JESAYA 24:8 - BIBEL JAMITA NA DENGGAN

⁸ Nada adong be habegean sora ni hasapi na marriang-riang dohot pamalu ni rapano na marmoga-moga.

JESAYA 24:8 Referans Kwoze

HOSEA 2:11

AntahonKu sude angka pestana i, pesta siganop taon dohot pesta siganop bulan dohot angka Ari Sabat, pendekna sude ari pesta ni ugamonia.

HALUMBAAN 18:22

Nada habegean be sian ho sora ni musik ni parhasapi, dohot angka parende, sian parsuling dohot sian pangombus sarune! Sahalak pe nada dapot be halak na malo disi jana sora ni batu panggilingan pe nada adong be habegean.

JEHESKIEL 26:13

AntahonKu ma sude ende-endemu dohot musik hasapimu.

JEREMIA 7:34

Gabe padang na harsang ma tano i. AntahonKu ma sora na marmoga-moga dohot sora ni pesta haroan boru di angka kota ni Juda dohot di angka dalan ni Jerusalem.

JEREMIA 25:10

AntahonKu ma sian halahi sora na marriang-riang jana na marmoga-moga di pesta parbagason, sora ni batu panggilingan dohot torang ni lampu.

JEREMIA 16:9

Tangihon tangkas sanga aha na giot dokkononKu tu ho. Au Tuhan Na Markuaso. AntahonKu ma sora jop ni roha dohot hamogaan dohot hariburan ni pesta ni na marbagas. Idaon ni angka jolma na mangolu saonnari do pangalaho i tarjadi.

JESAYA 5:12

Di angka pestamunu habegean do sora ni hasapi, gambus, rapano dohot suling dohot na minum anggur. Hape nada diterge hamu anggo hagiot ni Tuhan dohot sanga aha na nibaenNa tu hamu.

JOB 30:31

Na jolo hubege do musik jop ni roha, hape saonnari hum andung tumatangis sajo noma.

MASMUR 137:2

Di bona ni ampolu na disi, tagantungkon hasapinta.

JESAYA 5:14

Maradu ngangang ma pamangan ni rura hamatean laho mambondut angka halak na godang di Jerusalem rap dohot rayat na somal marpesta i.

JESAYA 16:10

Umpe adong sahalak na marjop ni roha di angka ladang na napu i. Nada adong na pio-pio sanga na marende di kobun anggur i. Nada adong na mamoro anggur laho mambaen aek ni anggur. Madung marujung surak-surak jop ni roha.

ANDUNG 5:14

Nada be marlagut angka na tobang-tobang di horbangan ni kota, musik pe nada tarbege be di tonga-tonga ni na poso.

JEHESKIEL 28:13

Di Eden do ingananmu, di kobun ni Debata. Pakeanmu dipajeges dohot simata marrupa-rupa, i ma jaspis na rara, krisolit, jaspis na rata-rata, permata pirus; krisopras; nefrit; lajurit; batu na rara songon mudar dohot malakit. Bagas godang pe dibaen sian sere jana diparade do i di ari panompaonmu.

JOB 3:7

Sai ulang ma adong na tubu di borngin i, jana ulang adong na tarbege sora na marmoga-moga.

AMOS 6:7

Jadi hara ni i, hamu ma parjolo-jolo obanon tu habuangan. Marujung ma angka pesta dohot angka parjamu-jamuanmunu i.