JESAYA 4:3 - BIBEL JAMITA NA DENGGAN

³ Ganop halak na tading di Sion jana pasipasi ni Jerusalem angkon digoari na badia, i ma ganop halak na di Jerusalem na nitodo manjagit haluaan.

JESAYA 4:3 Referans Kwoze

LUKAS 10:20

Haru pe songon i, ulang marjop ni roha hamu hara ni na nioloan ni angka tondi na jahat hamu, tapi gumonan ma marjop ni roha hamu hara ni na dung tarsurat goarmunu di banua ginjang.”

HALUMBAAN 21:27

Tapi sanga ise halak na mangkarejohon angka pangalaho sihailahononkon, dohot angka pargabus, nada dipatola masuk tu bagasan – pendekna sandok na hodar, nada tola dioban masuk tu bagasan. Anggo na dipatola masuk tu bagasan, hum angka halak na tarsurat do goarna di bagasan buku hangoluan ni Anak Ni Biri-biri i.

JESAYA 60:21

Tigor noma angka na mangingani ho di tindakanna, jana halahi nampuna luat i salolot-lolotna. Songon hayu cangkokan na Husuan sandiri do halahi, anso torang tarida hagodanganKu.

JESAYA 52:1

Jonggor ma, jonggor ma! Pake ma gogomu songon pakean ale Sion, pake ma pakean hamuliaonmi, ale Jerusalem kota na badia! Harana umpe sahalak na so disunat sanga na hodar nangkon masuk be tu ho.

MASMUR 69:28

Sugari nisesa noma gumonan goar ni halahi sian buku ni halak na mangolu, indangkon sai disuratkon be i di panyuratan ni goar-goar ni halak na tigor.

HALUMBAAN 20:15

Sanga ise halak na so adong goarna tarsurat di bagasan buku hangoluan i, diambungkon ma tu bagasan laut api i.

HALUMBAAN 17:8

Anggo binatang na dung niidami madung adong do i, tapi nada adong, na giot manaek ma ia sian rura hamatean anso kehe ma ia tu hamagoan. Jadi homang ma roha ni angka na maringanan di tano on, i ma angka na so tarsurat goarna di buku hangoluan sian mula-mula ni hasiangan on, muda diida halahi binatang i na dung adong, tapi nada adong, jana na giot ro muse.

HALUMBAAN 13:8

Sombaon ni sude jolma na mangolu di ginjang tano on ma binatang i, i ma angka halak na so tarsurat goarna di buku hangoluan ni Anak Ni Biri-biri na dung disambol i, mamungka sian panompaon ni portibi on.

HALUMBAAN 3:5

Angke pakean na songon i ma bontarna na giot pakeon ni angka halak na monang. Nada sesaonKu be goar ni halahi sian buku hangoluan, tapi okuonKu ma halahi di adopan ni Damang dohot di adopan ni angka surusuruanNia paboa na Au nampuna halahi.

IBRANI 12:14

Usahahon hamu ma anso mardame-dame hamu tu sude halak jana manggogo ma hamu anso hum di Tuhan ngolumunu, harana sahalak pe nada adong na tarbaen mida Tuhan anggo inda songon i pardalan ni ngoluna.

KOLOSSE 3:12

Antong hamu angka na dung dipuldit ni Debata, na diparbadia i jana na dihaholonginNia, pake hamu ma ibo ni roha, habasaron, toruk ni roha, lambok ni roha dohot hapohomon.

PILIPPI 4:3

Laing hupangido dope tu ho, donganku na bonar roha i sai urupi ma halahi, na dung marporang rap dohot au hara ni Jamita Na Denggan i rap dohot si Klemen dohot donganku saparkarejoan na asing i, na tarsurat do goar ni halahi di buku hangoluan i.

SURAT NI SI PAULUS TU PARLAGUTAN ROM 11:5

Laing songon i ma saonnari dihatiha on, adong do na gabe teba-teba mangihutkon pamilion ni asi ni roha.

JEHESKIEL 43:12

On ma tanda hasurungan ni Bagas Na Badia: Sude tano na humaliang i na di puncu ni dolok i, na sun do badiana.”

1 PETRUS 2:9

Tapi anggo hamu, bangso na Hupili do hamu, angka harajaan hamalimon, bangso na badia, bangso hapunjungan ni Debata. Ia do na mamiohon hamu haruar sian hagolapan anso masuk tu bagasan sinondangNia na tumorang i, anso pararatonmunu barita taringot tu angka pambaenanNia na godang i.

EPESUS 1:4

Dompak so dijadihon dope portibi on, madung ditodo Debata hian hita markite-hite Kristus anso gabe Debata sandiri nampuna hita jana na so martihas di adopanNia. Hara ni holong ni roha ni Debata,

BAENON NI ANGKA RASUL 13:48

Dung dibege angka bangso na asing na so Jahudi i hata ni halahi i, jop ma roha ni halahi, dipapuji-puji halahi ma hata ni Tuhan i. Gabe porsaya ma angka halak na nitontuhon ni Debata laho manjagit ngolu na so mantak i.

JEHESKIEL 13:9

UhumanKu ma hamu, ale angka panurirang na pajojorkon alatan gabus dohot na marnipihon angka parnidaan! Na so tola be hamu dohot mambaen haputusan di bagasan angka sidang ni bangsongKu, sesaon noma angka goarmunu sian rayat ni Israel, jana nada mulak be hamu tu bona bulumunu. Jadi gabe botoonmunu ma bahaso Au do Tuhan Debata.’

JESAYA 1:27

PaluaonKu ma Sion di bagasan hatigoran, dohot halak na paubahon rohana.

SURAT NI SI PAULUS TU PARLAGUTAN ROM 11:4

Tapi bia do alus ni Debata tusia? “Hutinggalkon dope pitu ribu halak di Au, na so unjung marsomba tu Baal.”

MASMUR 87:6

Dietong Tuhan do angka bangso di hatiha manyuratkon, “On ma na disorangkon disi.”

JESAYA 28:5

Di hatiha i Tuhan Na Markuaso i noma na gabe bunga na jeges di bangsoNia na teba i.

JESAYA 35:8

Gabe adong ma disi dalan godang, goarna “Dalan na tu hangoluan.” Nada boluson ni pardosa sian i, na bodo nada ihutkononna sian i.

JESAYA 46:3

Ale pomparan ni si Jakob, tangihon ma Au, hamu sude na malua sian tonga-tonga ni bangsongKu. Mamungka sian bortian, Hutuhuk hamu; mamungka sorang, Huhunti hamu.

JESAYA 62:12

Goaron ma halahi: ‘Bangso Ni Debata’, ‘Bangso Na Nipalua ni Tuhan’. Goaron ma Jerusalem ‘Kota na nihalungunan’, ‘Kota na so nitadingkon ni Tuhan’.

JOEL 3:17

“Ale Israel, saonnari botoonmunu, Au do Tuhan Debatamunu. Di Sion do Au maringanan i ma dolokKu Na Badia i. Gabe kota na badia noma Jerusalem, nada be taluhonon ni halak na asing kota i.

OBAJA 1:17

“Hape anggo di Dolok Sion, laing adong do na malua, jana gabe inganan hapunjunganKu ma dolok i. Jadi mulak ma pomparan ni si Jakob gabe tano pusako ni halahi ma i.

MALEAKI 3:16

Jadi marsipandohonan ma angka halak na manghabiari Tuhan i na sada tu donganna. Dibege jana diparrohahon Tuhan do sanga aha na nihataan ni halahi i. Disuratkon do angka goar-goar ni na pasangapkon Tuhan dohot na mabiar mida Ia, di bagasan sada buku panyuratan na adong di joloNia.

JESAYA 6:13

Salang sugari adong saparsampulu halak nari sian bangso na tading di luat i, i pe angkon dimatehon. Angkon songon hayu baringin na di taba halahi, hum tungkona noma tinggal. Sian tungko i ma muse ruar tunas, na badia.”

ZAKARIA 14:2

Palaguton ni Tuhan ma sandok bangso laho mamorangi Jerusalem. Taluhononna ma kota i, jana dirampasi angka bagasna i, jana angka dadaboru na disi paksaonna marmainan. Satonga sian halak kota i obanonna tu habuangan, tapi anggo na asing i tading do di kota i.