JESAYA 44:4 - BIBEL JAMITA NA DENGGAN

⁴ Martumbur halahi mangaloyok songon duhut di lambung ni aek, songon bona ni ampolu di topi ni batang aek.

JESAYA 44:4 Referans Kwoze

JESAYA 58:11

Sai na toguon ni Tuhan do hamu jana angkon pasombuonNa rohamunu di tano na gariang. Sai parata-rataonNa do gogomunu anso tongtong horas torkis hamu. Gabe songon kobun ma hamu na tuk aekna, sanga mualna nada jungada mate.

MASMUR 1:3

Tarsongon hayu na di topi ni batang aek do ia, na marbatu di hatihana, boti pe nada jungada malos bulungna, mardohar do halahi di na nikarejohonna.

JEHESKIEL 17:5

Dung i dibuat ia ma sada bona ni suan-suanan na poso sian tano Israel jana disuan ia ma i di tano na napu na so unjung hurang aekna.

BAENON NI ANGKA RASUL 4:4

Tapi anggo angka na dung umbege pangajaran ni angka rasul i, bahat do na porsaya. Gabe martamba ma bilangan ni halahi jabat adong hira-hira lima ribu halak.

BAENON NI ANGKA RASUL 5:14

Jana mur honok mur bahat do na porsaya tu Tuhan i – halaklahi bope dadaboru.

JESAYA 61:11

Songon same na nisabur tubu ma i jana gabe suan-suanan, songon i ma Tuhan Debata paluahon bangsoNia jana sandok bangso ma giot mamuji Ia.”

HAMALIMON 23:40

Di ari parjolo i ma ho mambuat parbatu ni suan-suananmu, buat muse ma angka bulung ni harambir dohot bulung sian dangka na rimbun, dung i mamungka ma pesta parayaan ugamo i laho pasangapkon Tuhan Debatamu.

JOB 40:22

Dilinggomi halinu ni tada-tada i ma ia. Bona ni ampolu na di topi batang aek parsilaunganannia.

JOB 5:25

Pomparanmu so habilangan, sabahat ni ruput na di padangan.

JESAYA 48:19

Angke pomparanmu angkon songon horsik, jana turunanmu songon horsik bahatna; goar ni halahi nada diagohon sanga diparsoada sian jolongKu.”