JESAYA 34:3 - BIBEL JAMITA NA DENGGAN

³ Nada kuburkonon angka bangke ni halahi tapi padiaron do i marbusuhan jana bau. Marrara ma angka dolok hara ni na marlapu mudar.

JESAYA 34:3 Referans Kwoze

JOEL 2:20

PaorotonKu ma parangan ni siapor na sian Utara, tu padang parhorsihan Huayak deba. Tu Laut Hamatean Husosak barisan parjolona, tu Laut Tonga Huonjar parpudina. Muap bau angka bangkena, Hara ni na mamparkanciti hamu, Humatehon i sudena.

JEHESKIEL 39:4

Mate ma si Gog rap dohot angka tentara maradu sude na mandongani ia di ginjang ni angka dolok ni Israel, jana lehenonKu ma angka bangke ni halahi i tu sandok unggas dohot binatang panyoro anso dipapangani.

JESAYA 34:7

Marmatean ma angka jolma songon lombu riar dohot lombu jara-jara. Marrara ma tano hara ni mudar jana ditutupi tabo-tabo.

HALUMBAAN 14:20

Di balian ni kota do digiling angka anggur i jana mardalan ma mudar na doras sian panggilingan i tolu ratus kilometer daona jana dua meter bagasna.

AMOS 4:10

Hutongos tu hamu nyae masa songon na hutongos tu Mesir. Humatehon angka doli-dolimunu di bagasan parporangan, jana hurampas angka kudomu. Hugohi inganan ni bandarmunu dohot bangke na manyusuk bauna tu igung. Haru songon i pe, laing nada mulak hamu tu Au.

JEHESKIEL 39:11

Didok Tuhan ma: “Muda tarjadi sudena i, lehenonKu ma tano kuburan tu si Gog di tano Israel. Di Rura Panariparan na di Habincaran ni Laut Mate. Disi ma kuburkonon si Gog dohot angka tentarana i, jana baenon ma goar ni rura i, ‘Rura Ni Parangan ni si Gog.’

JEHESKIEL 38:22

UhumanKu ma ia dohot nyae masa dohot mudar na durus. DuruskononKu ma udan potir dohot ambolas, api dohot barerang tusia dohot tentarania dohot tu angka bangso na marsada dohot ia.

JEHESKIEL 35:6

Jadi hara ni i, mangasahon Au Na Mangolu, ninna Tuhan Debata, hamatean do bagianmu, jana nada tarbaen hamu malua sian i. Madung didalankon hamu na mamunu jolma, gabe ayak-ayakon ni pamunuon i ma hamu.

JEHESKIEL 14:19

Bolas jadi Huparo nyae masa tu luat i, jana palalu hosom au tu halahi lopus abis jolma sanga pahan-pahanan.

JEREMIA 22:19

Saraton ma si Joyakim jana sampakkononna tu balian ni pintu horbangan ni Jerusalem songon na nibaen ni halak tu bangke ni halode.”

JESAYA 10:4

Mate di bagasan porang sajo ma bagianmunu, sanga disarat-sarat songon halak na tartaban. Tapi laing na muruk dope Tuhan jana sai giot manguhumi.

JESAYA 66:24

Laho kehe, idaon ni halahi ma angka bangke marserak; i ma angka halak na mangalo tu Au. Binga na mamangani bangke ni halahi i, inda na ra mate, jana api na manutung halahi i nada ra mintop; pamandangan na jorbut ma i di sude jolma.”

JEREMIA 25:33

Anggo di ari i marpayahan ma angka bangke ni jolma na nimatehon ni Tuhan di sude sisik ni tano on. Nada nitangisan halahi, nada dioban muse laho mananomsa, tapi dipadiar do i di tano i sajo songon parpunguan ni rompak.

NAHUM 3:3

Ro ma parangan na markudo manyaroso, marjilam-jilam angka podangna jana marlinang-linang. Nada taretong bahat ni jolma na mate, marsidondonan angka bangke, mambaen jolma tartuktuk be.

JEHESKIEL 32:4

OmpaskononKu ma ho tu tano jana suruonKu ma sude unggas maradu angka binatang sian tano on sudena mamangani ho.