JESAYA 26:9 - BIBEL JAMITA NA DENGGAN

⁹ Muda borngin, sai Ho do dihalungunkon rohangku. Di manyogot pe, Ho do dihalungunkon tondingku. Muda manguhumi Ho sanoli on, tandaon ni na mangingani tano on ma hatigoranMu.

JESAYA 26:9 Referans Kwoze

MATEUS 6:33

Sai jumolo ma jalahi hamu Harajaan Ni Debata dohot hatigoranNa, jadi lehenonNia ma di hamu sasude na songon i.

MASMUR 119:62

Tonga borngin ngot au mamuji Ho, angke tigor do angka haputusan na nibaenMu.

MASMUR 63:1

Ale Debata, Ho do Debatangku hujalahi jana huhalungunkon do Ho. Songon tano gariang na mahiang na manguas di aek, songon i ma tondingku manguas di Ho.

MARKUS 1:35

Ancogotna i taran golap dope ari, ngot ma Jesus. Kehe ma Ia tu balian tu inganan na lungun. Martangiang ma Ia disi.

HALUMBAAN 11:13

Jadi ro ma lalo na gogo hatiha i di tano on. Maronco ma saparsampulu ni kota i jana mate ma dibunu lalo i pitu ribu halak. Angka halak na asing i na so mate dibunu lalo i, gabe mabiar situtu ma; jadi gabe dipuji halahi ma hagodangan ni Debata di banua ginjang i.

LUKAS 6:12

Jadi manangkok ma Jesus hatiha i tu sada dolok laho martangiang. Martangiang ma Ia saborngin i tu Debata.

JESAYA 55:6

Jalahi ma Tuhan dompak tarbaen dope dapot, pio hamu ma Ia salolot laing donok dope Ia.

PODA 8:17

Huhaholongi do na marholong ni roha di au; na manjalahi au, gabe dapot ia do au.

MASMUR 58:11

Dokkonon ni halak ma, “Dapotan pahalo do da antong halak na denggan, tutu do i, adong do Debata na manguhumi di portibi on.”

HOSEA 5:15

Angkon kehe do Au mulak tu ingananKu, lopus mangoku sala halahi jana manjalahi Au. Di bagasan pardangolan ni halahi gabe malungun halahi tu Au.”

JESAYA 27:9

Tapi anggo dosa ni Israel hum sada do dalanna anso tarsesa i, i ma muda digiling lamot songon soda angka langgatan parsombaan tu angka debata. Sandok panutungan ni hamonyan dohot tiang gana-ganaan Debata Asera angkon nisarsarkon muse.

MASMUR 130:6

Sai huhalungunkon do Tuhan, lumobi sian lungun ni panjago na paintehon torang ni ari, lumobi sian panjago malam na paintehon mataniari bincar.

MASMUR 64:9

Gabe mabiar be ma halak sudena; marpikir be ma halahi salaho tu pambaenan ni Debata, jana pararatkon sanga aha na dung dipatupa Debata.

MASMUR 83:18

Anso diboto halahi hum Ho do Tuhan Na Gumincat, Tuhan, na mangarajai sandok portibi.

MASMUR 78:34

Ganop dibunu Ia sanga na piga halak sian halahi, manyosal ma na asing i jana marsitutu tuSia mangulahi.

MASMUR 63:5

Pujionku do Ho marhite angka ende na riang-riang, dibaen dipasombu Ho rohangku songon na mangankon sipanganon na tabo.

MASMUR 105:7

Ia do Tuhan, Debatanta, marlaku do uhumNia di sandok tano on.

MASMUR 119:55

Huingot do Ho muda borngin, ale Tuhan, sai hutiop do tongtong TonaMu.

JESAYA 50:10

Ale hamu na pasangap Tuhan Debata, jana na mangoloi hata ni naposoNia, betak na golap do dalan na nibolusmunu, tapi laing porsaya ma tu Tuhan, Ia ma pangasahon hamu!

ANDUNG 2:19

Pupu hamu ma tarsunggul sasaborngin laho marsurak mangido ibo ni roha ni Tuhan i. Usehon na di rohamu taringot tu dakdanakmu na malean jana na marompasan di sude pangeldohan ni dalan.

ANDUNG 3:25

Burju do Tuhan tu halak na mararop ni roha tuSia, dohot tu halak na jalak-jalak diSia.

JEHESKIEL 5:15

Anso sai gabe siincahan jana sipalayason dohot siparjoraan dohot habiaran di halak parbegu angka na humaliang ho, muda muruk Au jana marrimas jana Huuhumi ho di bagasan muruk marhite pincang-pincang ni harimason.

1 JUJUR TAON 16:14

Ia ma da Tuhan, Debatanta. Dilingkup kuasoNia do portibi on sudena.