JESAYA 3:8 - BIBEL JAMITA NA DENGGAN

⁸ Satutuna, Jerusalem madung maronco, jana Juda pe madabu, harana hata dohot pambaenan ni halahi mangalo Tuhan jana mangalo hasangapan ni harajaanNa.

JESAYA 3:8 Referans Kwoze

1 KORINTUS 10:22

Anso mangiburu dehe lakna Tuhan baenonta? Gumogo dehe hita lakna sian Tuhan?

HOSEA 7:16

Laing dipupu halahi do mangihutkon angka debata na soada gogona i. Nada tarpangasahon halahi tudos tu sior na hendur. Angka pamimpin ni halahi mangkatai maradu bulbul, jadi mate hona bunu do halahi, kejam pambaenna jana partataan ni angka halak Mesir.”

JUDAS 1:15

laho manguhumi halak sudena. Dabuhonon ni Tuhan ma uhuman hara ni angka pambaenan ni angka jolma na so porsaya tuSia. Jana laing dabuhononNia ma uhuman hara ni sudena angka hata pangincahion na nipardokkonan ni angka halak pardosa na jahat tuSia!”

HABAKUK 1:13

Na badia situtu do mataMu, hara ni i nada tarpaida-ida Ho hajahatan jana nada tarligi Ho hakejamon. Biasi sai paligi-ligionMu angka jolma na jahat i, jana sai hohom Ho taran diabisi halak na jahat i angka halak na dumenggan sian ia?

MIKA 3:12

Hara ni hajahatanmi, pangkuran noma Sion songon ladang. Jerusalem gabe timbunan ni angka batu, jana dolok ni Bagas Na Badia gabe gasgas.

JEHESKIEL 9:9

Dialusi Debata ma, “Dosa na lobi godang do na dung dipambaeni ni angka halak Israel dohot Juda. Dipadalan halahi do pamunuon di sude inganan, jana dipahodar halahi do Jerusalem marhite hajahatan. Didok halahi bahaso na dung Hutadingkon luat on jana nada Huida be parbuatan ni halahi i.

JEHESKIEL 8:12

Didok Debata ma tu au, “Ale jolma parsantongkinan, aha do diida ho na nipambaenan ni angka pamimpin ni Israel di sihabunian i? Marsomba do halahi di bagasan bilik na gok dohot gana-ganaan i marhite alasan na mandok na dung Hutadingkon luat on jana nada Huida be parbuatan ni halahi i.”

JEREMIA 26:18

“Taran si Hiskia raja di Juda dipalalu Panurirang Mika na sian Moreset do hata on sian Tuhan Na Markuaso i, ‘Ombahon ma Sion songon ladang, Jerusalem gabe timbunan ni na marsegoan jana Dolok Ni Bagas Ni Debata gabe harangan.’

JEREMIA 26:6

Anggo laing tong do hamu manangkang, baenonKu do bagas paribadatan on songon na Hubaen tu Silo, lopus sandok bangso na satano on mamake goar ni Jerusalem on gabe bura.”

JESAYA 57:4

Ise do na nipartataanmunu? Ise do na niincahanmunu, hamu angka pargabus dohot pangalo?

JESAYA 9:17

Madung marbalik bangso i jana marpangalaho na hodar, jana hata ni halahi sude jahat do. Jadi hara ni i, sian tonga-tonga ni angka doli-doli umpe sahalak na giot malua baenon ni Tuhan. Inda ra Ia maribo ni roha mida angka na mabalu dohot na so marama so marina. Tapi laing torus dope Tuhan muruk jana sai giot manguhumi.

JESAYA 1:7

Madung disego-sego sude luat ingananmu; angka kotamunu pe madung disurbu. Laing di jolo ni matamu dibuat halak na asing tanomu lalu disego-sego sudena.

2 JUJUR TAON 33:11

Jadi diparo Tuhan ma angka panglima ni tentara Asur laho mangarampas Juda. Ditangkup ma si Manase dohot hait, dirante lalu dioban tu Babel.

2 JUJUR TAON 28:18

Laing di hatiha i manyaroso muse ma angka halak Pilistin tu angka kota na di pat ni dolok na di sabola Hasundutan dohot na di luat sabola Selatan ni Juda. Dibuat halahi ma kota Bet-Semes, Ayalon dohot Gederot, dohot angka kota Soko, Timna dohot Gomso maradu angka pagaran na humaliang kota na tolu i, lalu maringanan halahi disi.

JESAYA 6:11

Marsapa ma au, “Sadia honok ma na songon on ale Tuhan?” AlusNia, “Lopus gabe tinggal sego-segona sajo angka kota jana mamolngit, lopus nada diingani be angka bagas, lopus rumar tano i jana nada tubuan sanga aha.

JESAYA 49:19

Tanomu na mamolngit hara ni na dung maronco, saonnari masompittu di na mangingani ho. Nada tuk inganan di halahi sudena, na giot manginganisa. Angke madung kehe dao sian ho, halahi na mambaen sangkap manyegohon ho.

JESAYA 59:3

Harana tanganmu madung diramuni mudar, jana angka jarimu dohot hajahatan; pamanganmu mandokkon gabus, jana dilamu mandokkon na jahat.

JEREMIA 4:13

Ligi da, marmuldopan musu i songon ombun. Angka kareta porangna i songon halingsungsung, angka kudona i humipas sian unggas rajawali. Marjaya ma hita on! Mago ma hita!

JEREMIA 44:3

Patunda ni dosa ni halak na maringanan di angka kota i do umbaen na muruk Au. Dipelehon halahi haul jana marsomba halahi tu angka debata na so unjung hian dope disomba halahi sandiri, bope hamu sanga ompungmunu.

ANDUNG 1:9

Torang do tarida hahodaranna tapi nada diampirkon ia bagiannia. Santak ma da parsegona, hape sahalak pe nada adong mangapoisa. Mangido ibo ni roha ia sian Tuhan, hara ni angka musuna na dung monang.

MIKA 6:12

Angka halak na mora di hutamu mamoroi do sian halak na pogos, jana pargabus do hamu sudena.

PODA 26:27

Sanga ise na manghuar lubang tu halak na asing, runcur do i tu bagasan. Sanga ise manggulang batu, i do na nidondonanna.

JEREMIA 23:36

Nada tola be pakeon ni halahi pandohan ‘boban ni Tuhan’. Muda adong dope na mamake hata i, angkon baenonKu tonangKi gabe boban na tutu tusia. Madung dipabalik-balik halak Israel hata na Hudok, Au Debata ni halahi, Debata na mangolu, Tuhan Na Markuaso.

HOSEA 5:5

Torang do tarida bulbul ni bangso Israel jana i ma tanda ni hajahatan ni halahi. Dosa ni halahi do mambaen tartuktuk lalu tinggang Efraim, jana dohot do bangso Juda tinggang rap dohot halahi.