JESAYA 34:5 - BIBEL JAMITA NA DENGGAN

⁵ Madung mangamuk podangKu di langit, jana saonnari honaan ni podang i ma bangso Edom na hona uhum i jana abiskonon noma i.

JESAYA 34:5 Referans Kwoze

JEREMIA 46:10

On ma ari ni Tuhan Debata Na Markuaso i; anggo di ari on mambaen pamaloson ma Tuhan Debata Na Markuaso i tu sude angka musuNia. Panganon ni podangNia ma halahi lopus butong, jana inumonna mudar ni halahi lopus sombu. Di ari on disambol ma angka haul di Utara di topi ni Batang aek Efrat i.

MALEAKI 1:4

Sugari rupani didok halak Edom pomparan ni si Esau i, “Madung dironcohon angka hutanami, tapi bangunonnami ma i mangulahi,” jadi alusan ni Tuhan Na Markuaso i ma, “Haru pe dibangun halahi mangulahi, rumpakkononKu do i muse. Goaron ni halak ma halahi ‘Tano na durako’ dohot ‘Bangso na nimuruhan ni Tuhan sapanjangna.’ ”

JESAYA 63:1

“Ise dehe na ro sian Edom adu? Na ro sian Bosra marbaju na rara, tongam do pakeannia, na mangalangka songon na marsahala? Au do na manjanjihon hasintongan dohot na markuaso paluahon!” “Au ma da on, Tuhan na margogo paluahon, ro Au maroban barita hamonangan.”

MATEUS 25:41

Dung i didok Raja i ma tu halak na di siambirangNia i, ‘Morot ma hamu sian on, hamu angka na hona bura! Masuk ma hamu tu api na so ra mintop na niparade di Sibolis dohot di angka surusuruanna!

ZEPANYA 2:12

Pangisi ni Etiopia pe mate noma uhuman ni Tuhan.

JEREMIA 47:6

Marsurak hamu, ‘Sadia honok nari ho ale podang ni Tuhan sai manyaroso? Mulak ma da ho tu sarungmu jana disi ma ho sonang!’

JESAYA 24:6

I ma dalanna umbaen diburai tano on jana diuhumi pangisina hara ni pangalaho ni halahi. Dipurun ma halahi jana hum saotik nari noma sian halahi na malua.

MASMUR 137:7

Ale Tuhan, ingot ma pambaenan ni halak Edom, dompak na ro halahi manaban Jerusalem. Sai marpupu didok halahi, “Unggalkon ma lalu tu ojahanna i!”

MASMUR 17:13

Jongjong ma Ho Tuhan, alo jana taluhon ma musungku, palua au sian parjahat hara ni podangMu.

PANGARATAION 32:14

Dumenggan pahan-pahananna boti bahat susuna; gandum dohot aek ni anggur, i noma na dumengganna.

HALUMBAAN 1:16

Ditiop tangan siamunna i ma pitu bintang jana ruar ma sada podang na tajom sidua baba sian pamanganNa i. BohiNa i torang songon sinondang ni mataniari di hatiha hamilasanna.

2 PETRUS 2:14

Angke na so marnaloja do halahi mambaen dosa, jana mangaligi dadaboru ma giot ni halahi dohot mata na sai giot markamainan. Jana sanga ise na gale haporsayaanna, hona jorgong ma i baenon ni halahi. Madung somal roha ni halahi di angka hagiot na so denggan. Angka jolma na hona bura do halahi!

GALATIA 3:10

Sanga ise halak na marguru tu Tona, na mangolu di toru ni bura do halahi sudena. Angke tarsurat do di Buku Na Badia i, “Sanga ise na so burju mandalankon sasudena parenta na tarsurat di Tona i, buraan ni Debata ma halakna i!”

1 KORINTUS 16:22

Sanga ise na so manghaholongi Tuhan Jesus, padiar ma diuhumi Debata ia. Maranatha – sigop ma Ho ro, Tuhan!

JESAYA 43:28

Patunda ni i pahodaronKu noma angka malim di BagasKu, jana Israel pasahatonKu anso dipabile jana diabiskon.”

JESAYA 65:12

Mate hona bunu do hamu, angke di na Hupio, nada mangalusi hamu, jana dompak manghatai Au nada ditangihon hamu. Tumabo do dihilala hamu mangalo tu Au dohot mambaen na jahat.

JEHESKIEL 32:29

Edom pe disi do dohot sude raja maradu angka parkuasona. Anggo najolo angka parajurit na gogo do halahi, hape anggo saonnari modom do halahi di inganan ni jolma na mate rap dohot jolma na so mananda Debata dohot na mate di bagasan parporangan.

JEHESKIEL 35:1

Didok Tuhan ma tu au,

JEHESKIEL 35:8

TutuponKu ma angka dolok dohot angka bangkemu, tor dohot rura gohanKu dohot na mate dipangan porang.

JEHESKIEL 35:15

Laing songon sonang ni rohamunu taran diida hamu Israel artangKi gabe mangalungun. Angka Dolok Seir, lalu sude tehe tano Edom, mamolngit noma i. Jadi gabe botoon ni sude jolma ma Au do Tuhan.’ ”

JESAYA 21:11

Songon on ma alatan taringot tu Edom: Adong ma halak na pio-pio tu au sian Edom, “O panjago, lolot dope borngin on? Piga jom nari anso torang ari?”

JEHESKIEL 36:5

hara ni i songon on ma didok Tuhan Debata: Di bagasan piar-piar ni murukKu do Au mangalo angka bangso, jana mangalo sude halak Edom, na manontuhon tanongKu gabe nampunania di bagasan jop ni roha dohot incak-incak, ujungna nampunania noma tanongKu jana abis dirampas.

ZEPANYA 1:7

Mian ma hamu di jolo ni Tuhan Debata! Angke madung donok ari ni Tuhan. Tutu madung dipasingkop Tuhan sihaulkonon i jana madung diparbadiai angka na diontangNia i.