JESAYA 26:4 - BIBEL JAMITA NA DENGGAN

⁴ Sai haporsayai ma tongtong Tuhan, harana Tuhan Debata do dolok batu na manongtong.

JESAYA 26:4 Referans Kwoze

JESAYA 12:2

Debata do da haluaanku, porsaya tuSia do au. Nada adong na mambaen au mabiar, angke Tuhan Debata do hagogoanku dohot ende-endengku, Debata do na paluahon au, Ia do haluaanku.

MASMUR 62:8

O hamu bangsongku, sai tu Debata ma hamunu mararop roha, usehon ma isi ni rohamu tuSia, angke Ia do inganan parsiholipanta.

MASMUR 55:22

Pasahat ma holos ni rohamu tu Tuhan, jadi pargogoanNia ma ho, angke nada unjung Ia padiarkon halak na tigor ditaluhon.

PILIPPI 4:13

Markite-hite kuaso na nilehen ni Kristus i tu au, taradopi au do sude ragam-ragam ni angka na masa.

MASMUR 18:2

Tuhan do parondinganku, benteng na togu di au. Tu Debata do au marsilaung, gabe sonang au marlindung. Songon parince digupgupi Ia au, dijago Ia au tongtong anso sai sonang au.

MASMUR 62:11

Piga-piga noli ma hubege didok Debata, anggo kuaso na sian Ia do asalna,

MASMUR 46:1

Debata do pangondianta dohot gogonta, sai na rade do Ia mangurupi muda ro hasusaan.

1 SAMUEL 2:2

Nada adong na badia songon Tuhan, nada adong na gogo songon Ia, nada adong na songon Ia na bisa gabe parondingan.

JESAYA 50:10

Ale hamu na pasangap Tuhan Debata, jana na mangoloi hata ni naposoNia, betak na golap do dalan na nibolusmunu, tapi laing porsaya ma tu Tuhan, Ia ma pangasahon hamu!

MATEUS 6:13

jana ulang pamasuk hami tu bagasan pandugaan, tapi palua ma hami sian pangago i.’ [Ho do Raja na markuaso jana na marsangap salolot-lolotna.]

JESAYA 45:24

Dokkonon ni halak ma, ‘Hum di Tuhan dapot hagogoan dohot hamonangan!’ Tapi manjagit hahaila ma sude na margoyak ni roha mida Ia.

JESAYA 32:2

Tarsongon inganan parondingan sian alogo jana songon parlinggoman sian bade. Tudos tu batang aek na mardalan di parhorsihan do halahi, songon batu mamak na godang parsilaungan di tano na harsang.

MASMUR 125:1

Sanga ise na porsaya tu Tuhan, i ma na songon Dolok Sion, na togu nada tarhutur, jana tohong nada targulotkon salolot-lolotna.

2 JUJUR TAON 20:20

Ancogotna i sogot sajo dope, ruar ma rayat i jana kehe ma halahi tu luat halongonan na di lambung ni Tekoa. Di na laho kehe halahi, jolo didok si Josafat ma sipaingot songon on, “Hamu angka rayat ni Juda dohot Jerusalem! Porsaya ma hamu tu Tuhan Debatamu, gabe margogo ma hamu martahan. Jagit hamu ma angka sipaingot sian panurirangmunu, gabe manjadi ma hamu!”

MATEUS 28:18

Gabe dipadonok Jesus ma tu halahi, didok Ia ma hata, “Sude kuaso na di banua ginjang dohot di tano on, madung dipasahat tu Au.

JESAYA 63:1

“Ise dehe na ro sian Edom adu? Na ro sian Bosra marbaju na rara, tongam do pakeannia, na mangalangka songon na marsahala? Au do na manjanjihon hasintongan dohot na markuaso paluahon!” “Au ma da on, Tuhan na margogo paluahon, ro Au maroban barita hamonangan.”

JESAYA 17:10

O Israel, madung dihalupahon ho Debata na paluahon dohot na manjagohon ho songon dolok batu na tohong. Balik do, madung disuani ho angka kobun laho marsomba angka debata.

JOB 9:19

Angkon maradu gogo noma iba ulaning dohot Ia? Hape ligi da, na santak do hinagogoNa. Sugari hubaen salaho tuSia pangaduan, ise ma na puluk mamiohon Ia tu paruhuman?

2 JUJUR TAON 32:8

Gogo ni jolma do na adong disia, tapi anggo hita adong do Tuhan Debatanta laho mangurupi jana marporang humopkop hita.” Umbege hata ni raja ni halahi i, gabe barani ma rayat i.

JESAYA 45:17

Hape anggo Israel paluaon ni Tuhan, jana malua ma halahi salolotna. Rayatna i nada palayason salolot-lolotna dohot satorusna.’ ”

MASMUR 93:1

Ale Tuhan, Ho do raja; na godang jana marsahala. Togu do parjongjong ni tano on nada tarbaen matolbak.

MASMUR 66:7

Marhite hagogoon mamarenta Ia salolot-lolotna. Dimatai Ia angka bangso anso ulang lobas pangalo i palalu rohana tuSia.

PANGARATAION 32:15

Gabe maradong bangso ni Tuhan, tapi sai tagi mangalo, ditulak halahi do Sipalua na gumogo. Mamokmohi halahi, butongan sipanganon. Ditadingkon halahi do Debata Na Manjadihon.

PANGARATAION 32:4

Tuhan ma da na mangondihon ho gumogo, sude dalanNa tigor jana sanggam do. Setia do Debatamu jana ias rohaNa, na denggan dohot na patut do dibaen Ia.

JESAYA 30:29

Tapi anggo hamu, marjop ni roha jana marendei ma hamu songon na masa di borngin ni pesta ugamo. Marmoga-moga ma hamu songon halak na ribur mardalan didongani sora ni suling laho manaek tu dolok ni Tuhan, na mangondihon Israel.

JESAYA 44:8

Ulang enek rohamu, ale bangsongKu; diboto ho do sian nahinan lalu tu saonnari, madung maralatan hian Au sanga aha na giot tarjadi; hamu ma na gabe saksingKu. Adong ma he Debata asing sian Au? Nada adong Dolok Batu na asing, na Hutanda!”

JESAYA 51:5

Di bagasan sangkidop mata mandonok ma haluaan na sian Au, ro ne ma haluaan na Hulehen, jana markite kuaso ni tanganKu, parentaonKu ma sude angka bangso; tu Au noma pulo-pulo paintehon. Pambaenan ni tanganKu do diarop roha ni halahi.

DANIEL 3:17

Muda margogo antong Debatanami paluahon hami sian purunan api na gara-gara i dohot sian kuaso ni raja i, angkon baenonNia do songon i.

DANIEL 3:28

Jadi didok raja i ma, “Puji ma Debata na nisomba ni si Sadrakh, si Mesakh dohot si Abednego. Disuru Ia do surusuruanNia laho paluahon naposoNa na tolu on na porsaya tuSia. Dilaosi halahi do parentangku jana gumonan mate ulang pado marsomba sanga mangoloi tu debata sanga na dia pe asing sian Debata ni halahi sandiri.

PANGARATAION 33:27

Sai tongtong do Debata na gabe pambelamunu; tanganNa na so ra mantak i panungkolmunu. Dipaorot Ia musu sian jolomunu, disuru Ia ho mangaropuk sude alomu.

MASMUR 62:9

Anggo jolma sangombus hosa do i na godang sanga na menek rap na so mararga do i. Muda nitimbang, tardapot ma halahi na nayang, numayang sian sangombus hosa.