JESAYA 3:16 - BIBEL JAMITA NA DENGGAN

¹⁶ Didok Tuhan, “Ligi da, sombongna i angka boru Jerusalem! Mardalan halahi maradu gakgak. Humetek-hetek ma halahi manghidopi. Dipabaen-baen ma pangalangkana i jana mardoring-doring ma sora ni angka golang ni patna i.

JESAYA 3:16 Referans Kwoze

JESAYA 4:4

Markite-hite kuasoNia sandiri, adilan ni Tuhan ma bangsoNia i jana papolinonna. BasuonNia ma Jerusalem sian hasalaanna dohot sian mudar ni halak na so marsala na hona bunu di kota i.

MATEUS 21:5

“Dokkon ma tu boru Sion, Ligi ma, ma ro Rajamu manopot ho saonnari. Na serep roha do Ia, jana mangalombut halode, sada halode jara-jara.”

ENDE NA GODANG 3:11

Hamu angka boru Sion, ligi hamu ma, Raja Salomo mamake tuku dipapakehon inangna di ari parbagasonna, di ari na marjop ni roha ia.

PODA 30:13

Adong do halak si ginjang roha, sai gakgak ma pangaligina.

LUKAS 23:28

Ditailihon Jesus ma tu halahi jana didok Ia ma, “Hamu angka boru Jerusalem! Ulang ma tangisi hamu Au. Dirimunu sandiri dohot angka dakdanakmunu ma tangisi hamu.

ZEPANYA 3:11

Anggo di hatiha i, ale bangsongKu nada pola porlu be ila rohamunu hara ni na dung mangalo tu Au. UsironKu ma sanga ise halak siginjang roha dohot na gakgak, jana nada be sai mangalo hamu tu Au di dolokKu na badia i.

JESAYA 24:4

Mahiang ma tano on jana malos, marhancit sude portibi on. Rap marhancit ma langit dohot tano on.

JESAYA 3:18

Di hatiha i angkon buaton ni Tuhan ma sude parhiasan sian halahi; angka golang ni pat, jamang-jamang, dohot angka bulung-bulung,

JESAYA 1:8

Hum Jerusalem noma na tinggal, i pe laing na hona hobuk ma i na so margeldok, songon sopo di kobun anggur sanga songon undung-undung di kobun ancimun.

PODA 16:18

Ginjang ni roha mambaen hasegoan; bulbul mambaen hasarsaran.

JESAYA 3:1

Jana satutuna Tuhan, Tuhan Na Markuaso, giot padaoonNa sian Jerusalem dohot sian Juda sandok jolma na nipangasahon ni halahi, dohot sude parsadiaan panganon dohot siinumon,

JESAYA 3:4

PabangkitonKu ma angka na poso bulung gabe pamimpin ni halahi, jana angka dakdanak gabe mamarenta halahi.

JESAYA 3:17

Hape uhumanKu noma halahi; sap ma uluna i rasa-rasaon lopus gabe palpalon.”

PODA 21:4

Mardosa do halak parjahat i, hara ni na nirajaan ni bulbul dohot ginjang ni roha i.