JESAYA 42:11 - BIBEL JAMITA NA DENGGAN

¹¹ Puji ma Debata, ale parhorsihan dohot angka kota, pujion ni halak Kedar ma nian goarNia. Sian puncut ni dolok, na mangingani kota Sela marsurak marolop-olop marjop ni roha.

JESAYA 42:11 Referans Kwoze

JESAYA 32:16

Di padang parhorsihan pe marlaku ma hasintongan, di kobun pe marlaku ma hatigoran.

JESAYA 60:7

Hambeng biri-biri ni Nebayot dohot Kedar dioban tu ho baen tutungon di langgatan gabe ibadatMu. Jadi gabe jop ma roha ni Tuhan. BagasNia mur tu jagarna.

NAHUM 1:15

Ligi da, ro do sada suruan mamolus sian angka dolok, maroban jamita na denggan, barita hamonangan. Ale bangso Juda, pestahon ma ari pestamu jana haulkon ma haulmu tu Debata. Nada rajaan ni parjahat be tanomu. Ma pola sude halahi diabiskon.

JESAYA 52:7

Dengganna i antong haroro ni sioban barita, mamolus angka dolok ia mardalan. Dioban ia barita na denggan dohot barita haluaan, ning ia, “O Sion, Debatamu do Raja!”

JESAYA 35:6

Marhujingjang ma halak na lumpuon songon ursa, marsurak ma halak na ngungu marjop ni roha. Di padang parhorsihan ruar ma mual ni aek, di padang halongonan mardalan ma batang aek.

JESAYA 21:16

Dung i didok Tuhan ma tu au, “Tumbuk sataon nari, marujung noma habonggalan ni angka marga ni Kedar.

JESAYA 16:1

Sian kota Sela na di parhorsihan, ditongos halak Moab ma anak ni biri-biri na gabe silehen-lehen ni halahi tu angka na markuaso di Jerusalem.

MASMUR 120:5

Marjaya ma au on hara ni na rap au dohot hamu; nada imbarna songon na maringanan di Mesek, sanga di tonga-tonga ni halak Kedar.

PAMUNGKAAN 25:23

Didok Tuhan ma tusia, “Adong dua bangso di bagasan bortianmu; tubuhononmu ma dua bangso na marsialoan; gumogo do sianggian i sian angkangna oloan ni siangkaan i ma siampulan i.”

JEREMIA 49:16

Hona tipu ma ho baenon ni gakgakmu. Nada adong na mabiar mida ho songon na niambang ni rohamu. Maringanan di rigang ni batu ma ho, dao di puncut ni dolok an; tapi haru dibaen ho pe bagasmu di inganan na gincat situtu, sagincat ni asar ni unggas rajawali, paijuron ni Tuhan do ho sian i. Tuhan do mandokkon i sudena.”

JEREMIA 48:28

Hamu halak Moab, tadingkon hamu ma angka kotamunu jana maringanan di angka dolok batu ma hamu songon unggas darapati na mambaen asarna di sapsap bire.

JEREMIA 21:13

Satutuna gabe alomu ma Au, o kota na di ginjang ni rura, dolok batu di adaran; Au Tuhan mandok songon i, o hamu na mandok: Ise ma he na puluk ro tu hami jana ise ma he na puluk masuk tu inganannami?

JESAYA 43:19

Ligi ma, giot baenonKu ma sada pangalaho na imbaru, saonnari mamungka ma tarida, madung he diboto ho? Na giot baenonKu ma dalan di halongonan, mardalan ma angka aek godang di padang na bidang.

JESAYA 35:1

Parhorsihan dohot padang na mahiang marjop ni roha, padang na lungun marsurak-surak jana marbunga ma.

OBAJA 1:3

Maoto ma ho baenon ni rohamu na gutgut i. Benteng na togu do nian kota sabunganmu; ingananmu pe di puncu ni dolok na gincat do. Hara ni i gabe marpikir ma ho, ‘Ise ma he na bisa mandabuhon Au?’

JESAYA 40:3

Adong ma halak na marsurak pio-pio, “Hobasi ma di halongonan dalan ni Tuhan. Baen hamu ma di halongonan dalan godang di Debatanta.

JESAYA 12:5

Marende ma hamu di Tuhan, angke antong bahat do dibaen Ia hahomangan. Anso sude na satano on umbege taringot tu pambaenanNia.

JEREMIA 49:31

‘Beta ma maju! Tole ma taroro angka jolma na mandok aman dirina jana sonang. Nada adong ambat-ambat ni kota ni halahi, angke nada adong horbanganna jana goruk-gorukna pe nada adong.’ ”

JEHESKIEL 27:21

Halak Arab dohot na mangarajai tano Kedar, ditobusi do barang-barangmu dohot anak ni biri-biri, biri-biri jantan dohot hambeng.