JESAYA 34:1 - BIBEL JAMITA NA DENGGAN

¹ Ro ma hamu angka bangso marlagut, jana tangihon hamu ma. Marroan ma na satano on dohot sandok na mangolu di bagasanna manangihon.

JESAYA 34:1 Referans Kwoze

1 KORINTUS 10:26

Angke tarsurat do di Buku Na Badia i, “Tuhan do nampuna tano on dohot sude isina.”

JESAYA 43:9

Marlagut ma hamu sude angka bangso, suru ma sandok marga marsuo. Ise ma sian halahi na tarbaen maralatan tu na giot ro? Ise na dung mangalatkon hian na masa saonnari on? Anso dibege angka saksi ni halahi, jana dokkononna tutu do songon i.”

JESAYA 41:1

“Hohom ma hamu jana tangihon ma Au, ale angka pulo-pulo, sai mandapot gogo na imbaru ma angka bangso, padiar ma mandonok halahi jana mangkobari, marsidang ma hita laho marparkaro.

JESAYA 1:2

Didok Tuhan ma, “O, langit dohot tano tangihon ma na Hudok! Angka dakdanak na Hupature-ture mangalo do tu Au.

JEREMIA 22:29

O ale luatku, tangihon ma sanga aha na nidok ni Tuhan,

JESAYA 33:13

Padiar ma sude halak na dao dohot na donok mambege taringot tu pambaenanKu jana mangokui kuasongKu.”

PANGARATAION 32:1

“Tangihon, o langit, giot mangkuling au, o tano, patinggil ma pinggolmu!

HALUMBAAN 2:7

Ditangihon na marpinggol i ma na nidok ni Tondi i tu angka parlagutan i. Di na monang i do lehenonKu mangankon parbatu ni hayu hangoluan, na di Pirdaus.”

JESAYA 49:1

Tangihon ma au, ale angka pulo, parrohahon ma, ale angka bangso na dao! Hatiha sian bortian dope madung dipio Tuhan madung didok goarku hatiha dibortian ni dainang.

JESAYA 18:3

Hamu sude angka na maringanan di tano on! Parrohahon hamu ma muda dung dipanaek mandera di puncut ni angka dolok! Tangihon hamu ma muda dipalu sarune!

MASMUR 96:10

Baritahon ma tu angka bangso, “Raja do Tuhan! Togu do portibi nada tarhutur, diuhumi Ia angka bangso marhite hatigoran.”

MASMUR 50:1

Mangkuling ma Tuhan, Debata Na Markuaso i; pio-pio ma Ia tu sude portibion sian Habincaran lopus tu Hasundutan.

MASMUR 24:1

Tuhan do nampuna tano dohot pangisina, portibi dohot sude na manginganisa.

HAKIM-HAKIM 5:31

Sai mate ma nian angka musuMu, Tuhan, songon si Sisera, tapi sude donganMu sai magodang ma songon mataniari di angkasa. Dung i i sonang ma luat i opat pulu taon lolotna.

HAKIM-HAKIM 5:3

Angka raja dohot parkuaso tangihon hamu ma, marende au di Tuhan Debata, ni Israel.

PANGARATAION 4:26

Langit dohot tano ma na gabe saksimunu sadari on, muda ampot nada marpangoloion hamu tu na hudok i, manigor mago ma hamu sian tano na giot siingananmunu na di ipar ni Batang aek Jordan i. Nada pola honok hamu tinggal disi, tapi roncohononkon do sudena.

PAMUNGKAAN 6:13

Jadi didok Debata ma tu si Noak, “Madung putus di rohangKu, paujungonKu ma sude ngolu ni jolma. MatehononKu noma halahi, angke madung gok na satano on hajahaton ni halahi.

JESAYA 48:16

Ro ma ho padonok ma tu Au jana tangihon ma, sian najolo do marsitangkas Au mandok hata; jana dompak tarjadi sudena i, disi do Au.” Saonnari au diutus Tuhan Debata jana dohot TondiNa au dipasingkop.

JEHESKIEL 38:17

Nada he Hudok hian do najolo taringot tu ho marhite angka naposongKu na giot suruonKu di hatiha na giot ro sada halak laho mamorangi Israel. Au Tuhan Debata madung mandok songon i.”

OBAJA 1:1

On ma parnidaan ni si Obaja; dipalalu ia do tona ni Tuhan Na Gumincat i taringot tu bangso Edom: Ditongos Tuhan ma angka suruanNa tu angka bangso, jana hubege do tona na niobanna i, “Markobas ma hamu marporang! Beta ma hita mamorangi Edom.”

JESAYA 63:1

“Ise dehe na ro sian Edom adu? Na ro sian Bosra marbaju na rara, tongam do pakeannia, na mangalangka songon na marsahala? Au do na manjanjihon hasintongan dohot na markuaso paluahon!” “Au ma da on, Tuhan na margogo paluahon, ro Au maroban barita hamonangan.”

JEREMIA 49:7

On ma na nidok ni Tuhan Na Markuaso salaho tu Amon, “Adong he na so tarbaen halak Edom be marpikir torang? Adong he na so dilehen angka panuturi ni halahi be sipaingot tu halahi?