JESAYA 26:13 - BIBEL JAMITA NA DENGGAN

¹³ Ale Tuhan Debatanami! Madung bahat na unjung mangarajai hami; tapi hum Ho sajo do sioloannami.

JESAYA 26:13 Referans Kwoze

SURAT NI SI PAULUS TU PARLAGUTAN ROM 6:22

Tapi anggo saonnari, dung dipalua hamu sian dosa jana madung gabe naposo ni Debata hamu, dapotan parbatu anso gabe badia ma hamu, jana ngolu na manongtong do ujungna i.

JESAYA 63:7

Giot paboaonKu do, holong ni roha ni Tuhan na so marhaujungan. Hupuji Ia hara ni sude pambaenanNia, pasupasuNia marlobian di hita bangsoNia. Angke gok ibo ni roha do Ia jana holong ni rohaNia nada marhasidungan.

JESAYA 2:8

Sanga na di dia sap gana-ganaan, jana marsomba tu angka patung na nipauli ni tanganna sandiri do halahi.

IBRANI 13:15

Hara ni i, sai tapuji-puji ma Debata markite-hite Jesus; i ma haul haluaan tuSia, na tahaulkon sian pandohan na tapajojor dohot pamanganta laho pasangapkon goarNia.

AMOS 6:10

Muda adong sian na sabagas mangurus kuburan ni na matean, ro ma ia jana ia ma maroban bangke ni sisolkotna i tu balian. Pio-pio ma ia tu jolma na di pudi ni bagasna i, “Adong dope he na mangolu disi rap dohot ho?” Jadi tarbege ma alus mandok, “Nada be!” Dokkonon ni na markarejo mangubur bangke ia ma, “Ulang be mangkatai ho! Nada tola dokkononta goar ni Tuhan.”

JESAYA 51:22

Songon i ma pandok ni Tuhanmu, Debata na mangondihon hamu, “Mangulahi Hubuat sian hamu, mangkuk dohot isi na palenongkon, jana isi ni mangkuk hamilason ni murukKu, indangkon inumon munu be i.

JESAYA 12:4

Dapot do i hatihana marendei angka halak, “Mandok tarimakasi ma da tu Tuhan, pio ma goarNia mangido tolongan. Paboa ma tu angka bangso, hagodangan dohot sude pambaenanNia.

JESAYA 10:11

Ma pola husego-sego Samaria dohot sude gana-ganaanna i, songon i muse ma baenonku di Jerusalem maradu sude gana-ganaan na disomba disi.”

2 JUJUR TAON 12:8

kuasoan ni si Sisak do halahi, anso diboto halahi parasingan ni na mangoloi tu Au dohot na mangoloi tu angka na markuaso di portibi on.”

JOSUA 23:7

Jana ulang jabat margaul hamu sanoli on dohot angka jolma na sian bangso-bangso na tinggal i dope di tonga-tongamunu. Jana ulang muse dokkon-dokkon hamu goar ni angka debata ni halahi, sanga marsumpa mangasahon goarna i. Ulang marhaul sanga manyomba hamu tu angka debata i.

1 KORINTUS 4:7

Ise dehe na mambaen hamu marhasurungan sian na asing? Nada he na nijagitmunu do sude sian Debata? Antong biasi ma he manggodang diri hamu songon dia ma na adong di hamu songon na so nilehen i di hamu?

JOHANNES 8:32

Botoonmunu ma hasintongan i jana paluaon ni hasintongan i ma hamu.”

JESAYA 26:8

Hami patulus do giotMu, ale Tuhan, hum Ho sajo do haposannami dohot lungun ni rohanami.

JESAYA 64:5

Lomo do rohaMu mida halak na jujur jana na mangolu mangihutkon hagiotMu. Muruk Ho tu hami, hape laing hami pupu mardosai tutu pardosa do hami tu Ho sian na robi.

MIKA 4:5

Ganop bangso na adong di portibi mangoloi be jana marsomba tu debatana sandiri. Tapi anggo hita haburjuhononta ma mangoloi Tuhan Debatanta jana tasomba Ia salolot-lolotna.