JESAYA 39:3 - BIBEL JAMITA NA DENGGAN

³ Dung i ro ma Panurirang Jesaya mangadop tu Raja Hiskia lalu marsapa, “Isi ni dia dehe angka halak on? Aha didok halahi?” Dialusi si Hiskia ma, “Sian sihadaoan do halahi, sian Babel.”

JESAYA 39:3 Referans Kwoze

PANGARATAION 28:49

Paroon ni Tuhan ma sada bangso na so mangarti ho hatana, sian ujung ni tano on laho mangalo ho. Songon rajawali do halahi manyoro ho.

JEREMIA 5:15

O hamu halak Israel, madung diparo Tuhan sada bangso sian na dao laho mamorangi hamu. Na dung adong hian do bangso i sian narobi ni narobi, nada diboto hamu hata ni halahi. Sun do gogo ni halahi,

2 JUJUR TAON 16:7

Di hatiha i, ro ma Panurirang Hanani mandapotkon Raja Asa jana didok ia ma, “Dibaen na marpangunsandean tu raja ni Siria do ho, jana nada tu Tuhan Debatamu, jadi mago ma hatiha hadenggananna di ho laho manaluhon tentara ni Siria.

2 SAMUEL 12:1

Dung i disuru Tuhan ma Panurirang Natan tu si Daud. Didapotkon si Natan ma ia jana didok ma, “Adong ma dua halak na maringanan di sada kota; na sada halak na kayo, na sada nari na pogos.

JESAYA 38:5

“Kehe ma ho jana dok ma tu si Hiskia: Songon on do hata ni Tuhan, Debata ni si Daud, ompumunu i: Madung Hubege tangiangmu jana Huida ilu ni matamu. Sapetona paginjangonKu dope ngolumu lima bolas taon nari.

JESAYA 38:1

Laing di hatiha i muse, marnyae ma si Hiskia jana jabat do giot marujung. Ro ma Panurirang Jesaya anak ni si Amos mandapotkon ia jana didok ia ma, “Lehen ma tonamu na parpudi tu keluargamu, harana mate noma ho, nada malum be ho. Nada sadia honok nari, marujung ma ngolu ni raja i.”

2 JUJUR TAON 25:15

Pambaenannia i ma na mambaen muruk Tuhan. Disuru Ia ma sada panurirang mandapotkon si Amasia. Didok panurirang i ma, “Biasi marsomba raja i tu debata na asing na so bolas paluahon bangsona sandiri sian kuaso ni raja i?”

JOSUA 9:9

Jadi dicaritohon halahi ma tu si Josua songon on, “Na sian luat na dao situtu do hami ro, tuan, dibaen madung hami bege taringot tu Tuhan Debata na nisombamunu tuannami. Madung hami bege taringot tu sude na nibaenNia di Mesir.

JOSUA 9:6

Songon i ma halahi kehe tu parbandaran na di Gilgal jana didok halahi ma tu si Josua dohot tu angka halak Israel, “Sian luat sihadaoan do hami ro jana na giot mambaen parjanjian do hami dohot hamu.”

2 JUJUR TAON 19:2

ro ma sada halak panurirang na margoar si Jehu anak ni si Hanani mangadop tu raja i. Didok panurirang i ma tusia, “Patut ma he raja i mamihak tu halak na jahat jana mamihak tu halak na manghagigihon Tuhan? Muruk do Tuhan tu raja i patunda ni parbuatan ni raja i.

JESAYA 39:4

“Aha na niligi ni halahi di bagas godang?” ning si Jesaya muse manyapai. “Sasudena,” ning si Hiskia mangalusi. “Sada pe nada adong be na di bagasan bagas godang on na so hupatidahon tu halahi.”

JEREMIA 4:16

Laho paingotkon angka bangso do haroro ni halahi dohot paboahon tu halak Jerusalem na dung ro musu sian luat na dao. Marsurak-surak ma halahi mandok hata ni porang maradopkon angka kota ni Juda,

JEREMIA 8:19

Tangihon! Marsaringar sude luat on parngiar ni bangsongku na tangis manyapai, “Na so di Sion be ulaning Tuhan i? Di dia do ulaning Rajana i saonnari?” Dialusi Tuhan, Raja ni halahi, “Biasi marsomba ho tu angka debata na so adong sanga aha gunana? Biasi dipahancit ho rohangKu marhite na marsomba angka gana-ganaan?”