JESAYA 28:1 - BIBEL JAMITA NA DENGGAN

¹ Marjaya ma Harajaan Israel! Hambar ma hajegesonna i songon sasusuhan ni bunga na malos di ulu ni angka pamimpinna. Huskus nian ulu ni halahi hara ni miak wangi, tapi bustang do halahi modom songon na mate hara ni na mabuk.

JESAYA 28:1 Referans Kwoze

HOSEA 7:5

Di ari pesta ni raja i dibaen halahi do marsahit angka pamimpin marhite anggur na pamilaskon, mardomu do ia dohot angka panghianat.

JESAYA 28:7

Angka panurirang dohot angka malim pe nada be tarhatahon parmabukna hara ni na mabahathu minum anggur dohot tuak. Lenong-lenong pardalan ni halahi jana manjomba-jombaan hara ni na golap pikiranna. Nada diastui angka panurirang be angka parnidaan na nilehen ni Debata tu halahi. Nada tarputuskon angka malim be angka parkaro na lalu tu halahi.

AMOS 6:6

Minum anggur ma hamu sian bokor, jana dipake hamu ma miak na humuskus, hape nada adong arsak ni rohamunu mida hasesego ni Israel.

AMOS 6:1

Marjaya ma hamu na sonang mangolu di Sion, dohot hamu na aman pangkilalaanna di Samaria – hamu angka panangian ni masarakat ni bangso Israel na godang on, hamu angka na somal ditopot-topot rayat.

AMOS 2:12

Hape dibaen hamu do halak nasir minum anggur, jana dilarang hamu angka panurirang palaluhon tonangKu.

AMOS 2:8

Di sude inganan paribadatan, marmodoman jolma disi mamake baju na nibuat ni halahi gabe jaminan ni utang ni halak na pogos. Di Bagas Ni Debata, diinum halahi do anggur na nibuat ni halahi sian halak na marutang tu halahi.

HOSEA 6:10

Huida do sada hajorbuton di Israel: Hodar do dibaen bangsongKi dirina sandiri marhite na manyomba gana-ganaan.

HOSEA 5:5

Torang do tarida bulbul ni bangso Israel jana i ma tanda ni hajahatan ni halahi. Dosa ni halahi do mambaen tartuktuk lalu tinggang Efraim, jana dohot do bangso Juda tinggang rap dohot halahi.

HOSEA 4:11

Parbatu ni anggur dohot aek ni anggur mangagohon hagogoan laho marpikir.

JESAYA 9:9

Padiar ma sude bangso i umbotosa, i ma Efraim dohot rayat Samaria na marhite gakgak dohot ginjang ni rohana mandok,

JESAYA 8:4

Harana painte so tuk umur ni dakdanak i laho mandok ‘Amang’ dohot ‘Inang’, sasude sinadongan ni Damaskus dohot sude barang na nirampas ni Samaria, haldungon ni raja Asur ma i.”

JESAYA 5:22

Marjaya ma halahi angka na gogo minum, jana na malo mancampur minuman na koras.

JESAYA 5:11

Marjaya ma hamu! Sian manyogot lalu tu borngin, hum na manginum siinumon na koras ma hamu jana marmabuk-mabuk.

PODA 23:29

Diboto ho dehe na tarjadi tu halak na minum anggur lalu tonga borngin, dohot na manguji siinumon na koras? Mardangol do i jana marhancit. Sai martongkar ma ia jana humolos. Matana i marrarai jana pamatangna mabugangi, nada diboto sanga hara ni aha.

2 RAJA-RAJA 15:29

Di hatiha ni si Pekah mamarenta, dirampas si Tiglat-Pileser raja ni Asur ma kota Iyon, Abel-Bet-Maaka, Janoah, Kedes, Hasor, Luat Gilead, Galilea dohot Naftali. Dioban ia muse ma halak kota i gabe taban tu Asur.

HAMALIMON 26:19

Tarlobi do sombongmunu, tapi Au patunduk hamu. Nada ro be udan, gabe hiang ma tanomi pir songon batu.

HOSEA 5:9

Abis ma Israel, angke madung dapot arina laho manguhum halahi. Tangihon hamu ma, rayat ni Israel, angkon tarjadi do na songon i.

JESAYA 9:8

Madung dipaboa Tuhan uhum tu Israel angka pinompar ni si Jakob.

JESAYA 9:11

Madung dipatubu Tuhan tu roha ni musu laho mangalo halahi.

AMOS 4:1

Tangihon hamu ma, ale angka boru Samaria, na mur mamokmok songon angka lombu Basan! Dipisat hamu do halak na gale, halak na pogos diporo hamu, jana sai digogohon hamu anso diparade halaklahimu tongtong inumon na koras di hamu!

AMOS 6:4

Marjaya ma hamu na modom di podoman na jeges-jeges jana na marpesta mardongan juhut ni lombu dohot biri-biri jara-jara!

AMOS 6:8

Madung marsumpa Tuhan Debata hara ni diriNa sandiri, – songon on ma didok Tuhan, Debata Na Markuaso –, “Magigi do Au mida haginjangon ni roha ni Israel on; nada jop rohangKu mida angka bagas godang dohot angka bagas ni halahi na jeges-jeges i. PasahatonKu ma tu musu kota sabungan ni halahi rap dohot sude na adong di bagasanna.”