JESAYA 41:4 - BIBEL JAMITA NA DENGGAN

⁴ Ise do na mambaen dohot mangkarejohon i sudena? Au Tuhan, na parjolo, na sian parmulaan mamio bangkit angka pomparan, jana tu na giot ro Au tongtong rap dohot halahi.

JESAYA 41:4 Referans Kwoze

HALUMBAAN 22:13

Au do Alpa dohot Omega, Na Parjolo dohot Na Parpudi, Bonana dohot Ujungna.”

JESAYA 48:12

“Ale Israel, ho ma bangso na Hupiohon, Au Debatamu, Au do na parjolo dohot na parpudi.

HALUMBAAN 1:17

Di na mangaligi au tuSia, tungkap ma au tu joloNia songon halak na dung mate. Tapi dibaen Ia ma tu au tangan siamunNia didok Ia ma, “Ulang ho mabiar! Au do Na Parjolo dohot Na Parpudi.

JESAYA 41:26

Ise sian hamu na paboa alatan sian mulana anso tardok hami, ‘Tutu do i’? Hape nada jungada adong sian hamu na paboa alatanna, sahalak pe nada adong umbege hamu mandok hata.

JESAYA 46:10

Sian mulana madung Hupajojor, sian najolo Hubaen alatan tu na giot ro. Hudok do, “Nada tarambati anggo sangkapKu, pasti tulus hagiotKu.

JESAYA 43:10

Hamu do angka saksingKu, ninna Tuhan. Hutodo ho gabe naposongKu, anso ditanda ho Au jana porsaya tu Au, jana na mangastui, bahaso Au do Tuhan. Sasada Au do da Debata, anggo Debata na asing nada unjung i adong, jana indangkan na adong i.

BAENON NI ANGKA RASUL 17:26

Sian sada jolma dibaen Ia ma sude bangso jana disuru Ia halahi mangingani tano on sudena. Laing marguru diSia do sian mulana laho manontuhon sanga andigan hatihana jana olat ni dia batasna halahi tola mangolu.

HALUMBAAN 1:8

“Au do na parjolo dohot na parpudi,” ninna Tuhan Debata, na adong, na dung adong, jana na giot ro, Parkuaso Na Sumurung i.

JESAYA 42:24

Ise do pasahatkon Israel tu na mangarampassa? Tuhan sandiri do, tuSia do hita mardosa. Nada marguru tu parentaNia pardalan ni ngolunta, jana nada taihutkon pangajaranNia.

HALUMBAAN 2:8

“Tu surusuruan ni parlagutan na di Smirna, songon on ma suratkon: On ma na nidok ni Na Parjolo dohot Na Parpudi – i ma na dung mate jana na mulak mangolu i.

HALUMBAAN 1:11

Didok sora i do, “Suratkon ma sanga aha na niidamu jana tongoskon ma buku i tu parlagutan na pitu on: Epesus, Smirna, Pergamus, Tiatira, Sardis, Piladelpia dohot Laodikea.”

JESAYA 40:12

Ise ma he tarbaen marsuhat laut dohot tanganna, sanga mangukur langit dohot jari-jarina? Ise ma he tarbaen papungu tano ni portibi di bagasan sambong, sanga manimbang borat ni dolok dohot kiloan?

BAENON NI ANGKA RASUL 15:18

na dung paboahon pangalaho i sian na jolo.”

MATEUS 28:20

Laing ajari hamu ma halahi anso burju mangoloi sude na Huparentahon tu hamu. Botoonmunu ma. Au ma tongtong rap dohot hamu lopus tu hasidungan ni tano on.”

MATEUS 1:23

“Denggan ma pamatang ni sada bujing-bujing, sorang ma sian ia sada anak halaklahi. Digoari ma Dakdanak i Immanuel.” (Di hata Ibrani, Immanuel astuanna “Debata do rap dohot hita”.)

JESAYA 40:26

Tatap ma tu langit i, ise dehe na mambaen bintang? Diatur Ia do sudena i songon parangan, diboto Ia do sanga sadia sude bahat ni bilanganna, jana ganop be do i dipio Ia marguru tu goarna. Hara ni godangna kuasoNia, sada pe nada adong i na jabat mago so haidaan.

PANGARATAION 32:39

Tapi songon i pe Au, Au sandiri do na tutu Debata; asing sian Au nada adong be Debata. Au do na mamunu, dohot na pangoluhon mambugangi dohot na pamalumkon. Muda jabat do Hubaen pangalaho sanga na aha sahalak pe nada tarbaen mangalosa.

MASMUR 102:27

Tapi anggo Ho laing hot do tongtong nada maruba, manongtong do ngoluMu nada marhaujungan.

JESAYA 41:3

Dikojar ia halahi jana malua do ia; dibolus ia do dalan na so jungada nibolus ni patna.

JESAYA 43:13

“Satorusna Au do tongtong Debata, jana nada adong na bisa paluahon sian tanganKu. Au na mambaenna, ise ma he na bisa manyundati?”

MASMUR 102:28

Sonang so haribo-riboan ma ngolu ni angka dakdanak ni naposoMon, jana anak dohot pahompu ni halahi sai tongtong adong di adopanMu.

JESAYA 41:20

Idaon ni halak ma i jana botoonna, bahaso Au Tuhan, Au do na mambaensa. Jadi astuan ni halahi ma i, Debata Na Badia ni Israel do na mambaen i tarjadi.”