JESAYA 30:12 - BIBEL JAMITA NA DENGGAN

¹² Tapi on ma na nidok ni Debata Na Badia ni Israel: “Dipasiding hamu do na Hudok jana dipangasahon hamu do gogo dohot gabus.

JESAYA 30:12 Referans Kwoze

JESAYA 5:24

Madung ditulakkon hamu pangajaran ni Tuhan Na Markuaso i, Debata Na Badia ni Israel. Hara ni i, songon durame dohot duhut na mahiang abis dipangan api, laing songon i muse ma angka urat-uratmunu gabe busuk, angka bungamunu pe malos ma i lalu abis diombuskon alogo.

1 TESSALONIKA 4:8

Hara ni i, sanga ise na manulak pangajaran on nada jolma be na nitulakna, tapi na manulak Debata na mangalehen TondiNa na badia i do tu hamu.

AMOS 2:4

Songon on ma didok Tuhan, “Hara ni na dung mardosa halak Juda marhite tolu hajahatan lopus tu opat hajahatan, nada tarikonKu be haputusanKi. Dilaosi halahi do angka parenta ni Tuhan, jana nada dimomosi halahi haputusanNia. Lilu do halahi dibaen angka debata na nisomba ni angka ompu ni halahi.

JESAYA 47:10

Aman dihilala ho di bagasan hajahatan, dipikir ho parbuatanmi nada haidaan. Dililuhon habisuhon dohot parbinotoan i do ho, gabe didokkon ho ma di bagasan rohamu, ‘Nada adong na asing sian au.’

LUKAS 10:16

Dung i mandok hata ma Jesus tu angka siseanNia, “Angka halak na manangihon na nidokmunu sarupa do i tu na manangihon sanga aha na Hudok tusia. Halak na so ra manjagit hamu, laing na so ra manjagit Au do i. Jana halak na so ra manjagit Au, sarupa do i tu na so ra manjagit na marsuru Au.”

JEREMIA 13:25

I ma bagianmu na dung Hutontuhon hara ni na nihalupahonmu Au jana porsaya ho tu angka gabus.

JESAYA 30:7

Parcuma do pangurupi ni Mesir. Hara ni i gabe Hubaen ma panggoar-goari ni Mesir, ‘Naga na so sihabiaran.’ ”

JESAYA 30:1

Didok Tuhan, “Marjaya ma angka pamimpin ni Juda, patunda ni na mangalo halahi tu Au. Diihutkon halahi angka sangkap na so sian Au. Pardonganon na so nisuru ni tondingKu.

JESAYA 28:15

Maginjang ma rohamunu hara ni na dung mambaen parjanjian dohot hamatean dohot na dung satahi hamu dohot kuburan. Madung pasti di pangkilalaanmunu na so hahuaon ni parmaraan na giot ro i be hamu, umbaen na mamake tipu akal hamu laho manjagohon dirimunu.

JESAYA 5:7

Satutuna bangso Israel do kobun anggur ni Tuhan Na Markuaso i; jana halak Juda ma bona ni anggur na nisuanNia i. Diarop Ia hasintongan, tapi na ro hum harorangan. Diarop Ia hatigoran, tapi na ro hum hajahatan.

MASMUR 62:10

Ulang arop rohamu di angka barang na nirampas, jana ulang marpangunsandean tu angka na nirampas. Muda pe martamba hakayoanmu, ulang lohot tusi rohamu.

MASMUR 52:7

“Indi ma da halakna na so marpangondian tu Debata, tapi na sai mangasahon sinadonganna dohot hajahatanna.”

PODA 24:2

Hum na mamikirkon hakejamon do halahi jana hum na manghobari hajahatan.

JESAYA 3:14

Ro ma Tuhan songon panguhum maradopkon angka pamimpin ni bangsoNia. Songon on ma adu-adu ni Tuhan maradopkon halahi: “Ditangko hamu do suha ni angka kobun anggur, jana gok bagasmu dohot barang na nirampas sian halak na pogos.

JESAYA 3:15

Nada adong hakmu laho mamisat bangsongKu dohot mamoro halak na pogos. Au Tuhan Debata Na Markuaso madung mandok songon i.”

JESAYA 7:9

Samaria i ma kota sabungan ni Efraim, anak ni si Remalya ma rajana. Muda nada porsaya hamu, bagi na bia pe nada martahan hamu.”

JESAYA 8:6

ning Ia ma, “Ditulak bangso on do aek na sonang na sian anak ni Batang aek Siloa, jana mar jop ni roha mida Raja Resin dohot anak ni si Remalya.

JESAYA 26:21

Na giot mijur ma Tuhan sian ingananNa di banua ginjang laho manguhumi pangisi ni tano on hara ni dosa ni halahi. PatorangonNa ma sude pamunuon na nibaen ni halahi di na buni. Nada tutup-tutupan ni tano i be angka na mate hona bunu i.

JESAYA 59:4

Nada adong na mangajuhon parkaro na maralasan na tutu, jana nada adong na manguhumi, dohot alasan na togu. Halak na mangasahon na so hasaya dohot gabus, halak na adong mara dohot manubuhon hajahatan.

JESAYA 59:13

Madung mardosa hami jana mangalo maradopkon Ho, jana nada ra mangihutkon Ho. Madung hami parkanciti halak na asing jana marbalik hami sian Ho. Nada tutu be pikirannami, jana hatanami pe gabus noma.