JESAYA 30:4 - BIBEL JAMITA NA DENGGAN

⁴ Haru pe na dung lalu angka suruan ni Juda i tu kota Zoan dohot Hanes na di Mesir,

JESAYA 30:4 Referans Kwoze

JESAYA 19:11

Na santak antong bodona angka pamimpin ni kota Zoan! Halak Mesir na umbisukna pe mangalehen sipaingot na lobi oto! Puluk ma da halahi mandok tu raja i paboahon na pomparan ni angka halak na marroha dohot raja-raja sian na robi halahi!

JEREMIA 43:7

Dialo halahi do parenta ni Tuhan jana kehe halahi tu Mesir lopus lalu tu kota Tahpanhes.

JESAYA 57:9

Maroban miak na huskus do hamu mangadop Debata Molok, jana marragam angka na huskus; disuru ho do kehe angka suruanmu tu luat na dao, jana lalu tu banua toru inganan ni na mate.

HOSEA 7:16

Laing dipupu halahi do mangihutkon angka debata na soada gogona i. Nada tarpangasahon halahi tudos tu sior na hendur. Angka pamimpin ni halahi mangkatai maradu bulbul, jadi mate hona bunu do halahi, kejam pambaenna jana partataan ni angka halak Mesir.”

JEHESKIEL 30:18

Di ari i, di na Hupaujung sahala ni Mesir jana Hubuat kuasonia na nihagodangkonnia i, manggolap ma Tahpanhes jana tangkuponna ma angka dadaboruna.

JEHESKIEL 30:14

Sude Mesir; Patros sabola Selatan giot baenonKu mangalungun jana kota Soan na di Utara giot surbuonKu. Tebe kota sabungan i giot uhumanKu,

2 RAJA-RAJA 17:4

Tapi di sada hatiha, disuru si Hosea ma utusan tu si So, raja ni Mesir, laho mangido bantuan. Jadi gabe mantak ma si Hosea manggarar pajak siganop taon tu Asur. Dung diboto si Salmaneser na manghianat si Hosea ditangkup ia ma si Hosea jana dipamasuk ia tu hurungan.

BILANGAN 13:22

Parjolo, kehe halahi tu Selatan ni luat i jana lalu ma di kota Hebron inganan ni halak Ahiman, Sisai dohot Talmai, pomparan ni sada bangso na marpamatang raksasa, i ma na nidok halak Enak. (Kota Hebron dipajongjong pitu taon andorang so kota Zoan di Mesir.)

MASMUR 78:12

Di jolo ni angka ompu ni halahi, dibaen Debata hahomangan di Luat Mesir, di napa Zoan.

JEREMIA 49:14

Au si Jeremia, hudok ma, “Ale Edom, madung hujagit sada barita sian Tuhan. Madung disuru utusan tu angka bangso laho marsuru halahi palagutkon tentara lalu marhobas laho mamorangi ho.

OBAJA 1:1

On ma parnidaan ni si Obaja; dipalalu ia do tona ni Tuhan Na Gumincat i taringot tu bangso Edom: Ditongos Tuhan ma angka suruanNa tu angka bangso, jana hubege do tona na niobanna i, “Markobas ma hamu marporang! Beta ma hita mamorangi Edom.”