JESAYA 30:1 - BIBEL JAMITA NA DENGGAN

¹ Didok Tuhan, “Marjaya ma angka pamimpin ni Juda, patunda ni na mangalo halahi tu Au. Diihutkon halahi angka sangkap na so sian Au. Pardonganon na so nisuru ni tondingKu.

JESAYA 30:1 Referans Kwoze

JESAYA 65:2

Tongtong do Au hobas laho manjaluangi bangsongKi haru pe mardongan jogal ni rohana mambaen na jahat halahi jana manondong dalan lomo ni rohana sandiri.

JESAYA 1:2

Didok Tuhan ma, “O, langit dohot tano tangihon ma na Hudok! Angka dakdanak na Hupature-ture mangalo do tu Au.

HOSEA 7:13

Marjaya do halahi hara ni na nitadingkon ni halahi Au. Angkon maropuk halahi hara ni na mangalo tu Au. Sai giot paluaonKu do nian halahi, tapi margabus do halahi tu Au.

SURAT NI SI PAULUS TU PARLAGUTAN ROM 2:5

Tapi hara ni jogal ni rohamu na so ra muba, ditamba ho do rimas tu dirimu sandiri di ari haririmas dohot hapataran ni uhuman ni Debata na tigor i.

JESAYA 63:10

Hape manggugai do halahi mambaen roha ni Tuhan gabe marsak. Jadi gabe musuNia ma halahi jana marporang mangalo halahi.

JESAYA 29:15

Marjaya ma sanga ise halak na giot manabunihon tahina sian Tuhan! Marsibuni-sibuni ma halahi mambaen sibaenonna, jana ning roha ni halahi nada adong sahalak pe na marnida sanga na umboto sanga aha na nibaen ni halahi.

2 TIMOTEUS 3:13

hape anggo angka parjahat dohot angka panipu i mur jumahat dope. Ditipu halahi ma halak na asing, hape hona tipu muse do halahi.

JEHESKIEL 3:9

BahenonKu ma ho pir songon togu ni batu mamak dohot songon batu intan, anso ulang mabiar ho mida angka hajogalon ni roha ni halahi.”

JEHESKIEL 2:3

“Ale jolma parsantongkinan, Husuru ho tu angka halak Israel na dung mangalo tu Au. Pangalo do halahi lopus tu saonnari laing songon ompu ni halahi i.

JEREMIA 5:23

Tapi anggo hamu jogal do rohamunu jana sai mangalo; madung manyimbil hamu jana ditadingkon hamu Au.

JESAYA 30:9

Hara ni na sai mangalo halahi tu Debata, sai margabus, jana nada jungada ra manangihon pangajaran ni Tuhan.

MASMUR 61:4

Padiar mamanompang di undung-undungMu au salolot au mangolu, anso sonang au di linggoman ni habongMu.

PANGARATAION 29:19

Ulang ma adong dison sahalak pe na umbege sadari on pangidoan na koras i hapengani di bagasan rohania laing pos do rohania marnasib na denggan ia tongtong haru pe manggogo ia manustus dalannia sandiri. Hara ni i angkon diabiskon ma sude na maraek dohot na mahiang.

PANGARATAION 9:24

Sian dung hutanda hamu, sai matua na mangalo do hamu tu Tuhan.

JEREMIA 4:17

jana hobuhon ni halahi ma Jerusalem songon halak na manjago ladang. Patunda ni na mangalo ma Juda maradopkon Tuhan umbaen na tarjadi sudena i. Madung didok Tuhan songon i.

JESAYA 32:2

Tarsongon inganan parondingan sian alogo jana songon parlinggoman sian bade. Tudos tu batang aek na mardalan di parhorsihan do halahi, songon batu mamak na godang parsilaungan di tano na harsang.

JESAYA 8:12

Ning Ia ma, “Ulang ho dohot marpokat dohot bangso i, jana ulang ho mabiar mida na nihabiaran ni halahi i.

JESAYA 4:5

Dung i baenon ni Tuhan ma ombun di arianna, jana timus dohot api na marsinondang di bornginna, di gincat ni kota Sion dohot di gincat ni sude angka na marlagut di kota i. Hamuliaan ni Debata ma manggupgupi dohot manjagohon sudena i.

JESAYA 1:5

Biasi dope he angkon sai manggagai hamu? Adong he na giot baenon dope uhuman na umborat tu hamu? Ma sap sude ulumu baro-baroon, rohamu pe dohot pikiranmu marnyae.

HOSEA 13:2

Lopus saonnari laing torus dope mardosa angka halak Efraim i; dipambaeni halahi do angka patung sian perak na nirangrangan ni akal ni jolma jana na nigana ni tangan ni jolma lalu disomba ma i. Didok halahi, “Pelehon ma haul tu angka patung on!” Padiar ma diummai jolma i angka anak ni lombu i!

JESAYA 5:18

Marjaya ma halahi na manghail hasalaan dohot tali ni gabus, jana dosa songon tali ni garobak.

JESAYA 28:20

Songon halak na modom di parate na hurang ginjang muda mamustang. Hurang bidang ulos i muda dipake margupgup.

JESAYA 28:15

Maginjang ma rohamunu hara ni na dung mambaen parjanjian dohot hamatean dohot na dung satahi hamu dohot kuburan. Madung pasti di pangkilalaanmunu na so hahuaon ni parmaraan na giot ro i be hamu, umbaen na mamake tipu akal hamu laho manjagohon dirimunu.

JESAYA 8:19

Tapi muda di dokkon halak tu hamu: “Pangido ma piruang tu angka tondi dohot tu angka datu na marhusipi jana mubit-ubit,” alusi ma: “Nada he patut sada bangso mangido piruang tu debatana? Sanga na angkon do mangido piruang tu jolma na dung mate domu tu haporluan ni jolma na mangolu?”

PANGARATAION 9:7

Ingot hamu sanga na bia dibaen hamu gabe muruk Tuhan Debatamunu di parhorsihan i. Mamungka sian ari disi ditadingkon hamu Mesir, lopus tu ari parlalumunu dison, na dung mangalo do hamu tu Tuhan.

BILANGAN 32:14

Saonnari, giot songon amamunu i ma hamu. Hamu ma sundut na mardosa. Hara ni pambaenanmunu i gabe marsijongjong muruk ni Tuhan i tu halak Israel.

JESAYA 1:23

Angka pamimpinmu halak na sai mangalo do jana kaki tangan ni panangko; sai dihagioti halahi do manjagit silua dohot suap. Nada unjung halahi ra mangondihon na so marama so marina di pangadilan; nada diampirkon halahi angka na mabalu na mangaduhon parkarona.

JESAYA 8:11

Marhite kuasoNia na godang i dilehen Ia ma sipaingot tu au anso ulang hutiru pangalaho ni bangso i.

JEREMIA 17:5

Didok Tuhan do, “Muda ditadingkon halak Au, Tuhanna, jana marpos ni roha tu jolma jana marpangunsandean tu hagogoonna, jadi gabe uhumonKu ma ia.

JEREMIA 37:7

mandok tu si Zedekia songon on, “Anggo tentara ni Mesir na ro i laho tuson mangurupi ho, marbalik do i, jana mulak.

JEREMIA 42:19

Dung i hudok ma muse, “Madung diparentahon Tuhan tu hamu na laing tading di Juda anso ulang kehe hamu tu Mesir. Jadi saonnari hupaingot hamu

JEHESKIEL 11:2

Didok Debata ma tu Au, “Ale jolma parsantongkinan, on ma da angka jolma na mambaen sangkap hajahatan di kota on dohot na mangalehen sipaingot na paliluhon.

JEHESKIEL 24:3

Dokkon ma sada umpama tu halak pambarontak jana dokkon ma tu halahi: Songon on do hata ni Tuhan Debata, ‘Payakkon ma huali di ginjang ni api, payakkon ma, jana baen ma muse aek tu bagasan.

JEHESKIEL 29:16

Nada be mangido pangurupion Israel tu hamu. Taringot ma Israel paida-ida bagianmu, ale bangso Mesir, sanga songon dia liluna mangasahon Mesir, songon na dung unjung dibaensa. Jadi gabe botoon ni Israel ma, Au do Tuhan Debata.”

ZAKARIA 4:6

Disuru surusuruan i ma au palaluhon tu si Zerubabel tona ni Tuhan songon on, “Nada markite-hite gogo ni parangan jana nada muse marhite hagogoonmu sandiri gabe manjadi karejomu, tapi marhite tondingKu do ninna Tuhan Na Markuaso.

JOSUA 9:14

Jadi dijagit halak Israel ma antong sipanganon i sian angka halak Gibeon i, hape nada mangido sipaingot halahi sian Tuhan salaho tusi.

2 RAJA-RAJA 18:21

Dipangasahon ho ma hape Mesir, tudos tu na martungkotkon arung do i; maponggol ma tungkotmi, hona susuk muse ma tanganmi. Songon i ma halak Mesir di sude halak na mararop roha tusi.’ ”

2 RAJA-RAJA 18:24

Hum maradopan dohot perwiranami na partoru pe, nada tuk dope hamu alo-aloni i. Hape diarop rohamunu ma tongoson ni Mesir bantuan kareta porang dohot pasukan na markudo!

JESAYA 1:4

Marjaya ma hamu bangso pardosa, angka halak na so ture jana na jahat pomparan ni angka parjahat, angka dakdanak na marparange na jat! Ditulak jana ditinggalkon halahi do Tuhan Na Sun Badia i, Debata ni Israel, jana manghudukkon Ia.

JESAYA 31:1

Marjaya ma halak na kehe tu Mesir laho mangido pangurupion. Dipangasahon halahi do hagogoan ni tentara ni Mesir, dohot parangan na manengget kudo dohot kudonia na gogo i songon i karetana na bahat i. Hape nada porsaya halahi tu Tuhan, Debata Na Badia ni Israel sanga pe mangido pangurupionNia.

JEREMIA 2:18

Na mahua ma ho tu Mesir? Na giot manginum aek ni Batang aek Nil? Na giot mahua ma ho tu Asur? Na giot manginum aek ni Batang aek Efrat?

HOSEA 11:6

Mangararati ma parporangan lopus tu angka kota ni halahi, bungkaron ma angka pintu horbangan jana abiskononna ma bangsongKi. Patunda ni na paihut-ihut giotna sandiri ma umbaen na tarjadi sudena i;