debata,” songon i ma hata ni Tuhan,

JESAYA 43:9

Marlagut ma hamu sude angka bangso, suru ma sandok marga marsuo. Ise ma sian halahi na tarbaen maralatan tu na giot ro? Ise na dung mangalatkon hian na masa saonnari on? Anso dibege angka saksi ni halahi, jana dokkononna tutu do songon i.”

JESAYA 41:4

Ise do na mambaen dohot mangkarejohon i sudena? Au Tuhan, na parjolo, na sian parmulaan mamio bangkit angka pomparan, jana tu na giot ro Au tongtong rap dohot halahi.

PANGARATAION 32:8

Ditontuhon Ia batas di ganup bangso, dibagi do i hombar tu torop ni bangso Israel.

JESAYA 41:23

Paboa ma sanga aha na giot masa, anso hami boto na tutu ho debata. Baen ma jolo sada na marguna sanga na mambaen susa, anso mabiar hami jana homang roha.

JESAYA 19:12

O ale raja ni Mesir, dia ma he panuturi ni raja angka na malo-malo i? Betak na diboto halahi do antong sangkap ni Tuhan Na Markuaso i salaho tu Mesir.