JESAYA 26:10 - BIBEL JAMITA NA DENGGAN

¹⁰ Haru pe denggan Ho tu halak na jungkat, nada tarbaen halahi marsiajar na so jahat. Di negara uhum pe laing na so ture do i nada ra mangoku tu kuaso ni Tuhan i.

JESAYA 26:10 Referans Kwoze

HOSEA 11:7

dohot hara ni jogal ni rohana laho manadingkon Au. Jadi gabe tarpisat ma halahi, tapi nada adong na paluahon haru pe marsurak halahi mangido tolong.”

HALUMBAAN 2:21

Jana madung Hulehen tusia hatiha anso dipauba ia ma rohania sian na markarosuan i; tapi nada dipauba ia rohania.

MIKA 2:10

Jongjong ma hamu jana morot; nada aman be dison. Gabe ro ma parmaraan, hasegoan tu inganan on hara ni angka dosamunu i.

JEREMIA 2:7

Tu tano napu Hutaruhon halahi laho mandai sude suha ni tano i. Hape dipahodar halahi do tanongKi disi diparsayang halahi do sinadonganKi.

PARJAMITA 3:16

Adong dope na huida di tano on: Sanga na di dia adong hatigoran dohot hadengganan, disi muse do adong hajahatan.

PODA 1:32

Mate ma halak na so marpangalaman patunda ni na so ra manjagit au, jana magete ma halak na oto hara ni na so ra mangalehen rohana tu au.

MASMUR 106:43

Marpupu dipalua Ho halahi, tapi jumop do roha ni halahi manggagai gabe madabu ma halahi mur bonom tu bagasan dosa.

PANGARATAION 32:15

Gabe maradong bangso ni Tuhan, tapi sai tagi mangalo, ditulak halahi do Sipalua na gumogo. Mamokmohi halahi, butongan sipanganon. Ditadingkon halahi do Debata Na Manjadihon.

HARURUAR 9:34

Dung diida raja i na masa i, diulahi ia ma mardosa. Tongtong do jogal roha ni raja i dohot angka menterinia i songon na somal.

HARURUAR 8:15

Dung diida raja i na dung marmatean sude tohuk i, dipajogal ia ma rohania mangulahi. Jana songon na nidok ni Tuhan, nada ra raja i manangihon si Musa dohot si Harun.

HOSEA 13:6

Hape dung lalu hamu di tano na denggan jana butongan hamu lopus sombu, gabe ginjang ma rohamunu jana lupa ma hamu tu Au.

HOSEA 9:3

Hamu ale halak Israel, nada tongtong hamu tinggal di tano na nilehen ni Tuhan tu hamu. Angkon mulak hamu tu Mesir jana angkon panganonmunu sipanganon na haram di Asur.

JEREMIA 31:23

Didok Tuhan Na Markuaso i, Debata ni Israel, “Muda dung Huoban bangsongKu mangulahi tu tano ni halahi sandiri, tarbege muse ma di tano Juda dohot di angka kotana i dokkonon ni halak, ‘Sai dipasupasu Tuhan ma da, ho ale inganan hasintongan ho ale dolok na badia!’

JESAYA 27:13

Paluon ma di hatiha i sarune laho marpio sude halak Israel na hona buang di Asur dohot di Mesir. Ro ma halahi tu Jerusalem marsomba tu Tuhan di dolokNa na badia.

JESAYA 24:5

Hodar ma tano on patunda ni na nilaosan ni pangisina angka parenta, na manguba aturan jana manggagai janji.

JESAYA 5:12

Di angka pestamunu habegean do sora ni hasapi, gambus, rapano dohot suling dohot na minum anggur. Hape nada diterge hamu anggo hagiot ni Tuhan dohot sanga aha na nibaenNa tu hamu.

JESAYA 2:10

Na giot masuk tu liang na di dolok batu noma halahi, sanga manghuar lubang di bagasan tano anso malua sian hamumuruk ni Tuhan dohot sian kuasoNia na marmulia i.

MASMUR 143:10

Ajari ma au patuluskon hagiot ni rohaMu angke Ho do Debatangku. Sai ditogu TondiMu na burju i ma au di dalan na hornop.

1 SAMUEL 15:17

Didok si Samuel ma, “Inda he na dung gabe pamimpin raja i di angka marga ni Israel, haru pe na so porlu dietong raja i dirina? Na dung dipili ni Tuhan do raja i gabe raja di Israel,

JESAYA 32:6

Halak na bodo mandok hata ma i songon na bodo, jana na mambaen sangkap na jat. Sanga aha pe na nibaen sanga na nidoknia, laing matua palayaskon Tuhan do i. Na so unjung do ia mangalehen mangan di halak na malean sanga minum tu halak na manguas.

MATEUS 4:5

Dung i dioban Sibolis i ma Jesus tu Kota Na Badia. Dibaen ma Ia tu bungkulan ni Bagas Ni Debata.

HARURUAR 9:30

Tapi huboto do laing na so mabiar do raja i, dohot angka menteri ni raja i tu Tuhan Debata.”

MASMUR 69:27

Paborat ma da uhuman i tu halahi; ulang be patigor-tigor halak na songon i.

JESAYA 32:7

Na jahat do halak na bodo i jana sai matua mambaen na jahat do i. Diakalkon ia do i laho mangago halak na pogos marhite gabus dohot na mangambatisa manjagit aturan bagianna humani.

2 RAJA-RAJA 13:6

Tapi haru songon i pe laing nada mantak halahi mambaen angka dosa na dipungka ni Raja Jerobeam. Laing dipadiar halahi do patung ni debata boru-boru Asera hot di Samaria.

PARJAMITA 8:11

Biasi songon i momona halak mambaen hajahatan? Hara ni na so manigor do dilehen uhuman.

JESAYA 1:21

Kota na burju najolo, saonnari gabe songon siboru jalang! Najolo burju halak kota i, hape anggo na adong saonnari hum sibunu jolma noma.