JESAYA 26:7 - BIBEL JAMITA NA DENGGAN

⁷ Lidang do dalan ni halak partigor, angke Ho do na mangarintis dalan disia.

JESAYA 26:7 Referans Kwoze

EPESUS 2:10

Na nitompa ni Debata do hita on, jana markite-hite Jesus Kristus dipauli Debata hita anso tabaen angka pangalaho na denggan na nipasingkopNia humani di hita.

1 JOHANNES 3:7

Hamu angka dakdanakku, ulang ma padiar hamu adong halak na mangaliluhon hamu. Barang ise na mangkarejohon hatigoran, na tigor do i, dos songon Kristus na tigor i.

2 KORINTUS 1:12

Anggo na pagodang rohanami on do: Dipapos taroktoknami do rohanami taringot tu sude na hami karejohon di tano on – lumobi na marpardomuan tu hamu – sian roha na ias jana na polin na sian Debata do hami baen i sudena, nada sian habisuhon ni portibi, tapi sian asi ni roha ni Debata do.

JESAYA 42:16

Giot toguonKu na mapitung i mamolus dalan na so ditanda halahi Humani. Hagolapan Hubaen gabe na torang di halahi, dalan na margaba-gobi Hubaen mangornop. I ma janjingKu tu halahi jana patulusonKu ma sudena i.

1 JOHANNES 3:10

On ma parasingan ni angka dakdanak ni Debata sian angka dakdanak ni Sibolis: Sanga ise na so patuluskon hatigoran, sanga na so manghaholongi donganna, nada dakdanak ni Debata halak na songon i.

PODA 20:7

Maruntung do anak na marama, na jujur boti na patulus hagiot ni Debata.

MASMUR 11:7

Angke tigor do Tuhan, dihalunguni Ia do halak na mambaen hatigoran. Halak na tigor, diida jana ditanda halahi do Tuhan.

1 KORINTUS 4:5

Antong, anggo so dapot dope hatihana, ulang ma matibutu tontuhon hamu marsala sada-sada halak sanga nada. Painte hamu ma lopus tu haroro ni Tuhan i. BukaonNia do sude angka rahasia na buni di na golap. RungkaranNia ma sudena rahasia na buni na di bagasan roha ni jolma. Di hatiha i pe anso jagiton ni halak ganop pujian na patut jagitonna sian Debata.

JESAYA 35:8

Gabe adong ma disi dalan godang, goarna “Dalan na tu hangoluan.” Nada boluson ni pardosa sian i, na bodo nada ihutkononna sian i.

MASMUR 1:6

Ditogu-togu Tuhan do anggo halak pangoloi, tapi anggo halak na jahat muli-muli tu hamagoan do i.

JOB 31:6

Padiar ma di timbangan na somal au ditimbang Debata, gabe botoonNia ma au na so marsala.

1 JUJUR TAON 29:17

Huboto do, na niujimu roha ni ganop halak jana dihalomohon rohamu do halak parroha na ias. Sian sada ni rohangku, di bagasan jop ni roha huhaulkon ma sudena on tu Ho. Madung tangkas huida sanga songon dia bangsoMu na marlagut dison marjop ni roha marsioban haulna be tu Ho.

ZEPANYA 3:5

Tapi na tigor do anggo Tuhan di tonga-tonga ni halahi, nada unjung dibaen Ia hakejamon, na so unjung dihalupahon di hatiha manyogot. Tapi halak na kejam nada mamboto hahaila.

MASMUR 11:4

Maringanan Tuhan di BagasNa na badia, marhabangsa di banua ginjang do Ia. Angka jolma i sai dipaligi-ligiSa, sude karejo ni halahi diboto Ia.

MASMUR 25:4

Patidahon ma tu au hagiot ni rohaMu ale Tuhan, patangkas ma sanga aha sipatupaonku.

MASMUR 25:5

Ajari au mangolu hombar tu hagiot ni rohaMu, angke Ho do antong Debatangku; Ho do na palua au, sai tu Ho do mararop ni roha au.

MASMUR 27:11

Ajari au ale Tuhan anso mangolu au marguru tu giotMu. Di dalan na aman ma togu au angke na bahatan do musungku.

PODA 4:18

Songon parbincar ni mataniari do anggo dalan na nibolus ni halak na denggan; mur lolot mur torang, jana ujungna ari pe gabe torang sajo.

JESAYA 52:12

Anggo sanoli on nada porlu kehe maradu tibu maporus palua diri pe nada porlu. Angke Tuhan Debatamu do manogu ho ondihononNia do ho sian sasude na ro.

JESAYA 57:2

Jana masuk ma ia tu inganan na sonang; angka halak parroha na tigor dapotan paradianan do i di gincat ni podomanna.

JEREMIA 10:23

Huboto do ale Tuhan, sahalak pe nada margogo manontuhon dalanna sanga mangatur pardalan ni ngoluna.

HOSEA 14:9

Efraim, aha dope he lakna hubunganKu dohot angka gana-ganaan? Au do na mangalusi dohot na mamparate-atehon ho! Songon hayu sanobar na rata do Au, sian Au ma ho mandapot parbatuna.”

MASMUR 5:9

Nada haposan anggo hata ni musungku; giot ni halahi, sai mago ma nian au. Tabo do begeon hata na nidok ni halahi, hape anggo roha ni halahi hum na giot manjahati.

PODA 3:6

Ingot ma Tuhan di bagasan sude na nikarejohonmu, anso dipatuduhon Ia tu ho dalan parngoluon na sintong.

PODA 11:5

Dalan ni halak na denggan dipahornop hajujuran, tapi halak na jahat maroban dirina tu hamagoan.

PODA 21:8

Maralit-alit do dalan ni parjahat; sai na tigor do roha ni halak na burju roha.

JESAYA 30:18

Haru pe songon i, laing dipainte Tuhan dope hatihana laho patuduhon tu hamu ibo ni rohaNia. Rade do Ia laho maribo ni roha tu hamu, angke Tuhan i do Debata na tigor. Martua do na marpos ni roha tuSia.